బిగ్ బాస్ లవర్స్ కి బ్యాడ్ న్యూస్!
First Published Sep 13, 2024, 12:25 PM ISTబిగ్ బాస్ లవర్స్ షాక్ తగిలింది. ప్రేక్షకుల ఆశలపై ఆ హాట్ బ్యూటీ నీళ్లు చల్లింది. నేను షోకి రావడం లేదని క్లారిటీ ఇచ్చేసింది. ఆడియన్స్ ఒక్కసారిగా ఖంగుతిన్నారు.
బిగ్ బాస్ లవర్స్ షాక్ తగిలింది. ప్రేక్షకుల ఆశలపై ఆ హాట్ బ్యూటీ నీళ్లు చల్లింది. నేను షోకి రావడం లేదని క్లారిటీ ఇచ్చేసింది. ఆడియన్స్ ఒక్కసారిగా ఖంగుతిన్నారు.
బిగ్ బాస్ తెలుగు సీజన్ 8 రెండు వారాలు పూర్తి చేసుకోనుంది. షో ఆశించిన స్థాయిలో లేదు. కంటెస్టెంట్స్ ఎంపిక కూడా సరిగా లేదు. విష్ణుప్రియ, ఆదిత్య ఓం తో పాటు ఒకరిద్దరు మాత్రమే తెలిసిన ముఖాలు. సీరియల్ నటులు యాష్మి గౌడ, పృథ్విరాజ్, నిఖిల్, ప్రేరణ అంత పాప్యులర్ కాదు. పైగా కన్నడ బ్యాచ్.
సీజన్ 8 గేమ్స్, టాస్క్స్ సైతం నిరాశ పరుస్తున్నాయి. బిగ్ బాస్ తెలుగు ఫస్ట్ వీక్ టీఆర్పీ దారుణంగా ఉందట. బేబక్క ఎలిమినేషన్ తో ఇంట్లో13 మంది కంటెస్టెంట్స్ ఉన్నారు. వీరిలో ఎవరూ ప్రభావం చూపడం లేదు. ప్రేక్షకులు ఎంటర్టైన్ చేసే కంటెస్టెంట్స్ ని కోరుకుంటున్నారు.
14 మందిని మాత్రమే గ్రాండ్ లాంచ్ ఈవెంట్లో పరిచయం చేశారు. సీజన్ 7 మాదిరి ఐదు వారాల అనంతరం మినీ లాంచ్ ఈవెంట్ ఉంటుందని సమాచారం . కనీసం 5 మంది కంటెస్టెంట్స్ వైల్డ్ కార్డ్ ఎంట్రీ ఇచ్చే అవకాశం కలదు. ఈసారైనా పేరున్న నటులను బిగ్ బాస్ హౌస్లోకి పంపాలని మేకర్స్ భావిస్తున్నారట. షో మళ్ళీ గాడిన పడాలంటే టాప్ సెలెబ్స్ ఎంట్రీ ఇవ్వాలనే ఆలోచనలో ఉన్నారట.
ఈ క్రమంలో జ్యోతిరాయ్ ని సంప్రదించారు. ఆమె పచ్చ జెండా ఊపిందని కథనాలు వెలువడ్డాయి. జ్యోతి రాయ్ సూపర్ హిట్ సీరియల్ గుప్పెడంత మనసు లో హీరో తల్లి పాత్ర చేసింది. ఆ పాత్రలో జ్యోతిరాయ్ ని చూసి మిడిల్ ఏజ్ లేడీ అని ప్రేక్షకులు భావించారు. ఆమె ఇంస్టాగ్రామ్ పోస్ట్ చూసి జనాల మైండ్ బ్లాక్ అయ్యింది. జ్యోతి రాయ్ నా వయసు 30 ఏళ్ళు మాత్రమే అంటుంది.
జ్యోతి రాయ్ హాట్ ఫోటో షూట్స్ చూసి గుప్పెడంత మనసు జగతి ఈమేనా అని ముక్కున వేలేసుకున్నారు. జ్యోతిరాయ్ గ్లామరస్ ఫోటో షూట్స్ విపరీతంగా వైరల్ కావడంతో ఒక్కసారిగా వెలుగులోకి వచ్చింది. యూత్ లో భారీ ఫేమ్ రాబట్టింది. జ్యోతి రాయ్ బిగ్ బాస్ హౌస్ కి వస్తే పండగే అని ఆడియన్స్ భావించారు. కానీ జ్యోతిరాయ్ షోకి రావడం లేదట. దీనిపై ఆమె స్వయంగా స్పష్టత ఇచ్చింది.
నేను కన్నడ, తెలుగు బిగ్ బాస్ షోలలో పాల్గొనడం లేదు. నటిగా బిజీగా ఉన్నాను. నేను నటించిన 4 తెలుగు సినిమాలు 2025లో విడుదల కానున్నాయి. బిగ్ బాస్ షోకి వస్తున్నానంటూ వెలువడుతున్న కథనాల్లో నిజం లేదు. నాకు చాలా కమిట్మెంట్స్ ఉన్నాయి, అని జ్యోతిరాయ్ అన్నారు.
కన్నడ నటి అయిన జ్యోతిరాయ్ ప్రస్తుతం సినిమాలు, వెబ్ సిరీస్లు చేస్తుంది. చిన్న వయసులోనే జ్యోతి రాయ్ కి వివాహం కాగా, ఒక అబ్బాయి పుట్టాడట. అనంతరం భర్తకు విడాకులు ఇచ్చి నటిగా మారింది. ప్రస్తుతం దర్శకుడు పూర్వజ్ తో ఆమె రిలేషన్ లో ఉన్నారు. తన పేరు చివరి పూర్వజ్ తగిలించుకుంది.
మరోవైపు వీకెండ్ దగ్గర పడుతుంది. ఓటింగ్ కి మరికొన్ని గంటల సమయం మాత్రమే ఉంది. బిగ్ బాస్ ఇంటిని వీడే రెండో కంటెస్టెంట్ ఎవరనే చర్చ నడుస్తోంది. విష్ణుప్రియ, నిఖిల్, నాగ మణికంఠ, సీత, నైనిక, ఆదిత్య ఓం, శేఖర్ బాషా, పృథ్విరాజ్ నామినేషన్స్ లిస్ట్ లో ఉన్నారు. వీరిలో ఒకరు ఇంటిని వీడనున్నారు.