టాప్ డైరెక్టర్ ఎస్ఎస్ రాజమౌళి (SS Rajamouli) - ప్రభాస్ (Prabhas) కాంబోలో ‘బాహుబలి2’ (Baahubali 2) వచ్చిన విషయ తెలిసిందే. ఈ సినిమాకు జక్కన్న ఓ కమెడియన్ కు పిలిచి మరీ అవకాశం ఇచ్చారు.
తెలుగు సినిమా సత్తా ఏంటో చూపించిన చిత్రం ‘బాహుబలి’ (Baahubali). దర్శకధీరుడు, స్టార్ డైరెక్టర్ ఎస్ఎస్ రాజమౌళి (SS Rajamouli) తెరకెక్కించిన విషయం తెలిసిందే. దాదాపుగా ఫస్ట్ పార్ట్ వచ్చి పదేళ్లకు దగ్గర అవుతోంది.
ఇక ఆ వెంటనే రెండో పార్ట్ ‘బాహుబలి 2’ (Baahubali 2) కూడా విడుదలైంది. మొదటి పార్ట్ కంటే సెకండ్ పార్ట్ సెన్సేషన్ క్రియేట్ చేసింది. ప్రభాస్, రానా, అనుష్క, తమన్నా నటించిన ఈ బిగ్ ప్రాజెక్ట్ బిగ్ సక్సెస్ ను అందుకుంది.
ఇండియాలోనే కాకుండా ప్రపంచ వ్యాప్తంగా ఈ చిత్రానికి ఎన్నో ప్రశంసలు దక్కాయి. పైగా తెలుగు సినిమా సత్తా ఏంటో చూపించిన చిత్రంగానూ, తెలుగు ఇండస్ట్రీ అంటే ‘బాహుబలి’కి ముందు.. ఆ తర్వాత అనేలా మారిపోయింది.
అయితే ఈ చిత్రం కోసం ఎందరో నైపుణ్యం ఉన్న టెక్నీషియన్లు, ప్రతిభావంతులు పనిచేశారు. కానీ ఈ సినిమా కోసం ఎస్ఎస్ రాజమౌళి ఓ కమెడియన్ ను ప్రత్యేకంగా పిలిచి మరీ అసిస్టెంట్ డైరెక్టర్ గా అవకాశం ఇచ్చారు.
ఆయనెవరో కాదు.. జబర్దస్త్ ఫేమ్ అదిరే అభి (Adhire Abhi)నే. అసిస్టెంట్ డైరెక్టర్ గా పనిచేయడమే కాకుండా.. సుబ్బరాజుతో కలిసి ఓ హాస్య సన్నివేశాల్లోనూ నటించారు. ప్రతిష్టాత్మకమైన ప్రాజెక్ట్ లో భాగమయ్యాడు.
అయితే ఈ విషయాన్ని రీసెంట్ ఇంటర్వ్యూలో అదిరే అభినే తెలియజేశారు. తనకు అంత పెద్ద ప్రాజెక్ట్ లో అడగకుండానే అవకాశం ఇచ్చినందుకు థ్యాంక్స్ చెప్పారు. ఇక ప్రభాస్ తో అదిరే అభి ఫస్ట్ ‘ఈశ్వర్’ మూవీలో స్నేహితుడి పాత్రలో నటించారు.