విజయ్‌ దేవరకొండ, రాహుల్‌ సాంక్రిత్యాన్‌ సినిమా కథ ఇదేనా?.. లక్కీ హీరోయిన్‌తో రౌడీ బాయ్ రొమాన్స్?

విజయ్‌ దేవరకొండ తన కెరీర్‌లో మొదటిసారి అ పని చేయబోతున్నారు. తన సినిమాల్లో ఫస్ట్ టైమ్‌ అలా కనిపించబోతున్నారు. మరి అదేంటనేది ఓ సారి చూస్తే..  

 విజయ్‌ దేవరకొండ ఇప్పటి వరకు ఫ్యామిలీ కథలు, బోల్డ్ మూవీస్‌ చేశారు. `పెళ్లి చూపులు`, `గీతా గోవిందం`, `డియర్‌ కామ్రేడ్‌`, `ఖుషి`, `ఫ్యామిలీ స్టార్‌` వంటి చిత్రాలన్నీ ఫ్యామిలీలవ్‌ ప్రధానంగా సాగే మూవీ. `వరల్డ్ ఫేమస్‌ లవర్‌` కూడా కొంత ఆ కోవకు చెందిందే. `అర్జున్‌ రెడ్డి` బోల్డ్ మూవీగా నిలుస్తుంది. `లైగర్‌` యాక్షన్‌ మూవీ. ఇందులో చాలా వరకు ఫ్యామిలీ సినిమాలే అంతో ఇంతో ఆదరణ పొందాయి. అయితే ఇకపై మాత్రం ఆయన రూట్‌ మార్చాడు. పూర్తి భిన్నమైన చిత్రాలతో రాబోతున్నారు.

విజయ్‌ దేవరకొండ చేతిలో ప్రస్తుతం మూడు సినిమాలున్నాయి. గౌతమ్‌ తిన్ననూరి దర్శకత్వంలో రూపొందుతున్న `వీడీ12` షూటింగ్‌ దశలో ఉంది. గ్యాంగ్‌ స్టర్‌ ప్రధానంగా ఈ మూవీ సాగుతుంది. ఇందులో `ప్రేమలు`ఫేమ్‌ మమితా బైజు హీరోయిన్‌గా చేస్తుందని సమాచారం. దీంతోపాటు విజయ్‌ పుట్టిన రోజు సందర్భంగా రెండు కొత్త సినిమాలను ప్రకటించారు. `టాక్సీవాలా`, `శ్యామ్‌ సింగరాయ్‌` ఫేమ్‌ రాహుల్‌ సాంక్రిత్యాన్‌ దర్శకత్వంలో ఓ మూవీని ప్రకటించారు. `వీడీ 14`గా ఇది రూపొందబోతుంది. 

రాహుల్‌ సాంక్రిత్యాన్‌ మూవీకి సంబంధించిన ఆసక్తికర విషయం బయటకు వచ్చింది. ఇది రాయలసీమ బ్యాక్‌ డ్రాప్‌లో సాగుతుందని తెలుస్తుంది. అయితే అది పీరియాడికల్‌ మూవీ అని అంటున్నారు. సినిమా అనౌన్స్ మెంట్‌ సందర్భంగా ప్రకటించిన పోస్టర్‌ కూడా కొత్తగా ఉంది. 1878 పీరియడ్‌ డ్రామా అని అంటున్నారు. ఇప్పటి వరకు చూడని, వినని కథని చెప్పబోతున్నారట. ఇందులో విజయ్‌ దేవరకొండ పాత్రకి సంబంధించిన అదిరిపోయే అప్‌ డేట్‌ వినిపిస్తుంది. 

ఇందులో రౌడీబాయ్‌ ద్విపాతాభిన్నయం చేస్తారట. పీరియడ్‌ ఎలిమెంట్ల పరంగా ఆయనది రెండు పాత్రలుగా సాగుతుందని తెలుస్తుంది. `శ్యామ్‌ సింగరాయ్‌` స్టయిల్‌లో ఉంటుందని టాక్‌. ఇప్పటి వరకు విజయ్‌ ద్విపాత్రాభినయం చేయలేదు. మొదటి సారి అలా మెరవబోతున్నారని చెప్పొచ్చు. ఇది రౌడీ బాయ్స్ కి ట్రీట్‌ లాంటి వార్త అనే చెప్పాలి. 

 ఇక ఇందులో హీరోయిన్‌గా తన  లక్కీ హీరోయిన్‌ని తీసుకుంటున్నారు. నేషనల్‌ క్రష్‌ రష్మిక మందన్నాని ఫైనల్‌ చేస్తున్నట్టు సమాచారం. `గీతా గోవిందం`, `డియర్‌ కామ్రేడ్‌`తో ఈ ఇద్దరు కలిసి నటించారు. రియల్‌ లైఫ్‌లో లవర్స్ అయ్యారు(టాక్). ఇప్పుడు మూడోసారి జోడీ కడుతున్నారు. `గీతా గోవిందం` మించిన హిట్‌ కొట్టాలని భావిస్తున్నారట. 

దీంతోపాటు విజయ్‌.. రవికిరణ్‌ కోలాతో ఓ యాక్షన్‌ మూవీని ప్రకటించిన విషయం తెలిసిందే. దిల్‌ రాజు దీన్ని నిర్మిస్తున్నారు. ఇది టూ యాక్షన్‌ ప్రధానంగా సాగుతుందట. రా అండ్‌ రస్టిక్‌స్టోరీ అని సమాచారం. త్వరలోనే ఇవి రెగ్యూలర్‌ షూటింగ్‌ జరుపుకోబోతుంది.