Chat GPT vs Gemini: ఆనందం ఎక్కడ దొరుకుతుంది.? చాట్‌ జీపీటీ, గూగుల్‌ జెమినీలు చెప్పిన సమాధానాలు ఏంటంటే..

పేదవాడైనా, కోటీశ్వరుడైనా ప్రతీ ఒక్కరికీ ఉండే కోరిక సంతోషంగా ఉండాలని. భవిష్యత్తులో సంతోషంగా ఉండాలంటే ఇప్పుడు కష్టపడాలని అనుకుంటారు. అయితే సంతోషానికి నిజమైన అర్థం ఏంటో మాత్రం ఎవ్వరూ చెప్పలేరు. మరి ఇదే ప్రశ్నను ఆర్టిఫిషియల్ ఇంటెలిజెన్స్‌ను అడిగితే ఏం సమాధానం చెప్తుందో ఎప్పుడైనా ఆలోచించారా.?   

ఆర్టిఫిషియల్ ఇంటెలిజెన్స్ ప్రస్తుతం ఎక్కడ చూసినా వీటి గురించే చర్చ నడుస్తోంది. దాదాపు అన్ని రంగాల్లో ఈ టెక్నాలజీని వినియోగిస్తున్నారు. వీటిలో ప్రధానంగా వినిపిస్తున్న పేర్లలలో చాట్‌ జీపీటీ, గూగుల్ జెమినీలు ఉన్నాయి. మరి ఈ రెండు ఏఐ చాట్‌బాట్‌లకు జీవితంలో సంతోషంగా ఉండాలంటే ఏం చేయాలనే ప్రశ్న సంధిస్తే ఎలాంటి సమాధానం ఇచ్చిందో ఇప్పుడు తెలుసుకుందాం. 

చాట్‌ జీపీటీ చెప్పిన సమాధానం ఏంటంటే..

ఆనందంగా జీవించాలంటే శారీరక, మానసిక, భావోద్వేగ, సామాజిక, ఆర్థిక అంశాలను సమతులంగా ఉంచుకోవాలి. కొన్ని ముఖ్యమైన మార్గాలు:

1) మానసిక ప్రశాంతత:

ధ్యానం, యోగా, ప్రాణాయామం చేయడం. ప్రతీరోజూ రాత్రి మీరు చేసిన మంచి విసయాలను గుర్తి చేసుకోవాలి. నెగటివ్ ఆలోచనలకు దూరంగా ఉండాలి. 

2) ఆరోగ్యకరమైన జీవనశైలి:

కచ్చితంగా ప్రతీ రోజూ 7 నుంచి 8 గంటల నిద్ర ఉండేలా చూసుకోవాలి. ఆరోగ్యకరమైన ఆహారం తీసుకోవడం, క్రమం తప్పకుండా వ్యాయామం చేయాలి. 

3) మంచి సంబంధాలు:

స్నేహితులు, కుటుంబ సభ్యులతో సంతోషంగా గడపడం. గౌరవంతో మెలగడం, సహనంతో ఉండడం. అవసరమైనప్పుడు సహాయం చేయడం. ప్రతీ చిన్న విషయానికి కోపాన్ని తెచ్చకోకుండా ఉండడం. 

4) లక్ష్యంతో కూడిన జీవనం: 

అభిరుచులకు అనుగుణంగా లక్ష్యాలను పెట్టుకోవడం. అంచెలంచెలుగా వాటిని సాధించే ప్రయత్నం చేయడం. నిత్యం ఏదో కొత్తది నేర్చుకోవడం. 

5) ఆర్థిక సంతోషం: 

ఖర్చు మించి ఆదాయం ఉండేలా చూసుకోవడం. ఆర్థిక భద్రత కోసం పొదుపు చేయడం. వ్యర్థ ఖర్చులను తగ్గించడం. 

6) భౌతిక ప్రపంచాన్ని ఆస్వాదించడం:

ప్రకృతిని ఆస్వాదించడం. ప్రయాణాలు చేయడం. చిన్న చిన్న విషయాల్లో ఆనందాన్ని వెతుక్కోవడం. 

గూగుల్ జెమినీ చెప్పిన సమాధానం ఏంటంటే: 

సంతోషంగా ఉండటానికి అనేక మార్గాలు ఉన్నాయి. కొన్ని సాధారణమైనవి ఇక్కడ ఉన్నాయి:

1) శారీరక శ్రమ:

క్రమం తప్పకుండా వ్యాయామం చేయడం వల్ల ఎండార్ఫిన్లు విడుదలవుతాయి, ఇవి సహజమైన మానసిక స్థితిని మెరుగుపరుస్తాయి. నడవడం, యోగా చేయడం, లేదా మీకు నచ్చిన ఏదైనా శారీరక శ్రమ చేయడం మంచిది.

2) సామాజిక సంబంధాలు:

కుటుంబం, స్నేహితులతో ఎక్కువ సమయం గడపడం. ఇతరులతో మీ భావాలను పంచుకోవడం. ఇతరులకు సహాయం చేయడం వల్ల కూడా సంతోషం కలుగుతుంది.

3) ఆరోగ్యకరమైన అలవాట్లు:

తగినంత నిద్ర పోవడం. ఆరోగ్యకరమైన ఆహారం తీసుకోవడం. ధ్యానం చేయడం లేదా శ్వాస వ్యాయామాలు చేయడం. 

4) మనస్సును ప్రశాంతంగా ఉంచుకోవడం:

ప్రకృతిలో సమయం గడపడం. మీకు నచ్చిన సంగీతం వినడం. మీకు నచ్చిన హాబీలను కొనసాగించడం.

5) సానుకూల దృక్పథం:

కృతజ్ఞత భావాన్ని పెంపొందించుకోవడం. ప్రతికూల ఆలోచనలను తగ్గించుకోవడం. ప్రతిరోజు కొన్ని సానుకూల విషయాలపై దృష్టి పెట్టడం.

6) ప్రస్తుత క్షణంలో జీవించడం:

గతం గురించి ఎక్కువగా ఆలోచించకుండా, భవిష్యత్తు గురించి ఆందోళన చెందకుండా ప్రస్తుత క్షణంలో జీవించడం. మనస్సును ప్రశాంతంగా ఉంచడం.

Follow Us