OG:డివివి మావా ఇది అబద్దం అని చెప్పు.. పవన్ 'ఓజి' పై రూమర్స్, ఫ్యాన్స్ లో కంగారు

పాలిటిక్స్ కారణంగా జనసేనాని పవన్ కళ్యాణ్ సినిమా షూటింగ్స్ కి బ్రేక్ ఇచ్చిన సంగతి తెలిసిందే. అయితే పవన్ ఫ్యాన్స్ ఎన్నో అసలు పెట్టుకున్న చిత్రం మాత్రం ఓజి అనే చెప్పాలి.  డైరెక్టర్ సుజీత్ పీరియడ్ యాక్షన్ డ్రామాగా ఈ చిత్రాన్ని తెరకెక్కిస్తున్నారు. పవన్ కళ్యాణ్ డాన్ పాత్రలో నటిస్తున్నట్లు ప్రచారం జరుగుతోంది. అర్జున్ దాస్, ఇమ్రాన్ హష్మీ, శ్రీయ రెడ్డి లాంటి ప్రముఖ నటులు ఈ చిత్రంలో నటిస్తున్నారు. 

ఓజితో పాటు పవన్ కళ్యాణ్ హరిహర వీరమల్లు, ఉస్తాద్ భగత్ సింగ్ చిత్రాలని కూడా పూర్తి చేయాల్సి ఉంది. కానీ పవన్ ఫ్యాన్స్ మాత్రం ఓజి పై కసితో ఉన్నారు. ఈ ఏడాది ఎప్పుడు థియేటర్స్ లోకి వచ్చిన మాస్ రచ్చ గ్యారెంటీ. ఆ మధ్యన విడుదలైన టీజర్ తో అంచనాలు మరింత పెంచేశాయి. 

ఇలాంటి తరుణంలో దానయ్య ఓజి చిత్రాన్ని పీపుల్ మీడియా ఫ్యాక్టరీ సంస్థకి ఇచ్చేస్తున్నారు అంటూ రూమర్స్ మొదలయ్యాయి. ఈ రూమర్స్ లో ఎలాంటి వాస్తవం లేదు అని దానయ్య సన్నిహితులు చెబుతున్నప్పటికీ ప్రొడక్షన్ టీం నుంచి అఫీషియల్ గా క్లారిటీ రాలేదు. సోషల్ మీడియాలో పుట్టుకొచ్చే గాలివార్తలకు ఎందుకు స్పందించాలి అని అనుకుని ఉండొచ్చు. 

కానీ ఫ్యాన్స్ మాత్రం అప్సెట్ అవుతున్నారు. ఓజి చిత్రంతో డివివి ఎంటర్టైన్మెంట్స్ తో పవన్ ఫ్యాన్స్ ఎమోషనల్ గా కనెక్ట్ అయిపోయారు. ఫ్యాన్స్ ఎప్పుడు ఎలాంటి అప్డేట్ అడిగినా వెంటనే ప్రొడక్షన్ టీం చాలా ఫన్నీగా స్పందిస్తున్నారు. ఫ్యాన్స్ తో నిత్యం టచ్ లో ఉంటున్నారు. పవన్ సినిమాకి కావలసింది ఇలాంటి నిర్మాతే అనేది ఫ్యాన్స్ ఒపీనియన్. 

దీనితో సోషల్ మీడియాలో పవన్ అభిమానులు ఈ రూమర్స్ పై క్లారిటీ ఇవ్వాలని ప్రొడక్షన్ హౌస్ పై ఒత్తిడి పెంచుతున్నారు. డివివి మావా ఇది అబద్దం అని చెప్పు అంటూ ఫన్నీ కామెంట్స్ చేస్తున్నారు. ఆర్ఆర్ఆర్ తర్వాత మూడేళ్లపాటు పవన్ వెంటపడి మరీ దానయ్య ఈ ప్రాజెక్టు సెట్ చేసుకున్నారు. 

ఊహించిన దానికంటే ఓజి చిత్రానికి రెట్టింపు హైప్ వచ్చింది.  పవన్ పాలిటిక్స్ వల్ల షూటింగ్ ఆలస్యం అవుతుండవచ్చు. కానీ పవన్ సినిమాకి రికవరీ కూడా అదే స్థాయిలో ఉంటుంది. అలాంటప్పుడు ఓజి లాంటి హైప్ ఉన్న చిత్రాన్ని దానయ్య ఎందుకు వదులుకుంటారు. ఫ్యాన్స్ కంగారు పడాల్సిన అవసరం లేదు అంటూ సినీ విశ్లేషకులు అభిప్రాయ పడుతున్నారు.