కింగ్ నాగార్జున హోస్ట్ గా వ్యవహరిస్తున్న బిగ్ బాస్ సీజన్ 6లో సెకండ్ వీకెండ్ మొదలైంది. బ్లాక్ జాకెట్ లో నాగార్జున స్టైలిష్ ఎంట్రీ ఇచ్చారు. శుక్రవారం హౌస్ లో ఏం జరిగిందో ఆడియన్స్ తో కలసి చూశారు.
కింగ్ నాగార్జున హోస్ట్ గా వ్యవహరిస్తున్న బిగ్ బాస్ సీజన్ 6లో సెకండ్ వీకెండ్ మొదలైంది. బ్లాక్ జాకెట్ లో నాగార్జున స్టైలిష్ ఎంట్రీ ఇచ్చారు. శుక్రవారం హౌస్ లో ఏం జరిగిందో ఆడియన్స్ తో కలసి చూశారు. తాను ఎలిమినేట్ అవుతానేమో అని అభినయశ్రీ భయపడుతూ ఉంటుంది. శ్రీ సత్య ఆమెకి ధైర్యం చెబుతుంది. ఇక హౌస్ మేట్స్ తో సీరియస్ గా ఇంటరాక్షన్ మొదలు పెట్టారు.
బాలాదిత్య, షాని, సుదీప, వాసంతి, శ్రీసత్య, మెరీనా -రోహిత్, అభినయశ్రీ, కీర్తి, శ్రీహన్ ఇలా 9 మందిని వెనుకాల నిలుచోమని నాగ్ సీరియస్ గా చెబుతారు. ఈవారం ఆట ఏమాత్రం బాగాలేదని అంటారు. తాను ఓడినా పర్వాలేదు.. ఎదుటివాళ్ళు గెలవకూడదు అని అని ఆడిన ఫైమాపై నాగ్ యాంగ్రీ అయ్యారు. చంటి జోకులు బాగా వేస్తున్నాడు కానీ ఇంకా ఆట ఆడడం లేదని అన్నారు. సూర్య బిగ్ బాస్ హౌస్ కి గేమ్ ఆడదానికి వచ్చినట్లు లేదు.. చిల్ కావడానికి వచ్చినట్లు ఉంది అని ఫైర్ అయ్యారు. రేవంత్ జడ్జిమెంట్ చేస్తున్నట్లు కాకుండా తన ఆటపై ఫోకస్ చేయాలని అన్నారు. గీతూ ఆటపై నాగ్ ప్రశంసలు కురిపించారు. తానేంటో ఇంకా చూపిస్తానని గీతూ హామీ ఇచ్చింది.
కెప్టెన్ అయిన రాజ్ ని నాగ్ అభినందించారు. కానీ కెప్టెన్ అయినా విధానం బాగాలేదు అని నాగ్ అన్నారు. అందరిని అడుక్కుని కెప్టెన్ అయ్యావు. నేను ఎలిమినేట్ అవుతానేమో అని అందరిని ఎమోషనల్ గా బ్లాక్ మెయిల్ చేసి కెప్టెన్ అయితే సరిపోదు. గేమ్ పై ఫోకస్ చేయాలి అని అన్నారు. ఇప్పుడు ప్రస్తావించిన వాళ్ళ గురించి మాట్లాడడానికి కొంచెం అయినా ఉంది. కానీ వెనుకాల నిలుచున్న వారి గురించి మాట్లాడడానికి ఏమీ లేదు. మీ బ్యాగ్స్ ప్యాక్ చేసి స్టోర్ రూమ్ లో పెట్టుకోండి. ఎవరైనా వెళ్లిపోవచ్చు అని ఫైర్ అయ్యారు.
ఒక్కొక్కరికి బాగా క్లాస్ పీకారు. వారి ఫోటో ఉన్న కుండలని నాగ్ పగలగొట్టారు. అనంతరం కూర్చున్న 11 మంది నిలుచున్న వారిలో వేస్ట్ ఎవరు గేమ్ పరంగా అని స్టాంప్ వేసి డిసైడ్ చేయాలి. అలా షానికి 3 ఓట్లు.. శ్రీసత్యకి 3, వాసంతికి 3 ఓట్లు వచ్చాయి. వీరిలో ఒకరు ఎలిమినేట్ కాబోతున్నారు అని నాగ్ ఊహించని ట్విస్ట్ ఇచ్చారు. ఈ వారం డబుల్ ఎలిమినేషన్ ఉండబోతోంది. డబుల్ ఎలిమినేషన్ లో భాగంగా ఈ ముగ్గురులో ఒకరు ఎలిమినేట్ అవుతారు.
దీనితో నాగ్ కార్డు తీసుకుని చూపించగా అందులో షాని పేరు ఉంటుంది. దీనితో షాని ఎలిమినేట్ అయినట్లు నాగ్ బిగ్ షాక్ ఇచ్చారు. దీనితో హౌస్ మేట్స్ అంతా సెండ్ ఆఫ్ ఇస్తూ షానిని హౌస్ నుంచి బయటకు పంపారు. మిగిలిన ఇద్దరూ శ్రీసత్య, వాసంతి బతికిపోయారు అనే చెప్పాలి. కొంతమంది ఎమోషనల్ అయ్యారు. అనంతరం నాగార్జున స్వీట్ షాక్ ఇచ్చారు. వేదికపైకి నాగ్ సతీమణి అమల, హీరో శర్వానంద్ ఎంట్రీ ఇచ్చారు. ఒకే ఒక జీవితం మూవీ ప్రమోషన్స్ లో భాగంగా వీరిద్దరూ బిగ్ బాస్ వేదికపైకి వచ్చారు.
ముగ్గురి మధ్య ఒకే ఒక జీవితం గురించి సరదాగా చర్చ జరిగింది. అనంతరం హౌస్ మేట్స్ తో అమల, శర్వానంద్ మాట్లాడారు. రేవంత్.. అమల కోసం ' హలో గురు ప్రేమ కోసమే జీవితం' అంటూ పాట పాడి అలరించారు. ఇక సూర్య.. శర్వానంద్ స్నేహితులు అయిన ప్రభాస్, రాంచరణ్ మిమిక్రితో అలరించారు.
చివరకి షాని వేదికపైకి వచ్చాడు. ప్రేక్షకులని అలరించడానికి ప్రయత్నించాను కానీ అది జరగలేదు. ఇంకొక విధంగా నాకున్న ట్యాలెంట్ తో బయట ఆడియన్స్ ని అలరించడానికి ప్రయత్నిస్తాను. ఏమైనా బిగ్ బాస్ లో అవకాశం ఇచ్చినందుకు థ్యాంక్స్ అని నాగ్ కి చెప్పి హౌస్ ని విడిచిపెట్టారు. సో బాగ్ బాస్ 6 లో పడిన ఫస్ట్ వికెట్ షాని. డబుల్ ఎలిమినేషన్ కాబట్టి రేపు సండే మరొకరు ఎలిమినేట్ కాబోతున్నారు.