NagaPanchami 31st January Episode:మోక్ష షాకింగ్ నిర్ణయం.. పంచమి చేతిలోనే నీ చావు.. కరాళికి హెచ్చరిక..!

 ఈ పెళ్లి చేసుకోవద్దు అని వేడుకుంటుంది. కానీ మోక్ష వినడు. నువ్వు నాతో రాకపోతే.. నేను మేఘననే పెళ్లి  చేసుకుంటాను అని తేల్చిచెప్పి.. అక్కడి నుంచి వెళ్లిపోతాడు.

Naga panchami

NagaPanchami 31st January Episode: పంచమి శివయ్య గుడిలో కూర్చొని.. మోక్షతో గడిపిన సందర్భాలు తలుచుకొని బాధపడుతూ ఉంటుంది. సడెన్ గా అప్పుడే మోక్ష వస్తాడు. దీంతో.. అక్కడి నుంచి లేచి వెళ్లిపోదాం అనుకుంటుంది. కానీ.. మోక్ష.. పంచమి అని పిలవడంతో ఆగిపోతుంది. నువ్వు లేకుండా నేను బతకలేను.. నాతో వచ్చేయ్ అని అడుగుతాడు. చెయ్యి పట్టుకొని తీసుకువెళదాం అనుకుంటాడు. కానీ పంచమి రావడానికి అంగీకరించదు.

తన తల్లి తనకు మరో పెళ్లి చేయాలని నిర్ణయం తీసుకుందని, పెళ్లి చేసుకోకపోతే చనిపోతాను అని హెచ్చరిస్తోందని మోక్ష చెబుతాడు. పంచమి వెంటనే సంతోషంగా పెళ్లి చేసుకోండి మోక్ష బాబు అని అంటుంది. దానికి మోక్ష అది తన కంఠంలో ఉన్నంత వరకు జరగదని తేల్చిచెబుతాడు. తన అమ్మను మభ్యపెట్టడానికి.. మేఘనను పెళ్లి చేసుకుంటాను అని చెప్పి వచ్చానని అంటాడు. ఆ మాట విని పంచమి షాకౌతుంది.

Naga panchami

ఈ పెళ్లి జరగడానికి వీల్లేదు అని అంటుంది. మోక్ష కూడా.. నేను కూడా అదే చెబుతున్నాను.. నువ్వు నాతో వచ్చేయ్ ఈ పెళ్లి జరగదు అంటాడు. దానికి పంచమి.. మేఘన కూడా తనలాగే ఓ నాగకన్య అని.. తనతో కలిస్తే మీరు చనిపోతారని.. మీరు ఈ పెళ్లి చేసుకోవద్దు అని చెబుతుంది. అయితే.. నాతో రా అని అడుగుతాడు. దానికి పంచమి రాను అంటుంది. అయితే.. నేను మేఘనను మాత్రమే పెళ్లి  చేసుకుంటాను అని మోక్ష చెబుతాడు. ఇప్పటికే కరాళి  చాలా మాయలు చేస్తోందని.. మేఘనను వసపరుచుకుందని.. ఈ పెళ్లి చేసుకోవద్దు అని వేడుకుంటుంది. కానీ మోక్ష వినడు. నువ్వు నాతో రాకపోతే.. నేను మేఘననే పెళ్లి  చేసుకుంటాను అని తేల్చిచెప్పి.. అక్కడి నుంచి వెళ్లిపోతాడు.

Naga panchami

మరోవైపు మేఘన.. తన స్థావరానికి వెళుతుంది. పూర్వం తాను కరాళిగా ఉండి.. ఈ స్థావరంలో గడిపిన సందర్భాలు తలుచుకుంటుంది. తన రూపం మార్చుకోవాల్సి వచ్చినందుకు బాధపడుతుంది. ఆ తర్వాత కాళీ మాత కోసం ప్రార్థిస్తుంది. దీంతో.. కాళీ మాత ప్రత్యక్షమౌతుంది. అప్పుడు కరాళీ తనకు తన శక్తులు తిరిగి ఇవ్వమని అడుగుతుంది. అప్పుడు.. కాళీ మాత.. చెప్పాను కదా మేఘన దాని కోసం.. నువ్వు పెళ్లైనా బ్రహ్మచారిలా ఉంటున్న మోక్షను బలి ఇవ్వాలి అని అడుగుతుంది.

Naga panchami

దానికి మేఘన.. ఇప్పటి వరకు మీరు నాకు చాలా శక్తులు ఇచ్చారు.. ఎప్పుడూ ఎలాంటి ఆంక్షలు పెట్టలేదు.. ఇప్పుడు మాత్రం ఎందుకు ఈ ఆంక్షలు పెడుతున్నారు అని అడుగుతుంది. దానికి కాళీమాత.... రాక్షసులు వీర్రవీగినప్పుడు అవతరా పురుషులు పుట్టారని.. దుష్ట శిక్షణ, శిష్ట రక్షణ కోసం ఇలాంటివి తప్పవు అంటుంది. పంచమి.. తన భర్తను కాపాడుుకోవడం కోసం చాలా ప్రయత్నిస్తోందని.. నీ గురించి తెలిస్తే.. ఆమె చేతిలో నీ అంతం తప్పదు అని హెచ్చరిస్తుంది లేదు.. నువ్వు గెలిస్తే.. మోక్ష బలి అవుతాడు అని చెబుతుంది. దానికి మేఘన..తన శక్తుల కోసం.. తాను మహా మాంత్రికురాలు అవ్వడానికి ఏదైనా చేస్తాను అని.. అంటుంది. తర్వాత కాళీ మాత అదృశ్యం అవుతుంది.

Naga panchami

 ఆ తర్వాత.. జ్వాల, చిత్ర.. మోక్ష గురించి మాట్లాడుకుంటూ ఉంటారు. మోక్షకు పంచమి అంటే అంత ఇష్టం కదా.. ఈ మేఘనను ఎలా పెళ్లి చేసుకోవడానికి ఒప్పుకున్నాడు అని అనుకుంటూ ఉంటారు. అయితే... పంచమి, మేఘన ఇద్దరూ  మోక్షను మాయ చేసి తమ  వలలో పడేసుకున్నారు అని  జ్వాల చెబుతుంది. ఇంట్లోకి వచ్చే ముందే  పంచమి ప్లాన్ తో వచ్చిందని, తర్వాత సుబ్బు... ఇప్పుడు ఈ మాయ పిల్ల మేఘనను తీసుకువచ్చింది అనుకుంటారు. ఇంతలో మేఘన వస్తుండటంతో.. పిలిచి.. ఎక్కడికి వెళ్లావ్ అని అడుగుతారు. గుడికి అని సైగ చేసి చెబుతుంది. అక్కడితో ఎపిసోడ్ ముగుస్తుంది.