Old Watch: మీ పాత వాచ్‌ పడేయకండి.. అందులో ఎంత వెండి ఉంటుందో తెలుసా?

Old Watch:  పనిచేయని పాత వాచీలను చాలామంది పడేస్తూ ఉంటారు.  అయితే వాటిని చెత్తలో పడేసే ముందు అందులో ఉండే వెండి గురించి తెలుసుకోండి.  వాచ్‌లోని చిన్న బ్యాటరీలో విలువైన వెండి దాగి ఉంటుంది. దాన్ని బయటకు తీయడం సాధ్యమేనా కాదా తెలుసుకోండి. 

వాచ్ బ్యాటరీల్లో ఎంత వెండి ఉంటుంది.

కొన్ని వాచ్ బ్యాటరీలలో వెండిని పెడతారు. అలాగని అన్ని వాచ్ బ్యాటరీలలో ఇది ఉండాలని లేదు.  సిల్వర్ ఆక్సైడ్ (Silver Oxide) టెక్నాలజీతో తయారైన 'SR' సిరీస్ బటన్ బ్యాటరీలలో వెండి ఉంటుంది. SR626SW, SR920SW, SR927SW వంటి మోడళ్లలో క్యాథోడ్‌గా సిల్వర్ ఆక్సైడ్ (Ag₂O) వాడతారు. అదే 'LR' సిరీస్ బ్యాటరీలలో జింక్, మాంగనీస్ డయాక్సైడ్ ఉంటాయి, వాటిలో ఎలాంటి వెండి ఉండదు. 

'జర్నల్ ఆఫ్ పవర్ సోర్సెస్' మ్యాగజైన్ లో ప్రచురించిన ఒక అధ్యయనం ప్రకారం  సుమారు 0.4 గ్రాముల బరువున్న ఒక చిన్న బ్యాటరీలో దాదాపు 0.12 గ్రాముల వెండి ఉండే అవకాశం ఉంది. అంటే అలాంటి 10 బ్యాటరీలను సేకరిస్తే, 1 నుంచి 3 గ్రాముల వరకు వెండి లభించే అవకాశం ఉంది. అయితే ఇది బ్యాటరీ సైజుపై ఆధారపడి ఉంటుంది.

ఆ వెండి బయటకు తీయగలమా?

బ్యాటరీలో వెండి ఉంటుందన్నది నిజమే. అయితే దాన్ని ఇంట్లోనే మీకు మీరుగా బయటకు తీయాలనుకోవడం మాత్రం మంచిది కాదు. ఆ వెండిని బయటకు తీయాలంటే కొన్ని రకాల రసాయనాలు, అత్యాధునిక యంత్రాలు, భద్రతా చర్యలు అవసరం. రసాయనాల వాడకం వల్ల విషపూరిత వాయువులు విడుదలవుతాయి. కాబట్టి సాధారణ వ్యక్తులు దీన్ని ఇంట్లో చేయలేరు.   అందుకే పెద్ద రీసైక్లింగ్ కంపెనీలు వేలాది బ్యాటరీలను సేకరించి అక్కడ వెండిని వేరుచేస్తాయి.

 మీ పాత వాచ్‌ను పడేసే ముందు, అందులోని బ్యాటరీ ఏ సిరీస్‌కు చెందిందో ఓసారి చూడండి. ఒకవేళ అది 'SR' సిరీస్ అయితే అందులో కచ్చితంగా వెండి ఉంటుంది. అలాంటి వాటిని సేకరించి ఎక్కవయ్యాక వాటిని అమ్మవచ్చు.