ప్రభాస్ కి బెస్ట్ మ్యూజిక్ ఇద్దాం అనుకున్నా, మధ్యలోనే తొలగించారు.. తమన్ ఆవేదన, ఏ మూవీ అంటే..

తమన్ రీసెంట్ ఇంటర్వ్యూలో తన కెరీర్ జరిగిన సంఘటనలను గుర్తు చేసుకున్నారు. ఏదైనా ప్రాజెక్ట్ మధ్యలో ఉండగా తొలగించిన సందర్భాలు ఉన్నాయా అని యాంకర్ ప్రశ్నించారు. తమన్ ఏమాత్రం ఆలోచించకుండా ప్రభాస్ చిత్రానికి ఒకసారి అలా జరిగింది అని తెలిపారు.

సంగీత దర్శకుడు తమన్ మోస్ట్ బిజీయెస్ట్ మ్యూజిక్ డైరెక్టర్ గా మారిపోయారు. ఇటీవల తమన్ ఓ ఇంటర్వ్యూలో మాట్లాడుతూ తాను షర్ట్ వేసుకుని తిరగడం లేదని.. స్ట్రెస్ వేసుకుని తిరుగుతున్నట్లు చమత్కరించారు. సంక్రాంతికి విడుదలైన గేమ్ ఛేంజర్, డాకు మహారాజ్ చిత్రాలకు సంగీత దర్శకుడు తమన్ కావడం విశేషం. డాకు మహారాజ్ చిత్రం సూపర్ హిట్ కాగా గేమ్ ఛేంజర్ నిరాశ పరిచింది. 

Thaman

అనవసరమైన ట్రోలింగ్ తో మంచి సినిమాలని కూడా చంపేసుకుంటున్నాం అంటూ తమన్ డాకు మహారాజ్ సక్సెస్ మీట్ లో చేసిన వ్యాఖ్యలు వైరల్ అయ్యాయి. గేమ్ ఛేంజర్ చిత్రంపై జరిగిన ట్రోలింగ్ ని ఉద్దేశించి తమన్ ఈ వ్యాఖ్యలు చేశారు. తమన్ చాలా ఆవేదనతో మాట్లాడిన మాటలకు చిరంజీవి కూడా స్పందించారు. తమన్ ఆవేదన తనని కదిలించింది అని చిరు పేర్కొన్నారు. ఎవరైనా ఎలాంటి అభిప్రాయం అయినా చెప్పొచ్చు. కానీ అది పాజిటివ్ గా ఉంటే అందరికీ మంచి జరుగుతుంది అని చిరంజీవి అన్నారు. 

ఇదిలా ఉండగా తమన్ రీసెంట్ ఇంటర్వ్యూలో తన కెరీర్ జరిగిన సంఘటనలను గుర్తు చేసుకున్నారు. ఏదైనా ప్రాజెక్ట్ మధ్యలో ఉండగా తొలగించిన సందర్భాలు ఉన్నాయా అని యాంకర్ ప్రశ్నించారు. తమన్ ఏమాత్రం ఆలోచించకుండా ప్రభాస్ చిత్రానికి ఒకసారి అలా జరిగింది అని తెలిపారు. ప్రభాస్ నటించిన రెబల్ చిత్రానికి ఆ విధంగా జరిగిందని తమన్ తెలిపారు. రాఘవ లారెన్స్ దర్శకత్వంలో రెబల్ తెరకెక్కింది. 

ఈ చిత్రానికి సంగీత దర్శకుడిగా తమన్ ని ఎంపిక చేశారు. మ్యూజిక్ సిట్టింగ్ జరుగుతున్నాయి. కానీ అనుకోకుండా నన్ను తొలగించారు. ఎందుకు అలా చేశారో నాకు అర్థం కాలేదు. ప్రభాస్ కాంబినేషన్ లో నా ఫస్ట్ మూవీ అది. ప్రభాస్ కోసం బెస్ట్ మ్యూజిక్ ఇవ్వాలని చాలా ప్రిపేర్ అయ్యా. కానీ నన్ను సినిమా నుంచి తీసేసారు అని తమన్ ఆవేదన వ్యక్తం చేశారు. 

ఆ టైంలో లారెన్స్ కి, తమన్ కి విభేదాలు తలెత్తినట్లు ప్రచారం జరిగింది. తమన్ ని తప్పించిన తర్వాత సంగీత బాధ్యతలని కూడా లారెన్స్ తీసుకున్నారు. ఈ చిత్రానికి దర్శకత్వంలో పాటు సంగీత దర్శకత్వం కూడా లారెన్సే చేశారు. సినిమా డిజాస్టర్ అయింది.