సాయి పల్లవి నా సినిమా రిజెక్ట్ చేయడమే మంచిదైంది.. చిరు కామెంట్స్, అయ్యో సర్ అంటూ హైబ్రీడ్ పిల్ల..

నాగ చైతన్య, సాయి పల్లవి జంటగా నటించిన లవ్ స్టోరీ చిత్ర ప్రీ రిలీజ్ ఈవెంట్ హైదరాబాద్ లో ఘనంగా జరిగింది. ఈ ప్రీ రిలీజ్ ఈవెంట్ కు మెగాస్టార్ చిరంజీవి, బాలీవుడ్ మిస్టర్ పర్ఫెక్ట్ అమీర్ ఖాన్ చీఫ్ గెస్ట్ లు గా హాజరయ్యారు. ఇద్దరు లెజెండ్స్ వేదిక పంచుకోవడంతో ప్రీ రిలీజ్ ఈవెంట్ సందడిగా మారింది. 

ముఖ్యంగా ఈవెంట్ లో మెగాస్టార్ చిరంజీవి సాయి పల్లవిని ఉద్దేశిస్తూ చేసిన కామెంట్స్ హైలైట్ అయ్యాయి. సాయి పల్లవిని చిరు ఒక రేంజ్ లో పొగుడుతూనే కొన్ని ఆసక్తిగా కామెంట్స్ చేశారు. సాయి పల్లవి గతంలో వరుణ్ తేజ్ పక్కన నటించింది. అప్పుడు వరుణ్ తేజ్ నేను ఎలా చేశాను డాడీ అని అడిగాడు. సారీ రా నేను సాయి పల్లవిని చూస్తూ ఉండిపోయాను అని చెప్పి చిరు నవ్వులు పూయించారు. 

చిరంజీవి సాయి పల్లవి గురించి ఒక షాకింగ్ విషయాన్ని రివీల్ చేశారు. నేను నటించబోయే తదుపరి చిత్రంలో నటించేందుకు సాయి పల్లవిని చిత్ర యూనిట్ అడిగింది. నా మనసులో ఆమె అంగీకరించకుంటే బావుంటుంది అనే ఫీలింగ్ ఉంది. నేను అనుకున్నట్లుగానే సాయి పల్లవి ఆ చిత్రాన్ని రిజెక్ట్ చేసింది అని చిరు షాకింగ్ కామెంట్స్ చేశారు. దీనితో సాయి పల్లవి కూడా ఆశ్చర్యంలో మునిగిపోయింది. 

సాయి పల్లవి ఆ చిత్రం ఒప్పుకోకూడదు అని నేను మనసులో అనుకోవడానికి కారణం ఉంది. సాయి ఆ చిత్రంలో సాయి పల్లవి నాకు చెల్లిగా నటించాలి. కానీ సాయిపల్లవి అద్భుతమైన డాన్సర్. అంత అద్భుతంగా డాన్స్ చేసే అమ్మాయికి అన్నయ్యగా నటించడం ఏంటి ? నటిస్తే ఆమెతో కలసి డాన్స్ చేయాలి. అప్పుడే కిక్కు అని చిరంజీవి అనడంతో ఆడిటోరియం మోతెక్కిపోయింది. అందరూ చప్పట్లు కొట్టారు. 

చిరు ఈ విషయం చెప్పడంతో సాయి పల్లవి మధ్యలోనే మైక్ అందుకుని వివరణ ఇచ్చే ప్రయత్నం చేసింది. అయ్యో సర్.. మీరంటే నాకు అభిమానం. ఆ సినిమా నేను రిజెక్ట్ చేయడానికి కారణం ఉంది. నాకు సహజంగానే రీమేక్ మూవీస్ అంటే భయం.అందుకే ఒప్పుకోలేదు. అంతే కానీ మీతో నటించే ఛాన్స్ వస్తే ఎలా వదులుకుంటాను. నెక్స్ట్ మూవీలో అవకాశం ఇవ్వండి అని కోరింది. 

దీనితో చిరు జస్ట్ కిడ్డింగ్ అని అన్నారు. నీతో కలసి డాన్స్ చేసే సినిమా తప్పకుండా చేస్తానని అన్నారు. ఇదంతా ఒకెత్తయితే.. చిరు, సాయి పల్లవి కామెంట్స్ కు అమీర్ ఖాన్ ఇచ్చిన రియాక్షన్ మరో ఎత్తు. అమీర్ మైక్ అందుకుని.. సర్ మీ తెలుగు స్పీచ్ నేను ఫాలో కాలేదు. కానీ ఈ మాటలు మాత్రం ఫాలో అయ్యాను అని చెప్పడంతో అందరిలో నవ్వులు విరిశాయి. సాయి పల్లవి విషయంలో మీరు చెప్పిందే కరెక్ట్ అని అమీర్ అన్నాడు.