యంగ్ బ్యూటీ శ్రీలీల టాలీవుడ్ లోకి ఒక తుఫాన్ లా వచ్చింది. పెళ్లి సందD చిత్రంతో శ్రీలీల హీరోయిన్ గా పరిచయం అయింది. ఆ తర్వాత ధమాకా చిత్రంలో శ్రీలీల చేసిన రచ్చ అంతా ఇంతా కాదు.
యంగ్ బ్యూటీ శ్రీలీల టాలీవుడ్ లోకి ఒక తుఫాన్ లా వచ్చింది. పెళ్లి సందD చిత్రంతో శ్రీలీల హీరోయిన్ గా పరిచయం అయింది. ఆ తర్వాత ధమాకా చిత్రంలో శ్రీలీల చేసిన రచ్చ అంతా ఇంతా కాదు. శ్రీలీల డ్యాన్స్ కి, ఆమె గ్లామర్, క్యూట్ నెస్ కి యువత ఫిదా అయ్యారు.
ఒక్కసారిగా శ్రీలీల టాలీవుడ్ లో స్టార్ హీరోయిన్ అయిపోయింది. ఆ తర్వాత శ్రీలీల ఎన్ని చిత్రాల్లో నటించినా ఆమెకి హిట్ దక్కలేదు. భగవంత్ కేసరి చిత్రంలో బాలయ్యకి కూతురిలా నటించింది. ధమాకా తర్వాత శ్రీలీల హీరోయిన్ గా నటించిన చిత్రాలు ఆశించిన ఫలితాన్ని ఇవ్వలేదు.
దీనితో శ్రీలీల ప్రస్తుతం చిన్న బ్రేక్ తీసుకుంటోంది. తాను ఎంచుకునే చిత్రాల విషయంలో జాగ్రత్తగా ఉండాలని,ప్రతి కథని ఓకె చేసేయ కూడదని భావిస్తోంది. అయితే తాజాగా శ్రీలీల ఒక క్రేజీ ఆఫర్ ని రిజెక్ట్ చేసి అందరికి షాక్ ఇచ్చింది. మెగాస్టార్ చిరంజీవి ప్రస్తుతం విశ్వంభర చిత్రంలో నటిస్తున్నారు. భారీ బడ్జెట్ లో, వశిష్ట్ దర్శకత్వంలో ఈ చిత్రం తెరకెక్కుతోంది.
ఫాంటసీ డ్రామాగా వశిష్ట్ ఈ చిత్రాన్ని తెరకెక్కిస్తున్నారు. ఈ మూవీలో త్రిష హీరోయిన్ గా నటిస్తోంది. ఆషిక రంగనాథ్, మరి కొంతమంది హీరోయిన్లు కీలక పాత్రల్లో నటిస్తున్నారు. ఈ చిత్రంలో ఒక ఐటెం సాంగ్ ఉందట. దీనితో దర్శక నిర్మాతలు శ్రీలీలని సంప్రదించారు.
భారీ రెమ్యునరేషన్ ఆఫర్ చేసినప్పటికీ శ్రీలీల దీనిని రిజెక్ట్ చేసినట్లు తెలుస్తోంది. చిరంజీవి చిత్రంలో స్పెషల్ సాంగ్ ని శ్రీలీల రిజెక్ట్ చేసినట్లు వస్తున్న వార్తలు ఇప్పుడు సోషల్ మీడియాలో సంచలనం సృష్టిస్తున్నాయి. అదేంటి శ్రీలీల అంత పెద్ద షాకిచ్చింది అంటూ అంతా ఆశ్చర్యపోతున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి