దళపతి విజయ్ సీఎం అయిన నేపథ్యంలో అర్జున్ సర్జా ఆసక్తికర వ్యాఖ్యలు చేశారు. రాజకీయాల్లోకి రావడానికి తన వద్ద డబ్బు లేదని, మనీ లేనిదే రాజకీయం లేదని తెలిపారు.
దళపతి విజయ్.. తమిళనాడుకి సీఎం అయిన విషయం తెలిసిందే. తాను స్థాపించిన టీవీకే పార్టీ నుంచి ఆయన గెలుపొందారు. ఇతర మిత్ర పక్షాల సపోర్ట్ తో సీఎం అయ్యారు. తమిళనాడులో సినిమా స్టార్స్ సీఎంలు కావడం కామనే. ఎంజీఆర్, జయలలిత, కరుణానిధి వంటి వారు సీఎం అయ్యారు. ఇప్పుడు ఆ వరుసలో విజయ్ కూడా సీఎం అయ్యారు. అయితే విజయ్ ఇంతటి భారీ మెజారిటీతో గెలుస్తాడని ఎవరూ ఊహించలేదు. సీఎం అవుతారని అస్సలు భావించలేదు, కానీ అందరి అంచనాలను తలక్రిందులు చేసి ఆయన సంచలనం సృష్టించారు. చరిత్రని తిరగరాశారు.
25
అర్జున్ సినిమాపై విజయ్ కామెంట్
అయితే ప్రమాణస్వీకారం అనంతరం విజయ్ సీఎం కుర్చీలో కూర్చున్నప్పుడు ఆయనకు కలిగిన ఫీలింగ్ని బయటపెట్టాడు. యాక్షన్ కింగ్ అర్జున్తో తన మనసులో మాటని పంచుకున్నారు. విజయ్ సీఎం అయ్యాక చాలా మంది సెలబ్రిటీలు, రాజకీయ ప్రముఖులు వెళ్లి అయన్ని అభినందించారు. ఈ క్రమంలో అర్జున్ కూడా వెళ్లి కళిశారు. ఆ సమయంలో ఈ సీఎం కుర్చీ ప్రస్తావన వచ్చింది. అర్జున్ని చూడగానే సర్ మీ సినిమానే యాడ్ చేసి మీమ్స్ చేస్తున్నారని తెలిపారు. ఆ సినిమానే `ఒకే ఒక్కడు`.
35
ఒకే ఒక్కడుసినిమాని గుర్తు చేసుకున్న విజయ్
అర్జున్ హీరోగా శంకర్ ఈ మూవీని రూపొందించిన విషయం తెలిసిందే. అప్పటి వరకు జర్నలిస్ట్ గా ఉన్న అర్జున్.. సీఎంతో ఇంటర్వ్యూ చేయగా, సీఎం కుర్చీ ఎంత టెన్షన్, ఎంత ప్రెజర్గా ఉంటుందో తెలుసా? అని ఒక్క రోజు సీఎం అవుతాడు అర్జున్. అప్పట్లో అది సంచలనం సృష్టించింది. పైన ఆ సినిమా క్లిప్లను పెట్టి కింద విజయ్ రియల్ గా సీఎం కుర్చీలో కూర్చుంటున్న వీడియోలు పెట్టి వైరల్ చేస్తున్నారు. ఇదే విషయాన్ని విజయ్ కూడా చెప్పారట. ఈ కుర్చీ చూడగానే మీ సినిమానే గుర్తొచ్చిందని అన్నారట. విజయ్ సీఎం కావడం చాలా గర్వంగా ఉంది అన్నారు అర్జున్. ఫిల్మ్ ఇండస్ట్రీ నుంచి, మన మనిషి ఒకరు సీఎం కావడం గొప్ప విషయం, అది పెద్ద అఛీవ్మెంట్. పైగా మొదటిసారి పోటీ చేసిన వెంటనే సీఎం కావడం గొప్ప విషయం అన్నారు అర్జున్.
రాజకీయాలపై స్పందిస్తూ, తనకు రాజకీయాలంటే ఇంట్రెస్ట్ లేదని తెలిపారు. సేవ చేయాలని ఉందని, కానీ రాజకీయాల్లోకి రావాలని లేదని తెలిపింది. ఇప్పుడు రాజకీయాలు వేరు అని, డబ్బు మీదనే పని జరుగుతుందని, అంత డబ్బు తన వద్ద లేదని తెలిపారు. విజయ్ కూడా డబ్బు పెట్టకుండానే గెలిచారనే ప్రశ్నకి, ఆయనకు భారీ ఫాలోయింగ్ ఉందని, అంతటి ఫాలోయింగ్ ఇప్పుడు తనకు లేదు అని తెలిపారు అర్జున్. ప్రస్తుతం ఆయన `బ్లాస్ట్ జోన్` అనే చిత్రంలో నటించారు. ప్రీతి ముకుందన్, అభిరామి ప్రధాన పాత్రల్లో నటించిన ఈ చిత్రానికి సుభాష్ కె రాజ్ దర్శకత్వం వహించారు. తమిళంలో రూపొందిన ఈ మూవీని తెలుగులో ప్రముఖ నిర్మాణ సంస్థ సితార ఎంటర్టైన్మెంట్స్ విడుదల చేస్తుంది. ఈ చిత్రం ఈ నెల 28న విడుదల కానుంది.
55
బ్లాస్ట్ సినిమాపై అర్జున్ కామెంట్
సినిమా గురించి అర్జున్ మాట్లాడుతూ, `బ్లాస్ట్ జోన్` సినిమా నాకు ఎంతో ప్రత్యేకమైనది. సినిమా పూర్తయిన తర్వాత అవుట్ పుట్ చూసుకొని సంతృప్తి చెందే సినిమాలు కొన్ని ఉన్నాయి. అలాంటి సినిమా 'బ్లాస్ట్ జోన్'. మన తల్లిదండ్రులకో, మన వాళ్ళకో అన్యాయం జరిగితే న్యాయం కోసం మనం కచ్చితంగా పోరాడతాం. అయితే ఈ సమాజంలో ఎవరికి అన్యాయం జరిగినా పోరాడాలి అనే సందేశాన్ని ఈ సినిమా చెబుతుంది. ఎవరో వచ్చి మనల్ని కాపాడతారు అని ఎదురు చూడకుండా, మనల్ని మనం కాపాడుకోవడానికి ఏం చేయాలి? తల్లిదండ్రులుగా ఆడబిడ్డల్లో ధైర్యాన్ని ఎలా నింపాలి? వంటి అద్భుతమైన అంశాలు ఇందులో ఉంటాయి. నేను ఎన్నో సినిమాల్లో యాక్షన్ సన్నివేశాలు చేశాను. కానీ, ఈ సినిమాలో అభిరామి, ప్రీతి ముకుందన్ నాకంటే బాగా ఫైట్లు చేశారు. ప్రత్యేకంగా మార్షల్ ఆర్ట్స్ లో శిక్షణ పొంది, ఈ సినిమా కోసం ఎంతో కష్టపడ్డారు. రవి బస్రూర్ గారు అద్భుతమైన నేపథ్య సంగీతం అందించారు. పిట్ట కొంచెం కూత ఘనం అన్నట్టుగా మా సుభాష్ కె రాజ్ వయసులో చాలా చిన్నవాడు కానీ, గొప్పగా సినిమాను తెరకెక్కించాడు. ఇది విభిన్నమైన చిత్రం. మీ అందరికీ కచ్చితంగా నచ్చుతుంది` అని తెలిపారు.
