తోబా తోబా హుక్ స్టెప్ సోషల్ మీడియాను ఊపేస్తుండగా ఓ మహిళ అవలీలగా ఆ స్టెప్ వేయడం అందరినీ కట్టి పడేసింది. విక్కీ కౌశల్ సైతం వావ్ అంటూ ఆమెను మెచ్చుకున్నాడు. ఇంతకీ ఎవరీ రూపాలి సింగ్?
సోషల్ మీడియా వలన వెలుగులోకి వచ్చిన మట్టిలోని మాణిక్యాలు ఎందరో. రూపాలి సింగ్ లేటెస్ట్ సోషల్ మీడియా సెన్సేషన్. ఆమె తోబా తోబా సాంగ్ కి వేసిన స్టెప్స్ ఇంటర్నెట్ ని షేక్ చేస్తున్నాయి. విక్కీ కౌశల్ లేటెస్ట్ మూవీ బ్యాడ్ న్యూస్. ఈ చిత్రంలో యానిమల్ ఫేమ్ త్రిప్తి దిమ్రి హీరోయిన్ గా నటించింది. జులై 19న బ్యాడ్ న్యూస్ మూవీ విడుదలైంది.
బ్యాడ్ న్యూస్ చిత్రానికి ఆనంద్ తివారి దర్శకత్వం వహించాడు. బ్యాడ్ న్యూస్ మూవీలోని తోబా తోబా సాంగ్ విశేష ఆదరణ పొందింది. ముఖ్యంగా ఈ సాంగ్ లో విక్కీ కౌశల్ వేసిన హుక్ స్టెప్ వైరల్ గా మారింది.కరణ్ ఆజ్లా తోబా తోబా సాంగ్ ని కంపోజ్ చేశారు. ఈ సాంగ్ కి సింగర్, లిరిసిస్ట్ కూడా కరణ్ ఆజ్లా నే. బాస్కో-సీజర్ డాన్స్ కంపోజ్ చేశారు.
కొరియోగ్రాఫర్స్ బాస్కో-సీజర్ రూపొందించిన హుక్ స్టెప్ తోబా తోబా సాంగ్ ని చాలా ప్రత్యేకంగా మార్చింది. హీరో విక్కీ కౌశల్ ఈ స్టెప్ ని ఎంతో స్టైలిష్ అండ్ గ్రేస్ఫుల్ గా చేశాడు. దాంతో సోషల్ మీడియా స్టార్స్ తో పాటు పలువురు సెలెబ్స్ తోబా తోబా హుక్ స్టెప్ వేసి ఇంస్టాగ్రామ్, ఇతర సోషల్ మీడియా ఫ్లాట్ ఫార్మ్స్ లో పోస్ట్ చేస్తున్నారు. ఒక పల్లెటూరి మహిళ తోబా తోబా సాంగ్ కి వేసిన స్టెప్స్ వైరల్ అయ్యాయి.
తోబా తోబా హుక్ స్టెప్ ని ఆ పల్లెటూరి మహిళ చాలా సులభంగా, అద్భుతంగా పెర్ఫార్మ్ చేసింది. ఆమె పక్కన ఇద్దరు పిల్లలు అనుకరించే ప్రయత్నం చేశారు. ఆ మహిళ పేరు రూపాలి సింగ్ అని సమాచారం. తోబా తోబా సాంగ్ రీల్ తో ఆమె సోషల్ మీడియా లేటెస్ట్ సెన్సేషన్ గా అవతరించింది. ఆమె వీడియో మీద హీరో విక్కీ కౌశల్ నేరుగా స్పందించారు. వావ్ అని కామెంట్ చేశాడు.
ఎవరీ రూపాలి సింగ్ అని పరిశీలిస్తే... ఈమె పశ్చిమ బెంగాల్ లోని మేదినిపూర్ జిల్లాకు చెందిన ఓ పల్లెటూరి మహిళ అని తెలుస్తుంది. సాడ్ రూప పేరుతో ఆమెకు ఇంస్టాగ్రామ్ అకౌంట్ ఉంది. 84 వేలకు పైగా ఫాలోవర్స్ ఉన్నారు. చాలా కాలంగా ఆమె డాన్స్ వీడియోలు చేస్తుంది. తోబా తోబా హుక్ స్టెప్ వీడియోతో పాప్యులర్ అయ్యింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి