ఈ విషయం తెలిసిన వెంటనే గిరిబాబు ఏమాత్రం ఆలస్యం చేయకుండా తెల్లవారుజామున ఆరు గంటలకే ఎన్టీఆర్ ఇంటికి వెళ్లారు. అక్కడ ఉన్న ప్రముఖుల సమక్షంలో ఎన్టీఆర్ గిరిబాబును ప్రత్యేకంగా గదిలోకి పిలిపించారు. ఆ సమయంలో గిరిబాబు మాట్లాడుతూ.. ఎన్టీఆర్, అక్కినేని నాగేశ్వరరావు తనకు రెండు కళ్లతో సమానమని, వారిని ఆదర్శంగా తీసుకునే తాను ఇండస్ట్రీలోకి వచ్చానని చెప్పారు. పెద్దలంటే అపారమైన గౌరవం ఉన్న తనకు, ఎన్టీఆర్కు వ్యతిరేకంగా సినిమా తీయాలనే ఆలోచన ఎప్పటికీ రాదని స్పష్టం చేశారు.
'సింహగర్జన' కథను కేవలం ఐదు నిమిషాల్లో ఎన్టీఆర్కు వివరించారు. కథ విన్న తర్వాత రెండు సినిమాలకు ఎలాంటి సంబంధం లేదని ఎన్టీఆర్ స్వయంగా అన్నారు. అపోహ తొలగిపోవడంతో గిరిబాబును మెచ్చుకుని, సినిమా బాగా తీయాలని ఆశీర్వదించారు. ఆ తర్వాత విడుదలైన 'సింహగర్జన' మంచి విజయం సాధించగా, 'సింహబలుడు' ఆశించిన ఫలితాన్ని ఇవ్వలేదు. తన మాటతీరు, వినయంతో పెద్దల మనసు గెలుచుకున్న గిరిబాబు.. ఎన్టీఆర్ ఆగ్రహానికి గురవ్వడమే కాదు.. ఆ అపోహలను తొలగించడానికి స్వయంగా రంగంలోకి దిగారు కూడా. అలా ఇండస్ట్రీలో ప్రతీఒక్కరితో మంచిగా ఉంటు మంచి పేరు తెచ్చుకున్నారు గిరిబాబు.