స్టార్ యాంకర్ ప్రదీప్ ఎవర్ గ్రీన్ హాట్ టాపిక్. పలుమార్లు ఆయన వివాహం చేసుకుంటున్నారంటూ కథనాలు వెలువడ్డాయి. తాజాగా ప్రదీప్ స్వయంగా ఓ కామెంట్ చేశారు.
ప్రదీప్ మాచిరాజు వయసు 39 సంవత్సరాలు. అంటే పెళ్ళికి ఏజ్ బార్ అయినట్లే లెక్క. పదేళ్ల క్రితమే స్టార్ యాంకర్ గా ప్రదీప్ నిలదొక్కుకున్నాడు. లేడీ యాంకర్స్ లో సుమ, మేల్ యాంకర్స్ లో ప్రదీప్ అన్నంతగా బుల్లితెరను ఏలాగు. సుధీర్, హైపర్ ఆది వెలుగులోకి వచ్చే వరకు బుల్లితెరపై ఆధిపత్యం ప్రదీప్ దే.
లక్షల సంపాదన, మంచి కెరీర్... పెళ్లి చేసుకోవడానికి ఇంత కంటే ఏం కావాలి. ఎగిరి గంతేసి పిల్లనిచ్చే వాళ్ళు వేలల్లో ఉంటారు. కాదు లవ్ మ్యారేజ్ చేసుకుందాం అనుకుంటున్నాడని అనుకుందామా... ప్రదీప్ ఇష్టపడితే ఏ అమ్మాయి అయినా కాదని చెప్పే అవకాశాలు తక్కువే. అన్ని అర్హతలు ఉండి కూడా ప్రదీప్(Anchor Pradeep) వివాహం చేసుకోవడం లేదు.
ఇటీవల ఫ్యాషన్ డిజైనర్ నవ్య మారోతు అనే అమ్మాయితో పెళ్లి నిశ్చయమైందంటూ ప్రముఖంగా వినిపించింది. అమ్మాయి వివరాలు, ఆధారాలు చూపుతూ పెళ్లి కథనాలు వచ్చిన నేపథ్యంలో నిజమే అని అభిమానులు భావించారు. ఎట్టకేలకు తమ అభిమాన యాంకర్ ఓ ఇంటివాడు కాబోతున్నాడని సంతోషపడ్డారు.
అయితే అభిమానుల సంతోషం ఎంతో సేపు నిలవలేదు. నవ్య మారోతుతో నా పెళ్లి వార్త పుకారు మాత్రమే. ఆమెను నేను కలిసింది కూడా లేదు. ప్రొఫెషన్ లో భాగంగా మా టీమ్ సభ్యులు నవ్యతో మాట్లాడిన సందర్భాలు మాత్రమే ఉన్నాయన్నారు . దీంతో మరోసారి ఆయన మ్యారేజ్ న్యూస్ గాలి వార్తల్లో కలిసిపోయింది.
తాజాగా ప్రదీప్ తన వివాహంపై స్పందించారు. తాను వ్యాఖ్యాతగా ఉన్న లేడీస్ అండ్ జెంటిల్ మెన్ షోకి గెస్ట్ గా మ్యూజిక్ డైరెక్టర్ రఘు కుంచె వచ్చారు. కొద్దిరోజులుగా ప్రదీప్ మాచిరాజు పెళ్లి, అమ్మాయి ఎవరో తెలిస్తే షాక్ అవుతారు? అనే వార్తలు చూస్తున్నాను, మేటర్ ఏంటని అడిగారు. సమాధానంగా ప్రదీప్... ఆ అమ్మాయి ఎవరో తెలిస్తే నేను కూడా షాక్ అవుతానని టైమింగ్ జోక్ వేశాడు.
ప్రదీప్ సమాధానం ద్వారా ఆయనకు ఇప్పట్లో పెళ్లి చేసుకునే ఆలోచన లేదని క్లారిటీ వచ్చేసింది. కాగా ప్రదీప్ నటుడిగా కూడా పలు చిత్రాల్లో నటించారు. 30 రోజుల్లో ప్రేమించడం ఎలా? మూవీతో హీరో అవతారం ఎత్తాడు. ఆ చిత్రం పర్లేదు అనిపించుకుంది. తర్వాత మరో చిత్రం చేయలేదు.