ఎన్టీఆర్, అమిత్ షా భేటీ.. ఫ్యాన్స్ కి కావాల్సింది అదే, తెరవెనుక ఉన్నది ఎవరో తెలుసా ?

యంగ్ టైగర్ ఎన్టీఆర్ అభిమానులు కోరుకునే విధంగా అద్భుతమైన సినిమాలు చేస్తూ అలరిస్తున్నాడు. ప్రస్తుతం ఎన్టీఆర్ పాలిటిక్స్ ని పట్టించుకోవడం లేదు. అలాగని ఎన్టీఆర్ ని పాలిటిక్స్ నుంచి వేరు చేసి చూడలేం. 2009 ఎన్నికల కోసం ఎన్టీఆర్ ఉమ్మడి రాష్ట్రంలో టిడిపి పార్టీ కోసం పెద్ద ఎత్తున ప్రచారం చేశారు. 

ఆ తర్వాత ఎన్టీఆర్ రాజకీయ కార్యక్రమాలకు దూరం అవుతూ వచ్చారు. కానీ తరచుగా తారక్ పొలిటికల్ ఎంట్రీ గురించి ఫ్యాన్స్ లో చర్చ జరుగుతూనే ఉంటుంది. ఒకరిద్రు టిడిపి నేతలు అప్పుడప్పుడూ టిడిపి పగ్గాలు తారక్ కి అప్పగించాలి అని కామెంట్స్ చేస్తుంటారు. కానీ ఇటీవల ఎన్టీఆర్ రాజకీయాలపై ఎలాంటి స్పందన తెలియజేయలేదు. 

ఊహించని విధంగా ఆదివారం రోజు హైదరాబాద్ లో కేంద్ర హోమ్ మంత్రి అమిత్ షాతో ఎన్టీఆర్ భేటీ జరిగింది. అమిత్ షాతో లంచ్ మీట్ కు హాజరు కావాలని బిజెపి నుంచి తారక్ కి ఆహ్వానం వెళ్ళింది. దీనితో ఎన్టీఆర్ ఆయన్ని కలిశారు. ఆర్ఆర్ఆర్ చిత్రంలో ఎన్టీఆర్ అద్భుత నటనని ప్రశంసించేందుకు అమిత్ షా ఆహ్వానించినట్లు పైకి చెబుతున్నారు. కానీ ఈ భేటీ వెనుక పొలిటికల్ స్కెచ్ ఉన్నట్లు సినీ రాజకీయ విశ్లేషకులు అభిప్రాయం పడుతున్నారు. 

కొమరం భీం తెలంగాణ ప్రాంతానికి చెందిన యోధుడు కాబట్టి ఆ సెంటిమెంట్, అలాగే తెలంగాణ టిడిపి ఓట్లు కొల్లగొట్టేందుకు కూడా అయి ఉండొచ్చు అనేది ఒక వాదన. అమిత్ షాతో తారక్ భేటీ వెనుక రాజమౌళి తండ్రి విజయేంద్ర ప్రసాద్ ప్రమేయం ఉన్నట్లు ప్రచారం జరుగుతోంది. ఇటీవలే బిజెపి విజయేంద్ర ప్రసాద్ ని రాజ్యసభకు నామినేట్ చేసిన సంగతి తెలిసిందే. 

RRR Movie

ఎన్టీఆర్, అమిత్ షా భేటీ వెనుక ఎలాంటి పొలిటికల్ మోటివ్ ఉన్నప్పటికీ అభిమానులు కోరుకుంటున్నది ఒక్కటే. ఇటీవల ఆర్ఆర్ఆర్ చిత్రంలో నటనకి గాను తారక్ ఆస్కార్స్ నామినేషన్స్ కి ఎంపిక అవుతారనే అంచనాలు మొదలయ్యాయి. అలా జరగాలంటే ముందుగా ఇండియా నుంచి ఆస్కార్స్ కి పంపే లిస్ట్ లో ఆర్ఆర్ఆర్, తారక్ ని ఫైనల్ చేయాలి. 

RRR Movie

మోడీ తర్వాత ఇండియాలో అంతటి పవర్ ఫుల్ పర్సన్ అమిత్ షానే తారక్ నటనకి ఫిదా అయ్యాడంటే.. ఇండియా నుంచి ఆస్కార్స్ కి పంపే లిస్ట్ లో యంగ్ టైగర్ పేరు ఖాయం అని అంటున్నారు. ఇది తప్పకుండా జరగాలి అని తారక్ ఫ్యాన్స్ కోరుకుంటున్నారు.