Karthika Deepam: మోనితకు షాకిచ్చిన దుర్గ.. తన బాబాయ్ పై అనుమానం పెంచుకుంటున్న సౌర్య!

Karthika Deepam: బుల్లితెరపై ప్రసారమవుతున్న కార్తీకదీపం సీరియల్ మంచి రేటింగ్ తో దూసుకెళ్తుంది. ఒకటే కథతో నిత్యం ట్విస్ట్ ల మీద ట్విస్టులతో ప్రసారమవుతున్న ఈ సీరియల్ ప్రేక్షకులను బాగా ఆకట్టుకుంటుంది. ఇక ఈరోజు నవంబర్ 10 ఎపిసోడ్ లో ఏం జరిగిందో తెలుసుకుందాం.

ఈరోజు ఎపిసోడ్ ప్రారంభంలో కార్తీక్ దీప ఇంటికి వెళ్ళగా అక్కడ దీప కనిపించకపోయేసరికి కంగారుపడతాడు. సౌర్యను వెతకడానికి ఒక్కతే వెళ్లిందా అని అనుకుంటాడు. లేదా దీప అడ్డు తొలగించడం కోసం మౌనిత ఏమైనా చేసిందా అని కంగారు పడతాడు. మరోవైపు దీప దేవుని గుడి శుభ్రం చేస్తూ ఉంటుంది.

అప్పుడే దీప దగ్గరికి పంతులు వచ్చి ప్రతిరోజు నువ్వు ఇలా చేస్తే నీకు అంతా మంచి జరుగుతుంది అని దీవిస్తాడు. అంతేకాకుండా ఇది కార్తీక మాసం అని.. ఈరోజు కార్తీక పౌర్ణమని ఈరోజు 365 వత్తులు వెలిగిస్తే మంచిదని చెబుతాడు. ఇంకా అప్పుడే అక్కడికి మోనిత దీప ని చూసి ఇదేంటి ఇలా శుభ్రం చేస్తుంది అడుక్కునే దానిలా అని అనుకుంటుంది.

అయిన అంత కష్టం ఏమి వచ్చింది అని అనుకుంటుంది. కార్తీక్ తనతో బాగానే ఉంటున్నాడు కదా అనుకుంటుంది. ఆ తర్వాత మోనిత పంతులు దగ్గరికి వెళ్లి ఆవిడ గుడి దగ్గర శుభ్రం చేస్తుంది కదా ఆవిడకి ఏం కష్టమని అంటుంది. వెంటనే పంతులు ఏం నువ్వు తీరుస్తావా అంటూ కాస్త వెటకారం చేసి మాట్లాడుతాడు.

ఆ తర్వాత 365 వత్తులు అంటున్నారు ఏంటిది అని అడగడంతో దాని గురించి చెబుతాడు పంతులు. ఇక కార్తీక్ దీపకు ఫోన్ చేయడంతో దీప ఫోన్ లిఫ్ట్ చేయకపోయేసరికి కార్తీక్ భయపడతాడు. అప్పుడే బాబు ఏడుస్తున్నట్లు వినిపించగా కార్తీక్ మోనితని పిలుస్తాడు. ఇక శివ వచ్చి మేడం లేదు అని అనటంతో అప్పుడే అక్కడికి మోనిత వస్తుంది.

ఇక మోనిత వచ్చి సాయంత్రం ఏ ప్రోగ్రాం పెట్టుకోకు.. ఈరోజు కార్తీక పౌర్ణమి అంట అక్కడ దీపాలు వెలిగించాలంట అని అంటుంది. దాంతో కార్తీక్ సరే అని దీపం ఎక్కడైనా చూసావా అనటంతో.. గుడి దగ్గర శుభ్రం చేస్తుంది అని.. ఏం కష్టం వచ్చిందో తెలియదు కానీ అడుక్కునే పరిస్థితుల్లో ఉంది అని నవ్వుకుంటూ చెబుతుంది. దాంతో కార్తీక్ బాధపడతాడు.

ఇక సౌర్య ఈరోజు సంగారెడ్డి కి వెళ్దాం అని తన బాబాయ్తో అంటుంది. దాంతో తన బాబాయ్ సరే అని రేపు పొద్దున్నే ఫస్ట్ బస్సు కెళ్ళి ఆఖరి బస్సు వరకు వచ్చేద్దాము అని అంటాడు. దాంతో ఆటో ఏమైంది అనడంతో.. ఆరోగ్యం బాగాలేదని ఆటో అమ్మేశాను అని అంటాడు. ఇక సౌర్యకి కాస్త అనుమానం వస్తుంది. అమ్మని వెతుకుదాం అంటే ఏవేవో సాకులు చెబుతున్నారు ఏంటి అని కోపంగా అంటుంది.

 ఆ తర్వాత దీప ఇంటికి రాగానే తను చేస్తున్న పని గురించి కార్తీక్ కు చెబుతుంది. ఆ తర్వాత దీప కార్తీక్ ను డబ్బులు అడగటంతో  వెంటనే కార్తీక్ డబ్బులు ఇస్తాడు. అప్పుడే మోనిత డబ్బులు లాక్కొని దీప ని ఇష్టం వచ్చినట్లు అంటుంది. ఇక తన మనసులో ఇప్పుడు కార్తీక్ కొడితే కార్తీక్ గతం గుర్తుకొచ్చినట్లు అనుకుంటుంది. దాంతో కార్తీక్ కొట్టగానే కచ్చితంగా గతం గుర్తుకొచ్చిందని అనుకుంటుంది.

కానీ కార్తీక్ నీ భర్త కోసం నువ్వు ఎలా పూజ చేస్తున్నావో తను కూడా అలా పూజ చేస్తుంది అందుకే 10,000 ఇచ్చాను అని అంటాడు. దాంతో మోనిత షాక్ అవుతుంది. అప్పుడే దుర్గ అక్కడికి వచ్చి తను వేసుకున్న షూ చూయించి మోనిత తో నువ్విచ్చిన పదివేలతో చెప్పులు కొనుక్కున్నాను అని అంటాడు. దాంతో కార్తీక్ షూ కొనివ్వటానికి 10,000 ఇవ్వచ్చు కానీ పూజ కోసం నేను డబ్బులు ఇస్తే తప్పుగా అనిపించిందా అని అంటాడు. ఇక కార్తీక్ మాటలకు తిరిగి దీపకు డబ్బులు ఇస్తుంది మోనిత.