Tollywood Heroines: హీరోయిన్ల వల్లే హిట్ అయిన 5 సినిమాలు, వీళ్ళు లేకుంటే అన్నీ ఫ్లాపే.. కాదనగలరా ?

టాలీవుడ్ లో హీరోయిన్ల పెర్ఫార్మెన్స్ తోనే సూపర్ హిట్స్ అయిన సినిమాలు కొన్ని ఉన్నాయి. శ్రీలీల, సాయి పల్లవి లాంటి హీరోయిన్లు నటించిన ఆ సినిమాల గురించి ఈ కథనంలో తెలుసుకుందాం. 

టాలీవుడ్ హీరోయిన్లు

టాలీవుడ్ లో మహానటి సావిత్రి హయాం నుంచి ఇప్పటి వరకు ఎందరో అద్భుతమైన నటీమణులు తమ ప్రతిభ చాటుకున్నారు. అనుష్క, సమంత, సాయి పల్లవి లాంటి వారు ప్రస్తుతం నటనలో ఆడియన్స్ ని మెప్పిస్తున్నారు. కేవలం హీరోయిన్ల పెర్ఫార్మెన్స్ వల్లే హిట్ అయిన 5 సినిమాల గురించి ఈ కథనంలో తెలుసుకుందాం.

ఫిదా

వరుణ్ తేజ్, సాయి పల్లవి జంటగా నటించిన ఈ చిత్రం శేఖర్ కమ్ముల దర్శకత్వంలో తెరకెక్కింది. ఈ మూవీలో సాయి పల్లవి తన గ్లామర్, నటన, డైలాగ్స్ తో సినిమా మొత్తం డామినేట్ చేసింది. ఆమె పెర్ఫార్మెన్స్ హైలైట్ గా నిలిచింది.

అఆ

త్రివిక్రమ్ దర్శకత్వంలో నితిన్, సమంత నటించిన ఈ చిత్రం సూపర్ హిట్ అయింది. అయితే ఈ మూవీ సక్సెస్ లో ఎక్కువ క్రెడిట్ సమంతకే వెళ్ళింది. సమంత క్యూట్ అండ్ ఎమోషనల్ పెర్ఫార్మెన్స్ తో కట్టిపడేసింది.

ధమాకా

మాస్ మహారాజ్ రవితేజ స్క్రీన్ పై ఉంటే అతడి ఎనెర్జీని డామినేట్ చేయడం ఎవరికీ సాధ్యం కాదు. కానీ శ్రీలీల తన క్యూట్ లుక్స్, మైండ్ బ్లోయింగ్ డ్యాన్సింగ్ స్కిల్స్ తో సినిమా మొత్తం డామినేట్ చేసింది. శ్రీలీల వల్లే ఈ చిత్రం హిట్ అయింది అని కామెంట్స్ కూడా వినిపించాయి.

ఆట

సిద్దార్థ్, ఇలియానా జంటగా నటించిన ఈ చిత్రం కంటెంట్ పరంగా చూస్తే యావరేజ్ మూవీ. కానీ కమెర్షియల్ గా ఈ చిత్రం సక్సెస్ అయింది అంటే అందుకు కారణం ఇలియానా గ్లామర్ షో అనే చెప్పాలి.

అరుంధతి

అనుష్క కెరీర్ బెస్ట్ పెర్ఫార్మెన్స్ అరుంధతి చిత్రంలో చూడవచ్చు. ఈ పాత్రలో నటించడం అనుష్కకి తప్ప ఇంకెవరికీ సాధ్యం కాదు అనే కామెంట్స్ వినిపించాయి.