Ennenno Janmala Bandham: అందరి ముందు అవమానపడ్డ మాళవిక.. భర్తని డిసప్పాయింట్ చేసిన వేద!

Ennenno Janmala Bandham: స్టార్ మాలో ప్రసారమవుతున్న ఎన్నెన్నో జన్మల బంధం సీరియల్ ఎంతో ఇంట్రెస్టింగ్ తో ప్రేక్షకుల హృదయాలని కట్టిపడేస్తుంది. డబ్బు మీద ఆశతో జీవితాన్ని చేజేతులా నాశనం చేసుకున్న ఇద్దరు పిల్లల తల్లి కథ ఈ సీరియల్. ఇక ఈరోజు మే 3 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో పూజ పూర్తయింది, అందరితో పాటు నీ భర్త దగ్గర కూడా ఆశీర్వచనం తీసుకో అంటారు పంతులుగారు. ముత్తైదువులందరికి నమస్కరించి వారికి తాంబూలం ఇచ్చి పంపించేస్తుంది వేద. తర్వాత భర్తకి నమస్కరించి ఆశీర్వచనం తీసుకుంటుంది. కష్టపడి ఇంత పూజ చేశాను కదా నాకు ఏమైనా గిఫ్ట్ ఇవ్వచ్చు కదా అని అడుగుతుంది.

ముందే చెప్పొచ్చు కదా తెచ్చేవాడిని అంటాడు యష్. చెప్పకుండా ఇచ్చేదే గిఫ్ట్ ఉంటుంది వేద. సాయంత్రం కల్లా తెచ్చి ఇస్తాడులే అని కొడుకు తరపున మాట్లాడుతుంది మాలిని. ఆమెని అక్కడే ఉండమని లోనికి వెళ్లి గోల్డ్ హారం గిఫ్ట్ గా తీసుకొని వస్తాడు యష్. అందరితో పాటు వేద కూడా ఆశ్చర్య పోతుంది, ఆనందపడుతుంది. చాలా రోజుల తర్వాత మాకు నచ్చిన పని చేశావు అంటూ కొడుకుని మెచ్చుకుంటాడు రత్నం.

ఈ అందమైన హారాన్ని మీ చేతులతోనే వెయ్యండి అని సుహాసిని అంటుంది. నా జీవితంలో మర్చిపోలేని రోజు వేద మెడలో తాళి కట్టడం మళ్లీ ఈరోజు అంతే ఆనందంగా వేస్తున్నాను అంటూ ఆమె మెడలో హారాన్ని అలంకరిస్తాడు యష్. అందరూ ఆనందపడతారు. తర్వాత ఖుషి కూడా పేరెంట్స్ దగ్గర ఆశీర్వచనం తీసుకొని తనకి కూడా గిఫ్ట్ కావాలని అడుగుతుంది.

పేరెంట్స్ ఇద్దరు ఆమెకి ముద్దుని గిఫ్టుగా ఇస్తారు. ఆ తరువాత కాళ్ళకి పసుపు రాస్తే మంచిదంట, మా అమ్మ చెప్పింది అంటూ తన ఫ్రెండ్స్ పాదాలకి పసుపు రాస్తుంది ఖుషీ. గిన్నెలో పసుపు అయిపోవడంతో తీసుకురావడానికి వెళ్తుంది. దారిలో చూసుకోకుండా మాళవికకి డాష్ ఇవ్వటంతో ఆమె చీరకి పసుపు అంటుకుంటుంది. కోపంతో రగిలిపోయిన మాళవిక, ఖుషి ని కొట్టటానికి చెయ్యెత్తుతుంది.

భయంతో అరుస్తుంది ఖుషి. వెంటనే వేద ఆమె చేయనందుకొని నా బిడ్డ మీద చేయి ఎత్తడానికి నీకు ఎంత ధైర్యం  అంటుంది. తను నీ బిడ్డ ఏమిటి నా బిడ్డ నేను కన్న బిడ్డ అంటుంది మాళవిక. కంటే సరిపోతుందా తను ఆరు సంవత్సరాలు తల్లి లేక నానా బాధలు పడింది అప్పుడు గుర్తు రాలేదా, ఆదిత్య హాస్టల్లో అనాధ లాగా బ్రతికాడు అప్పుడు గుర్తు రాలేదా అంటూ చివాట్లు పెడుతుంది వేద.

పూజకి వచ్చి పద్ధతిగా ఉండమన్నాను, నీ విలువ నువ్వు నిలుపుకోవడం లేదు, అసలు నువ్వు మనిషివేనా అంటూ చీదరించుకుంటుంది మాలిని. నీకు నువ్వే న్యాయం చేసుకోలేదు ఇంక నీ బిడ్డలకు ఏం న్యాయం చేస్తావు, ఇంక బయలుదేరు అనటంతో అవమానంగా ఫీలైన మాళవిక అక్కడ నుంచి వెళ్ళిపోతుంది. మరోవైపు తల్లిని పట్టుకొని భయపడుతూ కూర్చుంటుంది ఖుషి. మాలిని వచ్చి భయపడ్డావా అని అడుగుతుంది. అదికాదు నానమ్మ ఎందుకు మాళవికమ్మ అలా చేస్తుంది మీరెవరూ ఎప్పుడూ నన్ను ఒక మాట కూడా అనలేదు, తను అలా కోప్పడే సరికి నాకు చాలా భయం వేసింది అంటుంది ఖుషి.

భయపడకు నీకు మేమందరం ఉన్నాం కదా, మీ ఫ్రెండ్స్ బయట వెయిట్ చేస్తున్నారు వెళ్లి ఆడుకో అనటంతో అక్కడి నుంచి వెళ్ళిపోతుంది  ఖుషి. నాదే తప్పు తనని పూజకి రమ్మనకుండా ఉండవలసింది అంటుంది వేద. తనకి సరైన బుద్ధి చెప్పావు నాకు చాలా గర్వంగా ఉంది అంటూ వేదని మెచ్చుకుంటుంది. మాలిని. నాకు మీరే ధైర్యం అత్తయ్య నా బలం మీరే అంటూ ఎమోషనల్ అవుతుంది వేద. తర్వాత సుహాసిని భర్త వేదతో మాట్లాడుతూ నువ్వు గెలవడం ప్రారంభించావు దీన్ని ఆపొద్దు.

 నువ్వు ఎప్పటికీ ఇలాగే సంతోషంగా ఉండాలి అని చెప్తాడు. తరువాత పూజ పూర్తయింది ఇక అమ్మవారి ఆశీర్వచనం దంపతులిద్దరూ తీసుకోండి అంటారు పంతులుగారు. ఇద్దరు భోజనం చేయబోతుంటే ఒక్క నిమిషం ఆగండి అని చెప్పి పంతులుగారు ఇందాక వసంత్ తో చెప్తుంటే విన్నాను భోజనం చేశాక సరిఒడి భోజనాలు చేయాలంట కదా  అంటుంది సుహాసిని. నాకు ఎప్పుడు చెప్పారు అంటూ కంగారుగా అడుగుతాడు వసంత్. ఊరుకోమన్నట్లుగా సైగ చేస్తుంది సుహాసిని. అర్థం చేసుకున్న వసంత్ అవును ఇందాక పంతులుగారు చెప్పారు అని నవ్వుతూ అంటాడు.

 పంతులుగారు కూడా అర్థం చేసుకున్నట్లుగా  అవును బాబు అలా చేస్తే కుటుంబానికి చాలా మంచిది అనటంతో వేదని ఒళ్ళో కూర్చోబెట్టుకొని భోజనం తినిపిస్తాడు యష్. తరువాయి భాగంలో యష్ వెస్ట్రన్  డ్రెస్ సెలెక్ట్ చేస్తే నా కోసం కొన్నందుకు థాంక్స్ అంటుంది మాళవిక. నీకోసం కాదు నా భార్య కోసం అని చెప్పి ఆ డ్రెస్ ని తీసుకువెళ్లి వేదకి ఇస్తాడు. రేపు పార్టీకి ఈ డ్రెస్ వేసుకొని రా అని చెప్తాడు. ఇబ్బందిగా మొహం పెడుతుంది వేద. మరోవైపు ఫంక్షన్ కి నేను ఇచ్చిన డ్రెస్ వేసుకొని వస్తుంది అని ఎక్స్పెక్ట్ చేస్తాడు యష్. కానీ అతన్ని డిసప్పాయింట్ చేస్తూ ట్రెడిషనల్ వేర్ లో వస్తుంది వేద.