మెగాస్టార్ చిరంజీవి మేనల్లుడైన అల్లు అర్జున్ ఆయన మీద పందెం వేశాడట. అయితే ఓడిపోయిన అల్లు అర్జున్ డబ్బులు పోగొట్టుకున్నాడట. ఈ ఆసక్తికర సంగతి ఏమిటో చూద్దాం..
చిరంజీవి అనగానే ముందుగా గుర్తుకు వచ్చేది ఆయన డాన్సులు. టాలీవుడ్ లో డాన్సులకు ట్రెండ్ సెట్టర్. ఆయన గ్రేస్ చూస్తే మతిపోతుంది. చిరంజీవికి అశేష అభిమానులను సంపాదించిన పెట్టిన అంశాలతో డాన్సు కూడా ఒకటి.
డాన్సుల్లో చిరంజీవిని బీట్ చేసే మరో హీరో దశాబ్దాల పాటు రాలేదు. ఎన్టీఆర్, అల్లు అర్జున్ రాకతో చిరంజీవికి గట్టి పోటీ ఎదురైంది. అయినప్పటికీ చిరంజీవి డాన్సులకు సపరేట్ ఫ్యాన్ బేస్ ఉంది. మెగా ఫ్యామిలీకి చెందిన అల్లు అర్జున్ గొప్ప డాన్సర్స్ లో ఒకరు.
కాగా చిరంజీవి కెరీర్లో ఇంద్ర అతిపెద్ద బ్లాక్ బస్టర్ గా ఉంది. 2002లో విడుదలైన ఈ చిత్రానికి బి గోపాల్ దర్శకుడు. అశ్విని దత్ నిర్మించారు. మణిశర్మ అందించిన సాంగ్స్ అద్భుతం అని చెప్పాలి. ప్రతి ఒక్క సాంగ్ సూపర్ హిట్. వాటిలో 'దాయి దాయి దామ్మా' చాలా ప్రత్యేకం.
దాయి దాయి దామ్మా సాంగ్ కి లారెన్స్ కొరియోగ్రఫీ అందించారు. ఈ పాటలో చిరంజీవి వేసిన వీణ స్టెప్ విపరీతంగా పాప్యులర్ అయ్యింది. కాగా అల్లు అర్జున్ ఈ స్టెప్ విషయంలో ఓ పందెం వేశాడట. ఇంద్ర విడుదలైన కొత్తలో ఆ సినిమా గురించి మాట్లాడుతూ స్నేహితుడితో బెట్ కట్టాడట.
దాయి దాయి దామ్మా సాంగ్ లో వీణ స్టెప్ వేసేటప్పుడు పక్కనే సోనాలి బింద్రే ఉంటుందని అల్లు అర్జున్ స్నేహితుడు అన్నాడట. లేదు ఇంద్ర నేను 17 సార్లు చూశాను. అది సోలో స్టెప్ చిరంజీవి మాత్రమే ఉంటారని అల్లు అర్జున్ అన్నాడట.
ఇద్దరూ రూ. 25 వేలకు బెట్ కట్టారట. తీరా సాంగ్ చూస్తే వీణ స్టెప్ లో చిరంజీవి పక్కన సోనాలి బింద్రే ఉందట. దాంతో అల్లు అర్జున్ డబ్బులు కోల్పోయాడట. అల్లు అర్జున్ ప్రతిసారి ఆ స్టెప్ వేసేటప్పుడు చిరంజీవిని గమనిస్తూ పక్కన సోనాలి బింద్రే ఉన్న విషయం మర్చిపోయాడట.
ఈ విషయాన్ని అల్లు అర్జున్ ఓ సందర్భంలో చెప్పాడు. ఇక టాలీవుడ్ లో బెస్ట్ డాన్సర్స్ ఎవరు అంటే ఎన్టీఆర్, అల్లు అర్జున్ పేర్లు వినిపిస్తాయి. చిరంజీవి తర్వాత డాన్సుల విషయంలో ఈ ఇద్దరు హీరోలు పేరు తెచ్చుకున్నారు.