UPSC Jobs: యూపీఎస్సీలో IAS, IPS మాత్ర‌మే కాదు.. చాలా జాబ్స్ ఉన్నాయి !

UPSC Jobs: యూనియన్ పబ్లిక్ సర్వీస్ కమిషన్ వివిధ ప్రతిష్టాత్మక ప్రభుత్వ సేవలు, పోస్టులకు నియామక పరీక్షలను నిర్వహిస్తుంది. ప్రతి సంవత్సరం లక్షలాది మంది యువత యుపిఎస్సి పరీక్షకు హాజరవుతారు. UPSC ద్వారా లభించే ప్రభుత్వ ఉద్యోగాలు ప్రధానంగా సివిల్ సర్వీసెస్, ఇతర కేంద్ర సేవలకు సంబంధించినవి.   

UPSC Jobs: UPSC పరీక్ష ప్రపంచంలోనే అత్యంత క్లిష్టమైన పరీక్షల్లో ఒక‌టి. ఇందులో ఉత్తీర్ణత సాధించడంతో దేశంలోనే అత్యున్నత ప్రభుత్వ ఉద్యోగం పొందవచ్చు. యూపీఎస్సీ కేవ‌లం ఐఏఎస్, ఐపీఎస్ ఉద్యోగాల కోసం మాత్రమే కాదు. ఇందులో చాలా ఉద్యోగాలే ఉన్నాయి. UPSC ఉద్యోగాలు అనేక గ్రూపులుగా ఉన్నాయి. ఈ పోటీ పరీక్షలో ఉత్తీర్ణత సాధించిన తర్వాత అభ్యర్థులకు వారి ర్యాంక్, ప్రాధాన్యత ప్రకారం సర్వీస్ కేటాయిస్తారు. UPSC పరీక్షలో IAS, IPS, IFS మొదలైన సేవలతో పాటు ఏ ఇతర ప్రభుత్వ ఉద్యోగాలు ఉన్నాయో ఇప్పుడు తెలుసుకుందాం. 

యూపీఎస్సీ సివిల్ సర్వీస్ పరీక్షలో ఉత్తీర్ణత సాధించిన త‌ర్వాత అనేక విభాగాలు, మంత్రిత్వ శాఖలలో ప్రభుత్వ ఉద్యోగం లభిస్తుంది. వాటిలో 

1. సివిల్ సర్వీసెస్ (ఆల్ ఇండియా సర్వీసెస్) 

ఏ. ఐఏఎస్ (ఇండియన్ అడ్మినిస్ట్రేటివ్ సర్వీస్): పరిపాలనా సేవలు, జిల్లా పరిపాలన, విధాన రూపకల్పన వంటివి ఉన్నాయి. 
బీ. ఐపీఎస్ (ఇండియన్ పోలీస్ సర్వీస్): శాంతిభద్రతలు, నేర నియంత్రణ, భద్రత, పోలీసు పరిపాలన.
సీ. IFS (ఇండియన్ ఫారెస్ట్ సర్వీస్): అటవీ సంరక్షణ, పర్యావరణ నిర్వహణ, వన్యప్రాణుల రక్షణ.

2. కేంద్ర సేవలు

IFS (ఇండియన్ ఫారిన్ సర్వీస్): విదేశాంగ మంత్రిత్వ శాఖలో దౌత్య సేవలు, విదేశాల్లోని భారత రాయబార కార్యాలయాల్లో ఉద్యోగాలు.
IRS (ఇండియన్ రెవెన్యూ సర్వీస్): టాక్స్ అడ్మినిస్ట్రేషన్ (ఆదాయపు పన్ను, కస్టమ్స్/ఎక్సైజ్ డ్యూటీ).
IAAS (ఇండియన్ ఆడిట్ అండ్ అకౌంట్స్ సర్వీస్): ఆడిటింగ్, ఆర్థిక నిర్వహణ.
IP & TAFS (ఇండియన్ పోస్ట్ & టెలికమ్యూనికేషన్ అకౌంట్స్ అండ్ ఫైనాన్స్ సర్వీస్): పోస్ట్, టెలికమ్యూనికేషన్ విభాగంలో ఆర్థిక నిర్వహణ.
ICLS (ఇండియన్ కార్పొరేట్ లా సర్వీస్): కార్పొరేట్ చట్టం, కంపెనీ వ్యవహారాల నిర్వహణ.
IIS (ఇండియన్ ఇన్ఫర్మేషన్ సర్వీస్): సమాచార, ప్రసార మంత్రిత్వ శాఖలో మీడియా, కమ్యూనికేషన్.
ఐటిఎస్ (ఇండియన్ ట్రేడ్ సర్వీస్): వాణిజ్య విధానం, అంతర్జాతీయ వాణిజ్య ప్రమోషన్.

3. ఇతర గ్రూప్ A, B సేవలు

రైల్వే సేవలు: భారతీయ రైల్వేలలో వివిధ పరిపాలనా, టెక్నిక‌ల్ పోస్టులు.
రక్షణ సేవలు: సాయుధ దళాల ప్రధాన కార్యాలయంలో సివిల్ పోస్టులు.
ఇండియన్ పోస్టల్ సర్వీస్ : పోస్టల్ డిపార్ట్‌మెంట్ నిర్వహణ, ఆప‌రేష‌న్స్. 
సెంట్రల్ ఆర్మ్డ్ పోలీస్ ఫోర్సెస్: BSF, CRPF, ITBP, SSB మొదలైన వాటిలో అసిస్టెంట్ కమాండెంట్ పోస్టులు.

4. విభాగాలు, మంత్రిత్వ శాఖలు

హోం వ్యవహారాల మంత్రిత్వ శాఖ
ఆర్థిక మంత్రిత్వ శాఖ
విదేశాంగ మంత్రిత్వ శాఖ
రక్షణ మంత్రిత్వ శాఖ
పర్యావరణం, అటవీ, వాతావరణ మార్పుల మంత్రిత్వ శాఖ
రైల్వే మంత్రిత్వ శాఖ
సమాచార, ప్రసార మంత్రిత్వ శాఖ మొదలైనవి.

UPSCలో ఎంపిక ఎలా జరుగుతుంది?

ఈ పోస్టులకు యుపిఎస్‌సి ప్రధానంగా మూడు పరీక్షలు నిర్వహిస్తుంది:

సివిల్ సర్వీసెస్ పరీక్ష (CSE): IAS, IPS, IFS మొదలైన వాటికి.
కంబైన్డ్ డిఫెన్స్ సర్వీసెస్ ఎగ్జామినేషన్ (CDS): మిలిటరీ సర్వీసెస్ (పరిమిత సివిల్ పోస్టులు) కోసం.
సెంట్రల్ ఆర్మ్డ్ పోలీస్ ఫోర్సెస్ (CAPF) పరీక్ష: అసిస్టెంట్ కమాండెంట్ కోసం.