ప్రభాస్ పేరు ఇప్పుడు ఇండియా మొత్తం వినిపిస్తుంది. `కల్కి 2898 ఏడీ` సినిమాతో ఆయన ఇండియన్ బాక్సాఫీసుని షేక్ చేస్తున్నారు. ఇప్పటికే వెయ్యి కోట్లు దాటింది. విదేశాల్లోనూ ఈ సినిమా దుమ్మురేపుతుంది. నార్త్ అమెరికాలో సరికొత్త రికార్డు క్రియేట్ చేస్తుంది. నాన్ `బాహుబలి 2` రికార్డులను బ్రేక్ చేసింది. మరి `బాహుబలి 2`ని టచ్ చేస్తుందా అనేది చూడాలి. ప్రస్తుతం పెద్దగా సినిమాలు లేకపోవడంతో ఇది మరిన్ని కలెక్షన్లని రాబట్టే అవకాశం ఉంది.
ప్రభాస్ ఇప్పటి వరకు యాక్షన్ మూవీస్, సెంటిమెంట్ మూవీస్, లవ్ స్టోరీస్ కూడా చేశాడు. వీటితోపాటు పౌరాణిక చిత్రాల్లో నటించారు. `కల్కి`తో సైన్స్ ఫిక్షన్ కల కూడా నెరవేరింది. రామాయణం ఆధారంగా `ఆదిపురుష్` చేశాడు. కానీ ఆయన్నుంచి పూర్తి స్థాయిలో భక్తిరస చిత్రం రాలేదు. ఓ స్టార్ డైరెక్టర్ ప్రభాస్ తో అలాంటి భక్తిరస సినిమా చేయాలని ప్లాన్ చేశాడు. అందుకు డార్లింగ్ కూడా గ్రీన్ సిగ్నల్ ఇవ్వడం విశేషం.
మరి ఆ కథేంటో చూస్తే.. రాఘవేంద్రరావు జర్నీని, ఆయన సినిమాల జర్నీని చర్చించే కాన్సెప్ట్ తో `సౌందర్యలహరి` అనే ప్రోగ్రామ్ చేశారు. ఇందులో ఒక్కో సినిమా గురించి చర్చిస్తారు. అందులో ఆ పాటల గురించి ప్రత్యేకంగా చర్చ జరుగుతుంది. అలాగే సీన్లు ఎలా తీయాల్సి వచ్చింది, అందులో ప్రత్యేకత ఏంటో చెబుతుంటారు. గెస్ట్ లు కూడా పాల్గొని తమ అభిప్రాయాలు పంచుకుంటారు. ఇదంతా దర్శకేంద్రుడు రాఘవేంద్రరావు దర్శకుడిగా ఆయన గొప్పతనాన్ని వర్ణించే ప్రక్రియ.
అప్పట్లో బాగానే రన్ అయ్యింది. ఫ్యాన్స్ కి క్యూరియాసిటీ కలిగించింది. ఇందులో ఓ సారి రాజమౌళి, ప్రభాస్ పాల్గొన్నారు. ఈ క్రమంలో రాఘవేంద్రరావు గొప్పతనం చెప్పాడు ప్రభాస్. ఎన్టీఆర్తో `అడవి రాముడు`, చిరంజీవితో `ఘారానా మొగుడు`, పెదనాన్న కృష్ణంరాజుతో `బొబ్బలి బ్రహ్మన్న` చిత్రాలు చేశారని, అన్నీ కెరీర్ బెస్ట్ మూవీస్ ఇచ్చారని తెలిపారు ప్రభాస్.
ఈ క్రమంలో రాఘవేంద్రరావు మాట్లాడుతూ, తనకు ప్రభాస్తో సినిమా చేయాల్సి వస్తే పూర్తి స్థాయి భక్తిరస సినిమా చేయాలని ఉందన్నాడు రాఘవేంద్రరావు. దీనికి ప్రభాస్ స్పందిస్తూ, ఏమో సర్ అది ఎలా ఉంటుందో తెలియదు, చాలా కొత్తగా ఉంటుంది. కానీ మీరు చేస్తానంటే మరో మాట లేదు. నోరు మూసుకుని చేయాల్సిందే అన్నారు ప్రభాస్. అలా డార్లింగ్తో రాఘవేంద్రరావు ఓ భక్తిరస చిత్రం చేయాలని భావించారు. ప్రభాస్ కూడా గ్రీన్ సిగ్నల్ ఇచ్చారు. కానీ అది వర్కౌట్ కాలేదు. కార్యరూపం దాల్చలేదు. ఒకవేళ చేసి ఉంటే అది ఎలా ఉండేదో ఊహించుకుంటేనే విచిత్రంగా అనిపిస్తుంది. ఎందుకంటే ప్రభాస్ అంటే మాస్ హీరో. ఆయన్ని తీసుకుని దేవుళ్ల చుట్టూ తిప్పితే జనం చూస్తారా? అనేది డౌట్. గతేడాది వచ్చిన `ఆదిపురుష్`నే ఎవరూ పట్టించుకోలేదు. అలాంటిది పూర్తి దేవుడితో కూడిన సినిమా అంటే కష్టమనే చెప్పాలి.
ఇక ప్రభాస్ ప్రస్తుతం ఐదు సినిమాలతో బిజీగా ఉన్నారు. ఆయన ప్రస్తుతం `ది రాజాసాబ్`పై ఫోకస్ పెట్టాడు. దీన్ని త్వరగా పూర్తి చేసే పనిలో ఉన్నారు. అనంతరం హను రాఘవపూడి సినిమా స్టార్ట్ కానుందట. ఈ ఏడాది చివర్లో సందీప్ రెడ్డి వంగా ఫిల్మ్ `స్పిరిట్` ఉండబోతుంది. అలాగే `సలార్ 2` సినిమా చేయాల్సి ఉంది. మరోవైపు `కల్కి 2` కూడా ఉంది. ఇలా ఐదు సినిమాల లైనప్తో మరో మూడునాలుగేళ్లు బిజీగా ఉండబోతున్నారు ప్రభాస్.