ప్రభాస్ సెట్ చేసేశాడు, ఆయన పరిస్థితి ఏంటో..ఇక మిగిలింది అఖిల్

యంగ్ రెబల్ స్టార్ ప్రభాస్ కల్కి చిత్ర ఫీవర్ ఇండియాని ఊపేస్తోంది. గురువారం రోజు భారీ అంచనాలతో విడుదలైన కల్కి 2898 AD చిత్రం మంచి పాజిటివ్ టాక్ సొంతం చేసుకుంది. ఫస్ట్ హాఫ్ కాస్త స్లోగా ఉన్నప్పటికీ సెకండ్ హాఫ్ లో కళ్ళు చెదిరే విజువల్స్ తో నాగ్ అశ్విన్ థ్రిల్ చేశాడు. యాక్షన్ సీన్స్ అయితే హాలీవుడ్ చిత్రాలకు ఏమాత్రం తగ్గలేదు. 

క్లైమాక్స్ చిత్రీకరణ ఒక అద్భుతం అనే చెప్పాలి. ట్రేడ్ విశ్లేషకుల అంచనా మేరకు ఈ రేంజ్ టాక్ తో కల్కి చిత్రం 1000 కోట్లు సాధించే మూవీ అవుతుందని అంటున్నారు. అదే కనుక జరిగితే బాహుబలి 2 తర్వాత మరోసారి ప్రభాస్ వెయ్యి కోట్లు సాధించిన హీరో అవుతాడు. 

ఈ క్రమంలో అభిమానులు వేణు స్వామి కామెంట్స్ ని గుర్తు చేసుకుంటున్నారు. మరోసారి వేణు స్వామిపై ట్రోలింగ్ కి దిగుతున్నారు. ప్రభాస్ కెరీర్ బాహుబలి చిత్రంతో పీక్ కి చేరింది. అంతకి మించి ఎత్తుకు ఎదగడం.. అంతకి మించి క్రేజ్ సొంతం చేసుకోవడం ఇక సాధ్యం కాదు. ప్రభాస్ కెరీర్ లో డౌన్ ఫాల్ మొదలైంది. ఇక ప్రభాస్ కి హిట్స్ ఉండవు అని వేణు స్వామి గతంలో సంచలన వ్యాఖ్యలు చేశారు. 

కానీ సలార్ తో శాంపిల్ చూపించిన ప్రభాస్.. కల్కి చిత్రంతో భారీ పాన్ ఇండియా హిట్ కొట్టబోతున్నాడు అంటూ ఫ్యాన్స్ వేణు స్వామి ఎత్తిపొడుస్తున్నారు. వేణు స్వామి ఇటీవల చెబుతున్న జాతకాలు బూమరాంగ్ అవుతున్నాయి. ఏపీ ఎన్నికల్లో జగన్ విజయం సాధిస్తారని వేణు స్వామి చెప్పారు. కానీ డి జరగలేదు. జగన్ పార్టీ ఘోర పరాజయం చెందిన సంగతి తెలిసిందే. 

అదే విధంగా వేణు స్వామి గతంలో అఖిల్ గురించి కూడా ప్రభాస్ తరహాలోనే కామెంట్స్ చేశారు. అఖిల్ కెరీర్ నిలబడదని అన్నారు. అఖిల్ జాతకంపై అతడి తల్లి అమల ప్రభావం ఉంది. అఖిల్ జాతకంలో చంద్రుడు నీచంలో ఉన్నాడు. కాబట్టి అఖిల్ కెరీర్ నిలబడదు అని వేణు స్వామి తెలిపారు. 

వేణు స్వామిపై ఆగ్రహంతో రగిలిపోతున్న ఫ్యాన్స్.. ఇక అఖిల్ కూడా హిట్ కొట్టేస్తే వేణు స్వామి చెప్పే జాతకం పూర్తిగా తప్పు అని నిరూపించినట్లు అవుతుందని అంటున్నారు. మరి అఖిల్ ఎప్పుడు హిట్ కొడతాడో చూడాలి.