శోభిత దూళిపాళ గురించి అడిగితే నాగచైతన్య రియాక్షన్ ఏంటో తెలుసా..?

సమంతతో విడాకులు తరువాత నాగచైతన్యలో చాలా మార్పు వచ్చింది. ఈ విషయం ఆయనే చాలా సార్లు చెప్పారు కూడా. ఇక ప్రస్తుతం చైతు మరో హీరోయిన్ శోభితతో డేటింగ్ లో ఉన్నాడన్న వార్తలు ఇండస్ట్రీలో హీట్ పుట్టిస్తున్నాయి.  మరి ఈ విషయంలో నాగచైతన్య  ఏలా స్పందించాడో తెలుసా..?   

 సమంతతో విడాకులు తీసుకున్నప్పటి నుంచి దాదాపు ప్రతిరోజు ఏదో ఒక విధంగా వార్తల్లో నిలుస్తున్నాడు నాగ చైతన్య.  ముఖ్యంగా హీరోయిన్  శోభితా దూళిపాళతో చైతన్య రిలేషన్‌షిప్‌లో ఉన్నాడని న్యూస్ చాలా కాలంగా నెట్టింట హల్‌చల్ చేస్తున్నాయి. ఎప్పటి నుంచో ఈ వార్తలు వస్తున్నప్పటికీ ఈ ఇద్దరు స్టార్లు ఈ విషయంలో స్పందించలేదు. 

అయితే తాజాగా జరిగిన ఓ ఇంటర్వ్యూలో శోభిత గురించి నాగచైతన్య స్పందించాడు. ప్రస్తుతం నాగచైతన్య లాల్ సింగ్ చడ్డా ప్రమోషన్స్ లో బిజీగా ఉన్నాడు. ఈ ప్రమోషన్లో  భాగంగానే జరిగిన ఓ ఇంటర్వ్యూలో.. శోభితా గురించి ఆయనకు ప్రశ్న ఎదురయ్యింది.  

లాల్ సింగ్ చడ్డా ప్రమోషన్స్‌లో భాగంగా ఓ  యూట్యూబ్‌ ఛానెల్‌కి చైతన్య ఇంటర్వ్యూ ఇచ్చాడు. అందులో హోస్ట్ సిద్ధార్థ్ ర్యాపిడ్ ఫైర్ రౌండ్ నిర్వహిస్తూ మధ్యలో శోభిత దూళిపాళ పేరు తీసుకువచ్చాడు. 

ర్యాపిడ్ ఫైర్ లో భాగంగా  పర్సన్ పేరు చెప్పగానే మీ బ్రెయిన్‌లో ఏం రన్‌ అవుతుందో చెప్పండి అని నాగచైతన్యను అడిగాడు హోస్ట్.  విజయ్ దేవరకొండ పేరు చెప్పగానే  క్రేజీ అని... రాశిఖన్నా పేరు చెప్పగానే.. మంచి ఫ్రెండ్ అని..కృతి శెట్టి పేరు చెప్పగానే.. చిన్న పాప అని చెప్పాడు చైతూ... ఇక  శోభితా దూళిపాళ పేరు చెప్పగానే  నాగచైతన్య ఏం మాట్లకుండా ముందు గట్టిగా నవ్వేశాడు. అనంతరం.. కేవలం నవ్వుతాను అని సమాధానం చెప్పాడు. 

నాగచైతన్య చెప్పిన ఈ ఆన్సర్ తో చాలా మంది ఆడియన్స్ వాళ్లకు వాళ్లు క్లారిటీ ఇచ్చుకుంటున్నారు. ఈ వీడియో ప్రస్తుతం సోషల్ మీడియాలో వైరల్ అవుతోంది. నెటిజన్లు మాత్రం ఈ విషయంలో స్పందిస్తూ.. శోభిత పేరు చెబితే చై నవ్వుతున్నాడు. అయితే వీరిద్దరి మధ్య ఏదో ఉంది అంటూ..  కామెంట్ చేస్తున్నారు.

అటు సమంత కూడా ఈ మధ్య నాగచైతన్య విషయంలో ఘాటుగా స్పందించింది.  తామిద్దరిని ఒక గదిలో ఉంచితే పదునైన ఆయుదాలు లేకుండా చూడాలంటూ.. హాట్ కామెంట్స్ చేసింది. తాము మంచి వాతావరణంలో విడిపోలేదంటూ బాంబ్ పేల్చింది. ఇలా విడాకుల తరువాత కూడా ఈ ఇద్దరు స్టార్లు ఏదో ఒక విషయంలో వైరల్ న్యూస్ అవుతూనే ఉన్నారు. 

ఇక ఇప్పటి వరకూ టాలీవుడ్ కే పరిమితం అయిన  యంగ్ హీరో నాగ చైతన్య  లాల్ సింగ్ చడ్డాతో  బాలీవుడ్‌‌కి ఎంట్రీ ఇస్తున్నాడు.  ఆమీర్ ఖాన్, కరీనా కపూర్ జంటగా నటిస్తున్న లాల్ సింగ్ చడ్డా లో నాగచైతన్య  ఓ కీలకపాత్రలో నటిస్తున్నాడు. ఈ మూవీ 1994లో వచ్చిన హాలీవుడ్‌ మూవీ ఫారెస్ట్ గంప్‌కి రిమేక్‌గా తెరకెక్కింది. ఆగస్టు 11న ప్రపంచవ్యాప్తంగా హిందీతోపాటు తెలుగు, తమిళ భాషల్లో విడుదల కానుంది.