Sangeetha Vijay: దళపతి విజయ్ నుంచి విడాకులు కోరుతూ ఆయన భార్య సంగీత కోర్ట్ లో పిటిషన్ వేసింది. దీంతో ఇది కోలీవుడ్ లో చర్చనీయాంశం అయ్యింది. ఈ నేపథ్యంలో సంగీత కి ఉన్న ఆస్తులు వివరాలు నెట్టింట చక్కర్లు కొడుతున్నాయి.
స్టార్ హీరో, రాజకీయ నాయకుడు దళపతి విజయ్ భార్య సంగీత విడాకుల కోసం కోర్టును ఆశ్రయించడం ఇప్పుడు తమిళనాట హాట్ టాపిక్గా మారింది. చెంగల్పట్టు ఫ్యామిలీ కోర్టులో ఆమె విడాకుల పిటిషన్ దాఖలు చేశారు. ఈ కేసు ఏప్రిల్ 30న విచారణకు రానుంది. విజయ్కు మరో నటితో వివాహేతర సంబంధం ఉందని, దాన్ని తాను రెడ్ హ్యాండెడ్గా పట్టుకున్నానని సంగీత ఆరోపించారు. కొన్నేళ్లుగా విజయ్కు దూరంగా ఉంటున్నట్లు కూడా ఆమె తెలిపారు. ఈ నేపథ్యంలో సంగీత ఆస్తి విలువ వివరాలు బయటకు వచ్చాయి.
25
సంగీత విజయ్ నేపథ్యం
సంగీత శ్రీలంకకు చెందిన తమిళ కుటుంబంలో జన్మించారు. ఆమె తండ్రి స్వర్ణలింగం యూకేలో పెద్ద పారిశ్రామికవేత్త. ఆయన అక్కడ ఎక్స్పోర్ట్-ఇంపోర్ట్ వ్యాపారం చేస్తున్నారు. విజయ్కు వీరాభిమాని అయిన సంగీత, ఒకసారి ఆయన్ను కలవడానికి చెన్నైలోని షూటింగ్ స్పాట్కు వచ్చారు. తన కోసం విదేశాల నుంచి వచ్చిన అభిమానితో విజయ్ మాట్లాడారు. ఆ మొదటి సమావేశంలోనే ఇద్దరికీ ఒకరిపై ఒకరికి ఇష్టం ఏర్పడింది. ఆ తర్వాత ఇద్దరూ ప్రేమలో పడ్డారు.
35
విజయ్, సంగీత ప్రేమ నుంచి పెళ్లి వరకు
వీరి ప్రేమ విషయం ఇంట్లో తెలియడంతో, ఇరు కుటుంబాలు మాట్లాడుకుని 1999లో పెళ్లి జరిపించారు. వీరి వివాహం క్రైస్తవ సంప్రదాయం ప్రకారం జరిగింది. ఈ పెళ్లికి బంధువులు, స్నేహితులు, సినీ ప్రముఖులతో పాటు విజయ్ అభిమానులు కూడా హాజరయ్యారు. విజయ్-సంగీత దంపతులకు జాసన్ సంజయ్ అనే కొడుకు, దివ్య సాషా అనే కూతురు ఉన్నారు. జాసన్ సంజయ్ ప్రస్తుతం దర్శకుడిగా పనిచేస్తుండగా, దివ్య లండన్లో చదువుకుంటోంది.
నటుడు విజయ్ సినిమాల ద్వారా కోట్లు సంపాదించి, రూ.600 కోట్లకు పైగా ఆస్తులు కూడబెట్టారు. పెళ్లి సమయంలో విజయ్ కంటే సంగీతనే ఎక్కువ ఆస్తిపరురాలు. కానీ, ఇటీవలి కాలంలో విజయ్ మార్కెట్ భారీగా పెరిగింది. ఆయన ఒక్కో సినిమాకు రూ.200 కోట్ల పారితోషికం తీసుకునే స్థాయికి ఎదిగారు. ఈ కారణంగానే విజయ్తో పోలిస్తే సంగీత ఆస్తి విలువ కాస్త తక్కువగా ఉంది. ఆమె ఆస్తి విలువ రూ.400 కోట్లకు పైగా ఉంటుందని సమాచారం.
55
విజయ్కి భార్య రూపంలో ఎదురుదెబ్బ
సంగీత విడాకుల కోసం పిటిషన్ వేయడమే కాకుండా, విజయ్పై తీవ్రమైన ఆరోపణలు చేశారు. మరో నటితో ఉన్న అక్రమ సంబంధాన్ని ప్రశ్నించినందుకు తనను గృహ నిర్బంధం చేశారని ఆమె ఆరోపించారు. ఈ విడాకుల కేసు విజయ్ రాజకీయ జీవితంపై ప్రభావం చూపుతుందని నెటిజన్లు అంటున్నారు. ముఖ్యంగా, రాబోయే అసెంబ్లీ ఎన్నికల్లో మహిళా ఓటర్లను ఆకట్టుకోవడం విజయ్కు కష్టమవుతుందనే చర్చ మొదలైంది. మరి దీన్ని ఎలా ఫేస్ చేస్తారో చూడాలి.
