`సింగిల్‌`, `శుభం` మూడు రోజుల కలెక్షన్లు.. శ్రీవిష్ణు, సమంత ఇద్దరిలో ఎవరు టాప్‌?

గత శుక్రవారం విడుదలైన తెలుగు చిత్రాలు శ్రీవిష్ణు `సింగిల్‌`, సమంత నిర్మించిన `శుభం`మూవీ ఫస్ట్ వీకెండ్‌ పూర్తి చేసుకున్నాయి. మరి మూడు రోజుల్లో ఎంత కలెక్ట్ చేశాయనేది చూస్తే.   

single, sree vishnu, shubham movie

ఈ సమ్మర్‌ పెద్ద సినిమాలు లేకుండానే పూర్తవబోతుంది. కానీ ఇది చిన్న చిత్రాలకు మంచి అవకాశం. చాలా వరకు చిన్న చిన్న సినిమాలే థియేటర్లలో సందడి చేస్తున్నాయి. బాగున్న చిత్రాలు మంచి ఆదరణ పొందుతున్నాయి. కానీ ఈ సీజన్‌ని చాలా సినిమాలు మిస్‌ చేసుకుంటున్నాయని చెప్పడంలో అతిశయోక్తి లేదు.

ఈ గత శుక్రవారం రెండు ప్రముఖ చిత్రాలు ఆడియెన్స్ ముందుకు వచ్చాయి. శ్రీవిష్ణు హీరోగా నటించిన `సింగిల్‌` మూవీ, సమంత నిర్మాతగా మారి నిర్మించిన `శుభం` మూవీ థియేటర్లలో సందడి చేస్తున్నాయి. ఈ మూవీస్‌ మూడు రోజుల్లో ఎంత కలెక్ట్ చేశాయనేది తెలుసుకుందాం. 

single movie

కామెడీ చిత్రాలతో అలరిస్తున్న శ్రీవిష్ణు ఇప్పుడు `సింగిల్‌` చిత్రంతో సందడి చేస్తున్నారు. కేతిక శర్మ, ఇవానా హీరోయిన్లుగా నటించిన ఈ చిత్రంలో వెన్నెల కిశోర్‌ కమెడియన్‌గా అలరించారు. కార్తీక్‌ రాజు దర్శకత్వం వహించిన ఈ మూవీ కామెడీ ఎంటర్‌టైనర్‌గా రూపొంది మొదటి రోజు నుంచే మంచి ఆదరణ పొందుతుంది. ఈ క్రమంలో కలెక్షన్ల పరంగానూ ఇది సత్తా చాటుతుంది. 

single movie

`సింగిల్‌` మూవీ మూడు రోజుల్లో మంచి వసూళ్లని రాబట్టింది. సుమారు ఇది రూ. 16కోట్లు వసూలు చేసింది. అంటే దాదాపు ఎనిమిది కోట్ల షేర్‌ సాధించింది. బిజినెస్‌ పరంగా చూస్తే ఈ మూవీ ఆల్మోస్ట్ సేఫ్‌లోకి వెళ్లినట్టు తెలుస్తుంది. సోమవారం నుంచి దక్కే ఆదరణ బట్టి ఈమూవీ సక్సెస్‌ రేంజ్‌ ఆధారపడి ఉంటుంది. మరి ఎంత వరకు వెళ్తుందో చూడాలి. 

shubham movie

ఇదిలా ఉంటే సమంత నిర్మాతగా మారి `శుభం` చిత్రాన్ని నిర్మించిన విషయం తెలిసిందే. ప్రవీణ్‌ కంద్రేగుల దర్శకత్వం వహించారు. ఇందులో హర్షిత్‌ రెడ్డి, గవిరెడ్డి శ్రీనివాస్‌,చణ్‌ పెరి, శ్రియా కొంతం, శ్రావణి లక్ష్మి, శాలిని కొండేపూడి, వంశీ ధర్‌గౌడ్‌ ప్రధాన పాత్రలు పోషించారు. సీరియల్‌ ప్రధానంగా సాగే ఈ ఫ్యామిలీ ఎంటరటైనర్‌ చిత్రానికి ఆడియెన్స్ నుంచి మంచి రెస్పాన్స్ వస్తుంది. 

shubham movie

సమంత `శుభం` మూవీ కూడా మంచి వసూళ్లని రాబడుతుంది. మూడు రోజుల్లో ఈ చిత్రం 5.25కోట్లు వసూలు చేసిందట. ఎలాంటి అంచనాలు లేకుండా, చాలా చిన్న మూవీగా, ప్రయోగాత్మకంగా రూపొందిన ఈ చిత్రం ఇంతటి స్థాయిలో వసూళ్లని రాబట్టడం విశేషం. కంటెంట్‌ ఆకట్టుకునేలా ఉండటంతో డీసెంట్‌ రెస్పాన్స్ తో ఆదరణ పొందుతుంది. మండే రోజు నుంచి ఈ మూవీకి ఎలాంటి స్పందన దక్కుతుందో చూడాలి.