పెళ్ళై ఆల్రెడీ పిల్లలున్న వ్యక్తులని పెళ్లి చేసుకున్న హీరోయిన్లలో ముందుగా మహానటి సావిత్రి, అతిలోక సుందరి శ్రీదేవి గుర్తుకు వస్తారు. అదే పని చేసిన మరో సీనియర్ స్టార్ హీరోయిన్ కూడా ఉన్నారు. ఆమె ఎవరో కాదు శారద.
పెళ్ళై ఆల్రెడీ పిల్లలున్న వ్యక్తులని పెళ్లి చేసుకున్న హీరోయిన్లలో ముందుగా మహానటి సావిత్రి, అతిలోక సుందరి శ్రీదేవి గుర్తుకు వస్తారు. అదే పని చేసిన మరో సీనియర్ స్టార్ హీరోయిన్ కూడా ఉన్నారు. ఆమె ఎవరో కాదు శారద. 90 వ దశకం నుంచి శారద తల్లి పాత్రలతో పాపులర్ అయ్యారు కానీ అంతకు ముందు ఆమె వాణిశ్రీ తరహాలో స్టార్ హీరోయిన్. ఎన్టీఆర్, ఏఎన్నార్, శోభన్ బాబు లాంటి లెజెండ్స్ తో ఎన్నో చిత్రాల్లో నటించారు.
అంతటి గుర్తింపు పొందిన శారద తన వ్యక్తిగత జీవితంలో మాత్రం తప్పటడుగులు వేశారు. తాను నటిగా రాణిస్తున్న సమయంలో సీనియర్ నటుడు చలంతో ఆమె ప్రేమలో పడ్డారు. అప్పటికి చలంకి పెళ్ళై ముగ్గురు పిల్లలు ఉన్నారు. అతని భార్య అగ్ని ప్రమాదంలో మరణించింది. దీనితో శారద చలంని ప్రేమించింది. తన పెళ్లిళ్ల గురించి శారద ఓ ఇంటర్వ్యూలో ఓపెన్ అయ్యారు. ప్రేమించుకునే సమయంలో చలం నన్ను బాగా చూసుకునేవాడు. ప్రేమ గుడ్డిది కాబట్టి నాకు అప్పుడు ఏమీ అర్థం కాలేదు. నా వయసు కూడా 22 రెండు ఏళ్ళు.
1972లో శారద, చలంని వివాహం చేసుకుంది. పెళ్ళైన మూడో రోజు నుంచే చలం అసలు రంగు బయటపడిందట. డబ్బు కోసమే అతడు నన్ను పెళ్లి చేసుకున్నాడు అని అర్థం అయింది. షూటింగ్ సెట్స్ కి వచ్చి కూడా వేధించేవాడు. కొన్నిసార్లు కొట్టడానికి ప్రయత్నించాడు అంటూ శారద వాపోయింది. అతడి వేధింపులు భరించలేక విడిపోయినట్లు శారద పేర్కొంది.
పెళ్లి విషయంలో మరోసారి కూడా మీ మోసపోయింది. శారద చలంతో విడిపోయాక మలయాళీ బిజినెస్ మ్యాన్ ని పెళ్లి చేసుకుంది. అతడు కూడా కొద్దిరోజులు బాగానే ఉన్నాడు. నా డబ్బు పట్లే అతడి ఆసక్తి అని తర్వాత తెలిసింది. అతడి నుంచి కూడా విడిపోయినట్లు శారద తెలిపారు.
శారదకు పిల్లలు లేరు. తన సోదరుల పిల్లలని ఆమె పెంచుతున్నారు. వారితోనే చెన్నైలో నివాసం ఉంటున్నారు. శారద ఎన్నో వందలాది చిత్రాల్లో నటించారు. ఆమె చివరగా తెలుగులో నటించిన చిత్రాల విషయానికి వస్తే చిరంజీవికి తల్లిగా స్టాలిన్ చిత్రంలో.. ప్రభాస్ కి తల్లిగా యోగి చిత్రంలో.. వెంకటేష్ కి తల్లిగా సంక్రాంతి చిత్రంలో నటించారు. అదే విధంగా సుకుమారుడు అనే చిత్రంలో కూడా నటించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి