సుడిగాలి సుధీర్.. `జబర్దస్త్` షో మానేసి సినిమాలతో బిజీగా ఉన్నారు. వరుసగా హీరోగా సినిమాలు చేస్తున్నారు. ఆ మధ్య `గాలోడు` చిత్రంతో అదరగొట్టాడు. ఇప్పుడు `కాలింగ్ సహస్త్ర` చిత్రంతో రాబోతున్నారు. ఈ చిత్ర ప్రమోషన్స్ లో భాగంగా పలు ఇంటర్వ్యూలు ఇస్తున్నారు. షోస్లో పాల్గొంటున్నారు.
అందులో భాగంగా సుడిగాలి సుధీర్.. యాంకర్ సుమ హోస్ట్ గా చేస్తున్న `సుమ అడ్డా` షోలో పాల్గొన్నారు. ఇందులో తన `కాలింగ్ సహస్త్ర` చిత్ర బృందంతో కలిసి వచ్చారు. దర్శకుడు, హీరోయిన్, కమెడియన్ వచ్చారు. ఈ షోలో కూడా సుడిగాలి సుధీర్ తనదైన ప్రత్యేకమైన డైలాగులు,పంచ్లు, డబుల్ మీనింగ్ డైలాగ్లతో ఆకట్టుకున్నారు.
అయితే హీరోగా మూడు సినిమాలు చేసినా, మరికొన్ని సినిమాలతో బిజీగా ఉన్నా, జబర్దస్త్ షోని వదిలేసినా ఆయనపై ఉన్న ఇమేజ్ మాత్రం తగ్గలేదని, ఇప్పటికీ తనని అలానే చూస్తున్నారని నిరూపించుకున్నాడు. అంతేకాదు తను కూడా అలానే యాక్ట్ చేయడం విశేషం. ఇందులో తన మార్క్ ప్లే బాయ్ గేమ్లు ఆడటం ఆశ్చర్యపరించింది. అంతేకాదు పాత సుధీర్ని బయటకు తీసుకొచ్చారు.
సుధీర్ షోకి ఎంట్రీ ఇవ్వగానే `ఏయ్.. ` అనే కామెంట్లు వినిపించాయి. దీనికి సుధీర్ రియాక్ట్ అయిన తీరు ఆకట్టుకుంది. షో అయిపోయాక `ఏయ్` అంటూ ఆయన కూడా కామెంట్ చేయడం నవ్వులు పూయించింది. ఇంతలో సుమ పులిహోర తీసుకొచ్చింది. మీకు ఏ పులిహోర కావాలి బాబూ అంటే మనకు ఏ పులిహోర అయినా ఓకే, అన్నీ తినేయడమే అని చెప్పడంతో వచ్చిన బ్యాక్ గ్రౌండ్ సౌండ్లు క్రేజీగా ఉన్నాయి.
ఆ తర్వాత ఫోన్ చేస్తే ఎత్తడం లేదట అని సుమ అడగ్గా, నేను చేసిన ఎత్తడం లేదని హీరోయిన్ చెప్పింది. అదేంటి ఎవరు చేసినా ఎత్తుతవ్ కదా అని చెప్పగా నవ్వులు పూయించింది. ఇక పులిహోర అనగానే మనకు గుర్తొచ్చేది ఏది అని సుమ అడగ్గా.. అందరూ ఆ ప్రశ్నని పక్కన పెట్టి సుడిగాలి సుధీర్ పేరు చెప్పడం షాకిచ్చింది. దీనికి సుమ రైట్ ఆన్సర్ అనడం సుధీర్కి మైండ్ బ్లాక్ అయ్యింది.
ఆ తర్వాత చిరంజీవి స్టయిల్లో పోకిరి డైలాగ్ చెప్పి అలరించాడు సుధీర్. ఆ తర్వాత టీమ్తో కలిసి `బావలు సయ్యా.. మరదలు సయ్యా.. `అనే పాటకు డాన్సు చేశాడు సుధీర్. ఈ పాట తనకు చాలా ఇష్టమని ఆయన చెప్పారు. అంతేకాదు ఆ తర్వాత ఆ పాటని స్వయంగా పాడి రచ్చ చేశాడు. ఆ తర్వాత హీరోయిన్తో కాసేపు డబుల్ మీనింగ్ డైలాగ్లతో ఆకట్టుకున్నాడు. నవ్వులు పూయించాడు.
అయితే ఇంత వరకు బాగానే ఉంది. కానీ సుడిగాలి సుధీర్ `జబర్దస్త్` షో మానే ఏడాదిపైనే అవుతుంది. హీరోగా బిజీగా ఉన్నాడు. కానీ ఇప్పటికీ తన ఓల్డ్ స్టయిల్ డబుల్ మీనింగ్ డైలాగ్లతో, ప్లేబాయ్ గేమ్ ఆడుతూ, పులిహోర కలుపుతూ, ప్లేబాయ్లా మారిపోయి రచ్చ చేస్తూ నవ్వులు పూయించాడు. తనలోని పాత సుధీర్ని బయటకు తెచ్చి అలరించాడు. అభిమానులను ఆకట్టుకున్నారు.