ఈ చిత్రంలో శ్రీవిష్ణు, రాహుల్, ప్రియదర్శి ముగ్గురూ ప్రధాన పాత్రల్లో నటించారు. కాబట్టి ముగ్గురి డేట్స్ అడ్జెస్ట్ చేసుకుని షూటింగ్ చేయడం చాలా కష్టం అయిపోయింది.
క్యారెక్టర్ ఆర్టిస్ట్ గా ఇండస్ట్రీలోకి ఎంట్రీ ఇచ్చిన శ్రీవిష్ణు ప్రస్తుతం హీరోగా రాణిస్తున్నాడు. శ్రీవిష్ణు ఖాతాలో కొన్ని హిట్స్ కూడా పడ్డాయి. దీనితో శ్రీవిష్ణు కామెడీ టచ్ ఉన్న లవ్ స్టోరీలు, ఫన్నీ రాబరీ కథలు, అలాగే కథా బలం ఉన్న ఎమోషనల్ చిత్రాలు కూడా చేస్తున్నాడు. గత ఏడాది శ్రీవిష్ణు 'సామజవరగమన' చిత్రంతో సూపర్ హిట్ కొట్టాడు.
సామజవరగమన హిట్ తర్వాత శ్రీవిష్ణు తన కథల ఎంపిక విషయంలో చాలా జాగ్రత్తగా ఉంటున్నాడు. వైవిధ్యం ఉన్న కథలతో పాటు తనకు బలం ఉన్న రొమాంటిక్ కామెడీ చిత్రాలపై ఎక్కువ ఫోకస్ చేస్తున్నట్లు తెలుస్తోంది. శ్రీవిష్ణు నటించిన లేటెస్ట్ మూవీ ఓం భీమ్ బుష్.. శుక్రవారం రోజు ప్రేక్షకుల ముందుకు రానుంది. కామెడీ ఎంటర్టైనర్ కావడం.. ఆల్రెడీ ట్రైలర్ వైరల్ కావడంతో సినిమాపై పాజిటివ్ బజ్ ఉంది.
వచ్చే పార్లమెంట్‌ ఎన్నికల్లో ఏ పార్టీ గెలుస్తుందని భావిస్తున్నారు. మీ అభిప్రాయం తెలపండి?
సైంటిస్ట్ లు కావాలని కలలు కనే ముగ్గురు విద్యార్థులు భైరవ పురం అనే గ్రామానికి వెళ్ళినప్పుడు అక్కడ ఏం జరిగింది అనే కథాంశంతో ఈ చిత్రాన్ని తెరకెక్కించారు. శ్రీహర్ష దర్శకత్వంలో ఈ చిత్రం రూపొందుతోంది. తాజాగా ఇంటర్వ్యూలో శ్రీ విష్ణు మాట్లాడుతూ ఈ చిత్ర షూటింగ్ సమయంలో ఎదురైనా సవాళ్ళని వివరించాడు.
ఈ చిత్రంలో శ్రీవిష్ణు, రాహుల్, ప్రియదర్శి ముగ్గురూ ప్రధాన పాత్రల్లో నటించారు. కాబట్టి ముగ్గురి డేట్స్ అడ్జెస్ట్ చేసుకుని షూటింగ్ చేయడం చాలా కష్టం అయిపోయింది. ఎందుకంటే ముగ్గురం బిజీగా ఉన్నాం. నేను ఉంటే దర్శి ఉండడు.. దర్శి ఉంటే రాహుల్ ఉండడు.. మేము ముగ్గురం ఉంటే హీరోయిన్ ఉండదు.
హీరోయిన్ విషయంలో చాలా సమస్య అయినట్లు శ్రీ విష్ణు తెలిపాడు. ఈ చిత్రంలో హీరోయిన్ గా అయేషా ఖాన్ నటించింది.మా చిత్రానికి డేట్స్ ఇచ్చాక తనకి బిగ్ బాస్ ఆఫర్ వచ్చిందని వెళ్ళిపోయింది. మాకు ఒక్క మాట కూడా చెప్పలేదు. ఫోన్ చేస్తే ఫోన్ కలవలేదు. ఆ తర్వాత తెలిసింది.. ఆమె బిగ్ బాస్ కి వెళ్ళింది అని. దీనితో షూటింగ్ చాలా ఆలస్యం అయినట్లు శ్రీవిష్ణు తెలిపాడు. అయేషా ఖాన్ బిగ్ బాస్ 17 హిందీలో పాల్గొంది.
ఆమె మాత్రమే కాదు చాలా మంది నటులు మా చిత్రానికి వర్క్ చేస్తూ మధ్యలో బిగ్ బాస్ కి వెళ్లిపోయారని శ్రీవిష్ణు తెలిపారు. వాళ్లందరికీ ఇప్పుడు మంచి గుర్తింపు వచ్చిందని తెలిపారు. తమ సినిమాకి పనిచేస్తూ తెలుగు బిగ్ బాస్ కి వెళ్లిపోయిన వాళ్ళు కూడా ఉన్నారా అనే చర్చ జరుగుతోంది.