జియో హాట్‌స్టార్‌ కోసం కొత్తగా సబ్‌స్క్రిప్షన్‌ తీసుకోవాలా.? పాత హాట్‌స్టార్‌ యాక్టివ్‌ ప్లాన్‌ ఏమవుతుంది..

జియో సినిమా, హాట్ స్టార్ కలిసి తాజాగా జియో హాట్ స్టార్‌గా మారిన విషయం తెలిసిందే. దీంతో మొన్నటి వరకు జియో సినిమాను ఉచితంగా పొందిన యూజర్లు ఇప్పుడు ప్రత్యేకంగా ప్లాన్స్‌ తీసుకోవాల్సిన పరిస్థితి వచ్చింది. అయితే అప్పటికే హాట్‌స్టార్‌ సబ్‌స్క్రిప్షన్‌ తీసుకున్న వారి పరిస్థితి ఏంటని ఎప్పుడైనా ఆలోచించారా.? 

మొన్నటి వరకు విడివిడిగా ఉన్న జియో, డిస్నీ + హాట్‌స్టార్ కలిసి జియో హాట్‌స్టార్‌ అనే కొత్త ఓటీటీ ప్లాట్‌ఫామ్‌ను తీసుకొచ్చిన విషయం తెలిసిందే. దీంతో వినియోగదారులకు అన్ని సేవలు ఒకే చోట లభిస్తాయి. కానీ ఈ విలీనం క్రికెట్ అభిమానులకు మాత్రం బ్యాడ్‌ లక్‌ అని చెప్పారు. 

మొన్నటి వరకు జియో సినిమా యాప్‌లో ఐపీఎల్‌ క్రికెట్‌ను ఉచితంగా చూసిన వారు ఇకపై జియో హాట్ స్టార్‌లో ఐపీఎల్ చూడాలంటే ప్రత్యేకంగా చందా చెల్లించాలి. జియో ప్యాకేజీలను సైతం ప్రకటించింది. యాడ్స్‌తో కంటెంట్‌ వీక్షించాలనుకుంటే రూ. 149 ప్లాన్‌, యాడ్స్‌ లేకుండా అయితే రూ. 299 ప్లాన్‌ వివరాలను ప్రకటించింది. 

జియో హాట్ స్టార్ ఉచితం

అయితే ఇక్కడ ఒక సందేహం రావడం సర్వసాధారణం. ఒకవేళ మీరు డిస్నీ + హాట్‌స్టార్ ఏడాది సబ్‌స్క్రిప్షన్‌ తీసుకుని ఉంటే ఆ ప్లాన్‌ ఏమవుతుందని. అయితే యాక్టివ్‌ ప్లాన్‌ ఉన్న వారు జియో హాట్ స్టార్ సేవలను ఉచితంగా పొందొచ్చు. డిస్నీ+ హాట్ స్టార్ సబ్‌స్క్రిప్షన్‌ ఎంతకాలం యాక్టివ్‌ ప్లాన్‌ ఉందో అన్ని రోజులు జియో హాట్ స్టార్ సేవలను ఉచితంగా పొందొచ్చు. ఆ తర్వాత సంబంధిత ప్లాన్‌ను యాక్టివేట్ చేసుకోవాల్సి ఉంటుంది. 

అదే విధంగా జియో సినిమా సబ్‌స్క్రిప్షన్‌ తీసుకున్న వారికి కూడా సదరు ప్యాక్‌ వ్యాలిడిటీ పూర్తయ్యే వరకు జియో హాట్‌ స్టార్‌ సేవలను ఉచితంగా పొందొచ్చు. ఇక మీకు జియోహాట్‌స్టార్ యాక్టివ్‌ సబ్‌స్క్రిప్షన్‌ అందుబాటులో ఉందో లేదో అన్న విషయాన్ని తెలుసుకునేందుకు ఒక చిన్న స్టెప్‌ ఫాలో అయితే సరిపోతుంది.

ఇందుకోసం ముందుగా మీ మొబైల్ నంబర్ లేదా ఈమెయిల్ ఐడీతో జియో హాట్ స్టార్ ఓపెన్ చేయాలి. ప్రొఫైల్‌లో చెక్ చేస్తే మీకు జియో హాట్ స్టార్ సబ్‌స్క్రిప్షన్‌ ఉందా లేదా.? అని తెలుస్తుంది. ఒకవేళ సబ్‌స్క్రిప్షన్‌ ఉంటే ఎలాంటి ప్లాన్‌ ఉంది.? ఎంతకాలం వ్యాలిడిటీ ఉంది లాంటి వివరాలు తెలుసుకోవచ్చు. 

ఇదిలా ఉంటే అటు జియో సినిమాతో పాటు డిస్నీ+ హాట్‌స్టార్‌ సేవలకు కొందరు యూజర్లు ఆటోపే ఆప్షన్‌ ఆన్‌ చేసుకుని ఉంటారు. ప్లాన్‌ పూర్తికాగానే ఆటోమెటిక్‌గా సబ్‌స్క్రిప్షన్‌ రెనివల్‌ అవుతుంది. మీరు లింక్‌ చేసిన బ్యాంక్‌ నుంచి అమౌంట్‌ కట్‌ అవుతుంది. అయితే ఇకపై ఆ ఆటోపే ప్రాసెస్‌ ఆగిపోతుంది. ఇప్పుడు కొత్తగా జియో హాట్‌స్టార్‌ యాప్‌లో మళ్లీ ప్రత్యేకంగా రీఛార్జ్‌ చేసుకోవాల్సి ఉంటుంది.