లింగ వివక్ష, అగౌరవం, సందీప్‌ రెడ్డి వంగాపై దీపికా పదుకొణె సంచలన పోస్ట్.. తమన్నా మద్దతు

`స్పిరిట్` సినిమా నుండి దీపికా పదుకొణే తప్పుకుంది. ఆమె స్థానంలో త్రిప్తి డిమ్రీని తీసుకున్నారు.  ఈ సందర్భంగా  దీపికాకి తమన్నా సపోర్ట్ చేసింది.

మహిళలపై వివక్ష.. దీపికా పదుకొనె పోస్ట్

`స్పిరిట్` సినిమా నుండి దీపికా పదుకొణే తప్పుకున్నారు. ఈ నేపథ్యంలో ఆమె సోషల్ మీడియాలో మహిళలపై వివక్ష గురించి వీడియో షేర్ చేశారు.

దీపికా పదుకొణేకి తమన్నా సపోర్ట్

దీపిక పోస్ట్ చేసిన వీడియోను తమన్నా భాటియా లైక్ చేసి మద్దతు తెలిపారు. ఈ వీడియో 2020లో 'ఛపాక్' సినిమా ప్రెస్ మీట్ ది కావడం విశేషం.

లింగ వివక్ష, పారితోషికంలో తేడాలు

దీపిక ఈ వీడియో షేర్ చేస్తూ  'అగౌరవం, పురుషులు, లింగ వివక్ష, పారితోషికంలో తేడాలు, ఓవర్ టైం వర్క్, ప్రొఫెషనల్ కాని ప్రవర్తన, మహిళలపై ద్వేషం, డబుల్ స్టాండర్డ్స్' అంటూ రాసుకొచ్చారు. ఈ వీడియోను తమన్నా లైక్ చేసి మద్దతు తెలపడంతో ఇది మరింత చర్చనీయాంశంగా మారింది.

`స్పిరిట్‌`కి దీపికా నో చెప్పడానికి కారణం

`స్పిరిట్` సినిమా కోసం రోజుకు ఆరు గంటల కంటే ఎక్కువ షూటింగ్ చేయనని దీపిక స్పష్టం చేసిందట. ఈ విషయంలోనే దర్శకుడు సందీప్‌రెడ్డి వంగాకి మండిందని, అందుకే దీపికాని తప్పించినట్టు సమాచారం. 

దీపికా పదుకొనె కండీషన్స్

షూటింగ్ 100 రోజులకు మించితే, అదనపు రోజులకు అదనపు పారితోషికం ఇవ్వాలని  దీపిక డిమాండ్ చేసినట్లు తెలుస్తోంది. ఈ షరతులు సందీప్ రెడ్డి వంగాకు ఇబ్బంది కలిగించాయని తెలుస్తుంది.

ప్రభాస్‌కి జోడీగా త్రిప్తి డిమ్రీ

 `స్పిరిట్` సినిమాలో దీపిక స్థానంలో  త్రిప్తి డిమ్రీని ఎంచుకున్నారు దర్శకుడు. వీళ్లిద్దరూ ఇంతకు ముందు 'అనిమల్' సినిమాలో కలిసి పనిచేశారు. దీంతో ఈ మూవీపై స్పెషల్‌ బజ్‌స్టార్ట్ అయ్యింది.