హీరోయిన్ ఈషా రెబ్బా ఎలాగైనా హీరోయిన్ గా నిలబడాలనే ప్రయత్నం చేస్తుంది. అందుకే మొహమాటం లేకుండా గ్లామర్ షోకి తెరలేపుతుంది.
ఈషా పరిశ్రమకు వచ్చి పదేళ్లు దాటి పోయింది. అయినా ఆమె కంటూ ఓ ఇమేజ్ రాలేదు. పలు చిత్రాల్లో నటించినా స్టార్ హీరోయిన్ కాలేకపోయింది.
ఈషా రెబ్బాను దర్శకుడు శేఖర్ కమ్ముల వెండితెరకు పరిచయం చేశాడు. 2012లో విడుదలైన లైఫ్ ఈజ్ బ్యూటీఫుల్ ఆమె డెబ్యూ మూవీ. ఇది ఓ మోస్తరు విజయం అందుకుంది.
అనంతరం 'అంతకు ముందు ఆ తర్వాత' టైటిల్ తో రొమాంటిక్ లవ్ ఎంటర్టైనర్ చేసింది. అది పర్లేదు అనిపించుకుంది. ఈ చిత్రం తర్వాత ఆమెకు బ్రేక్ వస్తుందని అనుకున్నారు.
అమీ తుమీ, అ... వంటి చిత్రాలు ఈషా రెబ్బాకు కొంత గుర్తింపు తెచ్చాయి. ఆమెకు స్టార్స్ పక్కన ఆఫర్స్ రాలేదు. అరవింద సమేత వీర రాఘవ మూవీలో ఎలాంటి ప్రాధాన్యత లేని పాత్ర చేసింది.
మరో సూపర్ హిట్ మూవీ మోస్ట్ ఎలిజిబుల్ బ్యాచ్ లర్ లో కూడా ఆమె నటించారు. ఈషా రెబ్బాది జస్ట్ గెస్ట్ రోల్ వలె ఉంటుంది.
గత ఏడాది దయ టైటిల్ తో ఒక వెబ్ సిరీస్ చేసింది. జేడీ చక్రవర్తి నటించిన ఆ సిరీస్ పాజిటివ్ టాక్ తెచ్చుకుంది.
తెలుగులో ఆమెకు పెద్దగా ఆఫర్స్ రావడం లేదు. దాంతో ఇతర పరిశ్రమల వైపు అడుగులు వేస్తుంది. తమిళ్, మలయాళ చిత్రాల్లో ఆఫర్స్ కొరకు ప్రయత్నం చేస్తుంది.
టాలీవుడ్ గురించి ఇతర పరిశ్రమల్లో గొప్పగా మాట్లాడుకుంటారు. కానీ మన దర్శక నిర్మాతలు తెలుగు అమ్మాయిలకు ఆఫర్స్ ఇవ్వరంటూ ఓ సందర్భంలో ఈషా రెబ్బా వేదన చెందింది..