`కన్నప్ప`లో మంచు విష్ణుకి, సీఎంగా ఉన్నప్పుడు వైఎస్‌ జగన్‌కి ముడిపెడుతూ ర్యాగింగ్‌ చేస్తున్నారు వైసీపీ నాయకులు. ఇక ట్రోలర్స్ మాత్రం రెచ్చిపోతున్నారు.
మంచు ఫ్యామిలీ ప్రతిష్టాత్మకంగా చేస్తున్న మూవీ `కన్నప్ప`. భక్త కన్నప్ప జీవిత కథ ఆధారంగా మైథలాజికల్‌ మూవీగా దీన్ని తెరకెక్కిస్తున్నారు. మంచు విష్ణు అన్నీ తానై చేస్తున్న మూవీ ఇది. మోహన్‌బాబు కీలక పాత్రలో నటిస్తూ తెరవెనుక అన్నీ చూసుకుంటున్నారు. భారీ కాస్టింగ్‌ ఇందులో భాగం కావడంతో సినిమాపై హైప్‌ బాగా పెరిగింది. ప్రభాస్‌, మోహన్‌లాల్‌, అక్షయ్‌ కుమార్‌, శరత్‌ కుమార్‌, కాజల్‌ ఇందులో భాగమయ్యారు. ఇంకా చాలా మంది ప్రముఖ ఆర్టిస్టులు కనిపిస్తున్నారు.
తాజాగా `కన్నప్ప` టీజర్‌ విడుదలైంది. విజువల్‌గా బాగుంది. యాక్షన్‌ సీన్లు కూడా ఆకట్టుకునేలా ఉన్నాయి. అదే సమయంలో ఇందులో ప్రభాస్‌, మోహన్‌లాల్‌, అక్షయ్‌ కుమార్‌, మోహన్‌బాబు, కాజల్‌ల గెస్ట్ సీన్లు హైలైట్‌ అని చెప్పాలి. ఆయా హీరోల ఫ్యాన్స్ ఖుషి అవుతున్నారు. వీరంతా ఉండటంతో ఈ టీజర్‌ కోసం ఆడియెన్స్ ఎగబడి చూశారు.
కానీ ఇప్పుడు ట్రోలర్స్ రెచ్చిపోతున్నారు. మీమర్స్ అయితే దారుణంగా ర్యాగింగ్‌ చేస్తున్నారు. అయితే ఇందులో వైసీపీ నాయకులు సైతం మంచు విష్ణుని ట్రోల్‌ చేయడం ఇప్పుడు హైలైట్‌గా నిలిచింది. పలువురు వైసీపీ అకౌంట్ల నుంచి `కన్నప్ప` టీజర్‌లో మంచు విష్ణు అరిచే సీన్‌ కి, ఏపీలో జగన్‌ సీఎంగా ఉన్నప్పుడు ఓ కార్యక్రమంలో స్కూల్‌ విద్యార్థి.. జగన్‌ మమయ్యా అని స్టేజ్‌పై అరిచే సీన్‌ని లింక్‌ చేస్తూ ట్రోల్‌ చేయడం గమనార్హం.
అంతేకాదు నెటిజన్లు కూడా మరింతగా రచ్చ చేస్తున్నారు. సినిమాలో మంచు విష్ణునే మైనస్‌ అంటున్నారు. మౌంటేన్‌ ఏరియాలో ఫైట్‌ సీన్‌ ఉంటుంది. అందులో వెనకాల ఉన్న సైన్యం అంతా విలన్‌ని చూస్తుంటే మంచు విష్ణు కెమెరాని చూస్తున్నాడని చెబుతూ ట్రోల్‌ చేస్తున్నారు.
మరోవైపు విష్ణు చేసే యాక్షన్‌ సీక్వెన్స్ లో ఏమాత్రం ఎమోషన్స్ లేవని అంటున్నారు. ఆయన లుక్‌ కూడా సెట్‌ కాలేదని చెబుతున్నారు. మరోవైపు టీజర్‌ ప్రారంభంలో డబ్బింగ్‌ సెట్‌ కాలేదని, వరస్ట్ గా ఉందని అంటున్నారు. విజువల్స్ బాగున్నాయి. యాక్షన్స్ బాగున్నా వాటిలో ఎమెషన్స్ కనిపించడంలేదని దీంతో తేలిపోయినట్టుగా ఉందని ట్రోల్‌ చేస్తున్నారు నెటిజన్లు.
`కన్నప్ప` టీజర్‌ ఫర్వాలేదు, కానీ ఈ మూవీ ఒప్పుకున్నందుకు ప్రభాస్‌, అక్షయ్‌, మోహన్‌లాల్‌, కాజల్‌ వంటి వారికి హ్యాట్సాఫ్‌ చెప్పాల్సిందే అంటున్నారు. టీజర్‌కి ఆడియెన్స్ రెస్పాన్స్ భయంకరంగా ఉందంటూ పోస్టులు పెడుతున్నారు. సీరియల్‌ని తలపించేలా ఉందని కొందరు అంటున్నారు.
ప్రభాస్‌ షాట్‌ తప్ప ఏదీ ఇంట్రెస్టింగ్‌గా లేదని, అటెన్షన్‌ గ్రాబ్‌ చేసేలా లేదని, కాన్సెప్ట్ టీజర్‌లా ఉందని రచ్చ చేస్తున్నారు. అంతా బాగానే ఉంది న్యూజిలాండ్‌లో ఎందుకు తీశారని, విష్ణు జూమ్‌ షాట్‌ ఎందుకు పెట్టినట్టు అంటూ ర్యాగింగ్‌ చేస్తున్నారు. మొత్తంగా `కన్నప్ప` టీజర్‌పై రచ్చ రచ్చ చేస్తున్నారు. మరి సినిమా ఎలా ఉంటుందో చూడాలి.
సుమారు వంద కోట్లకుపైగా బడ్జెట్‌తో ఈ చిత్రాన్ని తెరకెక్కిస్తున్నారు మోహన్‌బాబు. తమ కెరీర్‌లోనే దీన్ని చాలా ప్రతిష్టాత్మకంగా చేస్తున్నారు. మరి ఏ స్థాయిలో ఆకట్టుకుంటుందో చూడాలి. ఈ మూవీని ఈ ఏడాది చివర్లో విడుదల చేసే అవకాశం ఉంది.