గొడవలు ఉన్నప్పటికీ రాంచరణ్ కోసం నిజాయతీగా ఆ పని చేసిన క్రేజీ హీరో..ఆ మాట చెప్పడానికి గట్స్ కావాలి

మెగా పవర్ స్టార్ రాంచరణ్ ఇప్పుడు గ్లోబల్ స్టార్ అయ్యాడు. అభిమానులు ముద్దుగా అలా పిలవడమే కాదు.. సినిమా టైటిల్స్ లో కూడా అఫీషియల్ గా గ్లోబల్ స్టార్ అని వేస్తున్నారు. రాజమౌళి ఆర్ఆర్ఆర్ చిత్రం తర్వాత రాంచరణ్ పాన్ ఇండియా స్థాయిలో గుర్తింపు పొందిన సంగతి తెలిసిందే. 

రాంచరణ్ మగధీర, చిరుత లాంటి బల్క్ బస్టర్ హిట్స్ అందుకున్నప్పటికీ తండ్రి చాటు బిడ్డ అనే విమర్శలు చేస్తూనే ఉన్నారు. కానీ చరణ్ ఎప్పటికప్పుడు తనని తాను ప్రూవ్ చేసుకుంటూనే ఉన్నాడు. రాంచరణ్ తన స్టార్ స్టేటస్ ని పూర్తిగా పక్కన పెట్టి తనలోని నటుడిని బయటకి తీసిన చిత్రం రంగస్థలం. ఆ చిత్రంలో రాంచరణ్ నటన అలా ఇలా కాదు నేషనల్ లెవల్ లో సౌండ్ వినిపించింది. 

అయితే అరుదైన ఘనతనకి చరణ్ అడుగుదూరంలో నిడిలిపోయాడు. రంగస్థలం చిత్రంలో రాంచరణ్ నటనకి ఉత్తమ నటుడిగా నేషనల్ అవార్డు వస్తుందని అంతా ఆశించారు. కానీ హిందీ చిత్రాల పోటీతో రాంచరణ్ కొద్దిపాటిలో ఆ అవార్డుకు దూరం కావలసి వచ్చింది. ఆ ఏడాది హిందీలో వచ్చిన అంధాదున్ చిత్రానికి గాను ఆయుష్మాన్ ఖురానాకి ఉత్తమనటుడిగా అవార్డు ఇచ్చారు. 

దీనిని వ్యతిరేకించిన వారిలో చాలా మంది ఉన్నారు. ఇటీవల రంగస్థలం చిత్రం విడుదలై ఆరేళ్ళు పూర్తి చేసుకుంది. ఈ సందర్భంగా రంగస్థలం విశేషాలు వైరల్ అవుతున్నాయి. ఆ ఏడాది నేషనల్ అవార్డ్స్ ప్రకటించినప్పుడు మెగా ఫ్యాన్స్ తో పాటు టాలీవుడ్ కూడా నిరాశకి గురైంది. 

చాలా మంది రాంచరణ్ నేషనల్ అవార్డుకు అర్హుడు అంటూ బహిరంగంగానే కామెంట్స్ చేశారు. వారిలో ఆశ్చర్యకరంగా మంచు ఫ్యామిలీ హీరో మంచు విష్ణు కూడా ఉన్నారు. ఎన్టీఆర్, సూపర్ స్టార్ కృష్ణ.. ఎన్టీఆర్, ఏఎన్నార్ ఇలా లెజెండ్స్ మధ్య విభేదాలు ఉన్నాయని టాలీవుడ్ లో తరచుగా వింటూనే ఉన్నాము. అయితే మెగా, మంచు ఫ్యామిలీ మధ్య విభేదాలని వినడం మాత్రమే కాదు చాలా మంది చూసి ఉంటారు. చిరు మోహన్ బాబు గొడవపడటం ఆ తర్వాత కలిసిపోవడం చూస్తూనే ఉన్నాం. 

ఆ సమయంలో రాంచరణ్ నేషనల్ అవార్డుకు అర్హుడు అంటూ మంచు విష్ణు స్వయంగా సోషల్ మీడియాలో పోస్ట్ చేశాడు. అవార్డు గెలుచుకున్న వారిపట్ల నాకు ఎలాంటి వ్యతిరేకత లేదు. కానీ నిజాయతీగా చెబుతున్నా.. నా బ్రదర్ రాంచరణ్ కి రంగస్థలం చిత్రానికి గాను నేషనల్ అవార్డు రావాల్సింది. ఇటీవల కాలంలో ఏ నటుడి నుంచి అయినా ఇదే బెస్ట్ పెర్ఫార్మన్స్. ఏది ఏమైనా ఆడియన్స్ ప్రేమే పెద్ద అవార్డు అంటూ మంచు విష్ణు ట్వీట్ చేశాడు. 

ఆ సమయంలో మెగా అభిమానులంతా మంచు విష్ణుని అభినందించారు. ఇరు కుటుంబాల మధ్య బేధాభిప్రాయాలు ఉన్నప్పటికీ ఇలా నిజాయతీగా ఒపీనియన్ చెప్పడానికి గట్స్ కావాలి అని అభినందించారు.