శంఖం ఎలా పుట్టిందో తెలుసా?
First Published | May 10, 2024, 4:45 PM ISTహిందూ మతంలో శంఖానికి ఎంతో ప్రాముఖ్యత ఉంది. శంఖాన్ని పూజ చేసేటప్పుడు, హారతి ఇచ్చేటప్పుడు ఊదుతారు. అంతేకాదు దీన్నిఎన్నో విధాలుగా ఉపయోగిస్తారు. అసలు శంఖం ఎలా పుట్టిందో తెలుసా?
☰
సనాతన ధర్మంలో పూజా ఆరాధనకు ఎన్నో నియమాలు ఉన్నాయి. పూజా సామగ్రితో పాటుగా పూజలో గంటలు, శంఖం కూడా ఖచ్చితంగా ఉంటాయి. పూజ చేసేటప్పుడు, హారతి ఇచ్చేటప్పుడు శంఖం ఊదడంతో పాటుగా గంటలు మోగిస్తారు. గంటలు, శంఖ శబ్దలు లేకుండా పూజ, హారతి సంపూర్ణం కావు. అయితే పూజలు, శుభకార్యాల సమయంలో శంఖం ఊదడం ఎన్నో ఏండ్ల తరబడి ఒక ఆనవాయితీగా వస్తోంది. నిజానికి శంఖం ఊదడం వల్ల ఎన్నో ప్రయోజనాలు కలుగుతాయని జ్యోతిష్యులు చెబుతున్నారు. శంఖం శబ్దం మన ఇంట్లో సానుకూల శక్తి ప్రవహించేలా చేస్తుంది. ఇంట్లో సుఖసంతోషాలు ఉంటాయని పురాణాల్లో ఉంది. అంతేకాదు పర్యావరణాన్ని శుద్ధి చేసి శుద్ధి చేసే గుణం శంఖానికి కూడా ఉందని నమ్ముతారు. దీన్నిఎంతో పవిత్రంగా కూడా భావిస్తారు. అందుకే అసలు శంఖం ఎలా పుట్టిందో ఇప్పుడు తెలుసుకుందాం పదండి.
శంఖం ఎలా పుట్టింది?
శంఖం నుంచి వచ్చే శబ్దం ఆరాధనను ప్రేరేపిస్తుంది. దాని నుంచివచ్చే ధ్వని ఎంత స్వచ్ఛంగా ఉంటుందంటే.. ఇది చుట్టుపక్కల వాతావరణాన్ని , అలాగే సానుకూల శక్తి ప్రవాహాన్ని శుద్ధి చేస్తుంది. అయితే ఈ శంఖం లక్ష్మీదేవి మాదిరిగానే సముద్రం నుంచి ఆవిర్భవించిందని మత గ్రంథాలు చెబుతున్నాయి. సముద్రం నుండి శంఖం ఉద్భవించినందుకు శంఖాన్ని లక్ష్మీ దేవి సోదరుడు అని కూడా పిలుస్తారు.
సముద్రం మథనం సమయంలో దాని నుంచి 14 రత్నాలు బయటకు వచ్చాయని, వాటిలో శంఖం ఒకటి అని చెప్తారు. పూజ చేసేటప్పుడు శంఖం ఊదడాన్ని ఎతో పవిత్రంగా భావిస్తారు. శంఖం విష్ణుమూర్తికి ఎంతో ప్రీతికరమైనదని, అందుకే శంఖాన్ని తన చేతుల్లో పట్టుకున్నాడని పండితులు చెప్తారు.
శంఖాన్ని ఎలా ఉపయోగించాలి?
శంఖాన్ని ఉపయోగించే ముందు దాన్ని నీళ్లతో కడగాలి. అలాగే శంఖం ఊదిన తర్వాత మళ్లీ నీటితో కడిగి తిరిగి దేవుడి గుడిలో పెట్టాలి.
శంఖాన్ని ఎక్కడా పెట్టకూడదు. దీన్ని పూజా గదిలో మాత్రమే పెట్టాలి. శంఖాన్నిప్రతి రోజూ పూజించాలని పండితులు చెబుతున్నారు. అలాగే దీన్ని ఎప్పుడూ ఖాళీగా ఉంచకూడదు. ఎప్పుడూ శంఖంలో ఏదైనా ఉంచాలి.
శంఖం ఊదినప్పుడు ఏం జరుగుతుంది?
శంఖం ఊదడం వల్ల వాతావరణం శుద్ధి అవుతుంది.
శంఖం శబ్దం వల్ల ఇంట్లో పాజిటివ్ ఎనర్జీ ప్రవహిస్తుంది.
శంఖంలోని నీళ్లను తాగడం వల్ల ఎన్నో ఆరోగ్య ప్రయోజనాలు కలుగుతాయి.
శంఖం ఊదడం వల్ల ఎన్నో వ్యాధుల నుంచి ఉపశమనం కలుగుతుంది.
Latest Videos
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండిclick me!