ఉమాదేవి ఎలిమినేటెడ్.. మా గురించి అలా అనుకుంటారు, లోబోపై షాకింగ్ కామెంట్స్

నాగార్జున హోస్ట్ గా వ్యవహరిస్తున్న బిగ్ బాస్ సీజన్ 5 ఎంటర్టైనింగ్ గా కొనసాగుతోంది. నేటి సండే ఎపిసోడ్ హైలైట్స్ ఒకసారి చూద్దాం. నాగార్జున తనదైన శైలిలో స్టేజిపైకి ఎంట్రీ ఇచ్చాడు. ఎలిమినేషన్ ఉన్నపటికీ సండే కావడంతో వినోదం కోసం ఇంటిసభ్యుల మధ్య డాన్స్ కాంపిటీషన్ నిర్వహించాడు. 

ఈ కాంపిటీషన్ అమ్మాయిలకు, అబ్బాయిలకు మధ్య జరుగుతుంది. అమ్మాయిలు ఒక అబ్బాయిని తమకు పోటీగా ఎంచుకోవాల్సి ఉంటుంది. గార్డెన్ లో అరుణ్ చేసిన సెటప్ ప్రకారం ఒక అమ్మాయి, ఒక అబ్బాయి మధ్య డాన్స్ పోటీ జరుగుతుంది. ఈ ఎవరు డాన్స్ బాగా చేస్తే వారికీ నాగార్జున ఎక్కువ మార్కులు వేస్తారు. మొదటగా ఉమాదేవి, షణ్ముఖ్ మధ్య పోటీ జరుగుతుంది. ఉమా దేవి తన మాస్ స్టెప్పులతో అదరగొడుతుంది. 

ఆ తర్వాత రవి-ప్రియా, లహరి - జశ్వంత్, అనీ - విశ్వ ఇలా డాన్స్ పోటీ జరుగుతుంది. ఈ పోటీలో అమ్మాయిలు విజయం సాధిస్తారు. అనంతరం నాగార్జున నామినేషన్స్ లో ఉన్న నలుగురిలో నుంచి ఒకరిని సేవ్ చేసే ప్రక్రియ ప్రారంభిస్తారు. నామినేషన్స్ లో ఉన్న నటరాజ్, ఉమా దేవి, కాజల్, ప్రియా ముందుకు వచ్చి నిలబడతారు. బిగ్ బాస్ ప్లే చేసిన పాటలో ఎవరి పాట వస్తే వారు సేఫ్ అని నాగ్ అంటాడు. 

దీనితో బిగ్ బాస్.. బలుపు చిత్రంలోని కాజలు చెల్లివా అనే సాంగ్ ప్లే చేస్తారు. దీనితో కాజల్ సేవ్ అవుతుంది. ఇక నామినేషన్స్ లో నటరాజ్, ఉమాదేవి, ప్రియా మాత్రమే మిగిలి ఉంటారు. 

తర్వాత నాగ్ ఇంటి సభ్యులకు మరో టాస్క్ ఇస్తారు. 'ఇంట్లో ఉన్న దెయ్యం' అనే పేరుతో ఈ టాస్క్ నిర్వహిస్తారు. దీనిప్రకారం ఇంటి సభ్యులు ఒక్కొక్కరు ఘోస్ట్ సిక్కర్స్ తీసుకుని తమకు హౌస్ లో దెయ్యంలా అనిపించే వారి ముఖానికి అంటించాలి. వారు ఎందుకు దెయ్యమో కారణం చెప్పాలి. ప్రియాంక ఇంట్లో ఉన్న దెయ్యం లోబో అని అతడికి స్టిక్కర్ అంటిస్తుంది. విశ్వ.. కాజల్ కు అంటిస్తాడు. శ్రీరామ్.. మానస్ కి గోస్ట్ స్టిక్కర్ అంటిస్తాడు. సిరిని ఎక్కువ మంది దెయ్యంగా ప్రకటిస్తారు.  

ఇక ఎలిమినేషన్ తుది అంకానికి చేరుకుంటుంది. ప్రియా, నటరాజ్, ఉమా దేవి ముందుకు వచ్చి నిలబడతారు. నాగార్జున తాను చూపించిన వస్తువు ఎవరికి సంబంధించినదో వారు సేఫ్ అవుతారని చెబుతారు. ప్రియాకి సంబందించిన వస్తువు చూపించడంతో ఆమె సేవ్ అవుతుంది. ఇక నామినేషన్ లో చివరగా నటరాజ్, ఉమాదేవి మాత్రమే మిగులుతారు. 

వీరిద్దరిలో ఎవరు ఎలిమినేట్ అవుతారనే ప్రక్రియ ఆసక్తిగా ఉంటుంది. ఇద్దరికీ నాగ్ కార్బన్ డై ఆక్సయిడ్ గన్స్ ఇస్తారు. నాగ్ చెప్పిన కౌంట్ డౌన్ ముగిశాక ఎవరి గన్ నుంచి కార్బన్ డై ఆక్సయిడ్ వస్తుందో వారు సేఫ్. నటరాజ్ గన్  కార్బన్ డై ఆక్సయిడ్ రిలీజ్ చేస్తుంది. ఉమా దేవి గన్ నుంచి రాదు. దీనితో ఆమె ఎలిమినేట్ అవుతుంది. 

ఉమాదేవి ఎలిమినేట్ అయ్యారు అని తెలియగానే నటరాజ్, లోబో, ప్రియాంక ఎమోషనల్ అవుతారు. కానీ ఉమా దేవి మాత్రం హ్యాపీగా బిగ్ బాస్ హౌస్ నుంచి వేదికపైకి వస్తారు. హౌస్ లో ఒక్కొక్కరి గురించి చెబుతూ వారి ఫొటోస్ ఉన్న కుండని పగలగొడతారు. లోబో గురించి మాట్లాడుతూ.. మా ఇద్దరి రిలేషన్ గురించి ఇంకోలా అనుకుంటారు. కానీ మేము ఏంటో మాకు తెలుసు. మేమిద్దరం కలసి వర్క్ చేశాం అని ఉమాదేవి అంటుంది.