Katakatala Rudraiah Review: కృష్ణ మీద కోపంతో కృష్ణంరాజుకు నిర్మాత అవకాశం.. బ్లాక్‌బస్టర్‌ను సూపర్ స్టార్ ఎలా మిస్ అయ్యాడు? కటాకటాల రుద్రయ్య' రివ్యూ..
Katakatala Rudraiah Review: తెలుగు సినిమా రంగంలో కొన్ని చిత్రాలు ప్రేక్షకులను కేవలం వినోదంతో అలరించడమే కాకుండా, ఒక నటుడి ఇమేజ్‌ను శాశ్వతంగా ముద్ర వేస్తాయి. అలాంటి అపురూపమైన యాక్షన్ సినిమాల్లో 'కటాకటాల రుద్రయ్య' ఒకటి.
టాలీవుడ్ గర్వించదగిన నటుడు రెబెల్ స్టార్ కృష్ణంరాజు హీరోగా, దర్శకరత్న దాసరి నారాయణరావు దర్శకత్వంలో తెరకెక్కిన సినిమా 'కటాకటాల రుద్రయ్య'. 1978లో విడుదలైన ఈ మూవీ బాక్సాఫీస్ వద్ద ఒక సంచలనంగా నిలిచింది. ఆ కాలంలో ఈ సినిమా సృష్టించిన ప్రభంజనం అంతా ఇంతా కాదు. మాస్ ప్రేక్షకులు ఈ సినిమాకు నీరాజనం పట్టారు. ఈ మూవీతోనే కృష్ణంరాజు 'రెబెల్ స్టార్'గా పూర్తిగా మారిపోయారు.
కటాకటాల రుద్రయ్య కథ విషయానికి వస్తే...
సమాజంలో జరిగే అన్యాయాలు, అక్రమాలు, దోపిడీలను ఎదిరించే ఒక నిర్భయమైన యువకుడి కథే 'కటాకటాల రుద్రయ్య'. రుద్రయ్య (కృష్ణంరాజు) చిన్నతనం నుంచే అన్యాయాన్ని సహించలేని స్వభావం ఉన్నవాడు. సమాజంలో పలుకుబడి ఉన్న వ్యక్తులు, రాజకీయ నాయకులు, స్వార్థపరులైన ప్రతినాయకులు పేద ప్రజలను పీడిస్తుంటే రుద్రయ్య వారిపై తిరుగుబాటు చేస్తాడు.
ఈ క్రమంలో చట్టాన్ని తన చేతుల్లోకి తీసుకోవాల్సి వస్తుంది. దీనివల్ల అతనికి కోర్టు జైలు శిక్ష విధిస్తుంది. 'కటాకటాల' (జైలు ఊచలు) వెనుక ఉన్నప్పటికీ, రుద్రయ్య ఆలోచనలు, ఆశయం ఎప్పుడూ పేద ప్రజల సంక్షేమం కోసమే పరితపిస్తుంటాయి. ఈ కథలో జయసుధ, జయచిత్ర పాత్రలు రుద్రయ్య జీవితంలోకి ఎందుకు ప్రవేశించాయి? విలన్ల ఆట కట్టించడానికి రుద్రయ్య జైలు నుంచి బయటికి వచ్చి ఎలాంటి సాహసాలు చేశాడు? చివరికి న్యాయం ఎలా గెలిచింది? అనేదే ఈ చిత్ర అసలుససలు కథ.