ఆ ఊర్లో మగవాళ్లకి ఎంట్రీ లేదు..! ఎందుకో తెలుసా?

ఊరు అన్నాక ఆడ, మగ, చిన్నా, పెద్దా, ముసలి ముతక ఇలా అందరూ కలిసి ఉంటారు. కానీ ఒక ఊర్లో మాత్రం అసలు మగవాళ్లే ఉండరట. వారికి అసలు ఎంట్రీనే లేదట. ఇంతకీ ఆ ఊరెంటీ? దాని కథ ఏంటీ? చూద్దాం పదండి.    

ప్రపంచవ్యాప్తంగా ఆసక్తికర విషయాలు, వింత ప్రదేశాలు చాలా ఉంటాయి. వాటిలో ఒకటే మగాళ్లకి ప్రవేశం లేని ఈ ఊరు. నిజం చెప్పాలంటే, ఆ ఊర్లో ఒక్క మగవాడు కూడా ఉండడట. ఆడవాళ్లు మాత్రమే ఉంటారట. వినడానికి వింతగా ఉన్నా ఇది నిజం. ఇంతకీ ఆ ఊరు పేరెంటీ? అది ఎక్కడుందో ఇప్పుడు తెలుసుకుందాం.

ఉమోజా ఊరు

మగవాళ్లు లేని ఈ ఊరిపేరు ఉమోజా. ఇది ఉత్తర కెన్యాలోని సంబురు ప్రాంతంలో ఉంది. అక్కడ ఆడవాళ్లు మాత్రమే ఉంటారు. మగాళ్లకి అస్సలు ప్రవేశం లేదు.  

ఈ ఊరిని 1990లో 15 మంది ఆడవాళ్లు కలిసి స్థాపించారు. ఈ ఆడవాళ్లు తమ జీవితాల్లో హింసా, అత్యాచారం, బాల్యవివాహాలకు గురయ్యారు. అందుకే వాళ్లు బాధిత మహిళల కోసం ప్రత్యేకమైన ఊరిని స్థాపించారు.

ప్రతి నిర్ణయం ఆడవారిదే

ఈ ఊర్లో అన్ని నిర్ణయాలు ఆడవాళ్లే తీసుకుంటారు. అమ్మాయిల హక్కులకు సంబంధించిన ప్రతి నిర్ణయం చాలా జాగ్రత్తగా తీసుకుంటారు. వాళ్లకి నచ్చినట్టు బతుకుతుంటారు. ఈ ఊర్లో ఆడవాళ్లు వ్యవసాయం, వ్యాపారం, కుట్టుపని చేస్తూ జీవనం సాగిస్తారు.

రిపోర్ట్ ప్రకారం

ఓ రిపోర్ట్ ప్రకారం, ఆడవాళ్ల కొడుకులు 18 ఏళ్ల వరకు ఊర్లో ఉండొచ్చట. కానీ 18 ఏళ్లు దాటాక వాళ్లు ఊరు వదిలి వెళ్లిపోవాలి. ఈ ఊర్లో మగవాళ్లు వాళ్ల కుటుంబాన్ని కలవడానికి అనుమతి ఉంటుందట. అయితే వాళ్లు ఆ రోజు ముగిసేసరికి ఊరు వదిలి వెళ్లిపోవాలి.