Mr.Pregnant : సోహెల్ ‘మిస్టర్ ప్రెగ్నెంట్’ మూవీ ఫస్ట్ టాక్.. ఎలా ఉందంటున్నారంటే?

బిగ్ బాస్ సోహెల్ నటిస్తున్న లేటెస్ట్ ఫిల్మ్ ‘మిస్టర్ ప్రెగ్నెంట్’. రేపు ఈ చిత్రం గ్రాండ్ గా విడుదల కానుంది. ఇప్పటికే ఆసక్తి క్రియేట్ చేసిన ఈ చిత్రం ఫస్ట్ రివ్యూ వచ్చేసింది. ఆడియెన్స్ నుంచి రెస్పాన్స్ ఎలా ఉందంటే....  

తెలుగు ‘బిగ్ బాస్’ సీజన్ 4తో సయ్యద్ సోహైల్ రియాన్ టీవీ ఆడియెన్స్ లో మంచి గుర్తింపు తెచ్చుకున్నారు. ఆ క్రేజ్ తోనే ప్రస్తుతం వరుసగా సినిమాలు చేస్తూ వెండితెరపై అలరిస్తున్నారు. ఈ క్రమంలో సోహెల్ హీరోగా వస్తున్న లేటెస్ట్  ఫిల్మ్ Mr.Pregnant. రేపే విడుదల కాబోతోంది. 

సోహెల్,  రూపా కొడవాయుర్ జంటగా నటిస్తున్న చిత్రమే ‘మిస్టర్ ప్రెగ్నెంట్’. మూవీ అన్ని కార్యక్రమాలు పూర్తి చేసుకుని రేపు ఆడియెన్స్ ముందుకు వస్తోంది. మైక్ మూవీస్ బ్యానర్‌లో అప్పి రెడ్డి, రవీందర్ రెడ్డి సజ్జల, వెంకట్ అన్నపరెడ్డి నిర్మించారు. చిత్రాన్ని నూతన దర్శకుడు శ్రీనివాస్ వింజనంపాటి డైరెక్ట్ చేశారు. 

ఒక్కరోజులో సినిమా ప్రేక్షకుల ముందుకు రానుండటంతో ఈరోజు 200 మంది గర్భిణులు, కొందరు పరుషులకు సినిమాను స్పెషల్ గా ప్రదర్శించారు. ఈ సినిమా చూసిన వారు ఎమోషనల్ అవుతున్నారు. తమ రివ్యూలను అందిస్తున్నారు. ఇంతకీ వారేమంటున్నారంటే..

మిస్టర్ ప్రెగ్నెంట్ గా.. సోహెల్ జీవించారని తెలుస్తోంది. ఆయన నటన అద్భుతమని, ఇంత వరకు ఎవరూ చేయలేని సాహసం చేశారని  పొగుడుతున్నారు. ఇలాంటి డిఫరెంట్ కాన్సెప్ట్ ను సినిమాగా చేయడం ఛాలెంజింగ్ అనే అంటున్నారు. ప్రెగ్నెంట్ కష్టాలను చూపించిన తీరుకు ఫిదా అవుతున్నారు. 

మహిళలు గర్భిణులుగా ఉన్న సమయంలో, డెలివరీ తర్వాత ఎదుర్కొనే సమస్యలను చక్కగా వివరించారని, ఎమోషనల్ ఎలిమెంట్స్  ఆకట్టుకుంటున్నాయని తెలిపారు. మొత్తానికి సినిమాకు చాలా వరకు పాజిటివ్ రెస్పాన్స్ రావడం విశేషం. ఇక రేపు థియేటర్ లోనూ ఇదే పరమైన రివ్యూస్ ను అందుకోవాలని పలువురు కోరుకుంటున్నారు. 

ఈ చిత్రాన్ని మొదటి నుంచి యూనిట్ బాగానే ప్రమోట్ చేస్తోంది. అక్కినేని నాగార్జున చిత్ర ట్రైలర్ ను విడుదల చేయడం, పలువురు సెలబ్రెటీలు సినిమాను ప్రమోట్ చేయడం మరింతగా హైప్ ను ఇచ్చింది. మరోవైపు ప్రమోషనల్ మెటీరియల్ కూడా సినిమాపై ఆసక్తిని పెంచేసింది. దీంతో సినీ ప్రియులు మూవీని థియేటర్లలో చూసేందుకు సిద్ధమవుతున్నారు.