సమంత వెనుక భారీ స్కామ్, కోట్ల రూపాయలు మాయం ? అసలేం జరిగింది..

ఖుషి తర్వాత సమంత నుంచి మరో చిత్రం రాలేదు. ఆమె చేతిలో ఒక్క సినిమా ఆఫర్ కూడా లేదు. అయితే సమంత పూర్తిగా వెబ్ సిరీస్ లకు పరిమితం అయిందా అనే సందేహాలు కలుగుతున్నాయి. చివరగా సమంత నుంచి సిటాడెల్ అనే వెబ్ సిరీస్ వచ్చింది.

Samantha

ఖుషి తర్వాత సమంత నుంచి మరో చిత్రం రాలేదు. ఆమె చేతిలో ఒక్క సినిమా ఆఫర్ కూడా లేదు. అయితే సమంత పూర్తిగా వెబ్ సిరీస్ లకు పరిమితం అయిందా అనే సందేహాలు కలుగుతున్నాయి. చివరగా సమంత నుంచి సిటాడెల్ అనే వెబ్ సిరీస్ వచ్చింది. ఫ్యామిలీ మ్యాన్ దర్శకులు రాజ్ అండ్ డీకే దర్శకత్వంలో తెరకెక్కిన సిటాడెల్ అంతగా ఆకట్టుకోలేదు. ఇందులో సమంత, వరుణ్ ధావన్ ప్రధాన పాత్రల్లో నటించారు. 

ఇప్పుడు కూడా సమంత వెబ్ సిరీస్ లోనే నటిస్తోంది. ఆ వెబ్ సిరీస్ పేరు రక్త్ భ్రమండ్. దీనికి రాజ్ అండ్ డీకే దర్శకులు కానప్పటికీ వాళ్ళ పర్యవేక్షణలోనే రూపొందుతోంది. నెట్ ఫ్లిక్స్, డీ2ఆర్ సంస్థలు కలసి ఈ ప్రాజెక్ట్ ని నిర్మిస్తున్నారు. రహి అనిల్ బర్వె దర్శకుడు. రాజ్ అండ్ డీకే ద్వయంలో సమంత రాజ్ తో క్లోజ్ గా ఉంటున్నట్లు రూమర్స్ వస్తున్నాయి. వీరిద్దరూ డేటింగ్ చేస్తున్నట్లు పెద్ద ఎత్తున ప్రచారం జరుగుతోంది. ఎక్కడ చూసినా వీళ్ళిద్దరూ చెట్టాపట్టాలేసుకుని కనిపించడంతో రూమర్స్ కి బలం చేకూరుతోంది. 

అయితే రక్త్ భ్రమండ్ ప్రాజెక్ట్ వెనుక పెద్ద స్కామ్ జరిగినట్లు బాలీవుడ్ వర్గాలు చెబుతున్నాయి. కోట్లాది రూపాయల భారీ బడ్జెట్ లో ఈ వెబ్ సిరీస్ ని నిర్మిస్తున్నారు. ఇప్పటి వరకు 26 రోజుల షూటింగ్ జరిగిందట. కనీసం 30 శాతం కూడా షూటింగ్ పూర్తయి ఉండదు. ఇంతలోనే ఈ వెబ్ సిరీస్ కి కేటాయించిన బడ్జెట్ మొత్తం ఖాళీ అయిపోయినట్లు తెలుస్తోంది. దీనితో నెట్ ఫ్లిక్స్, డీ2 ఆర్ సంస్థలు కంగుతిన్నాయి. కోట్ల బడ్జెట్ 26 రోజుల్లోనే ఎలా అయిపోయింది అని విచారణ మొదలు పెట్టారు. 

ఇంత భారీ స్కామ్ వెనుక ఎగ్జిక్యూటివ్ ప్రొడ్యూసర్ హస్తం ఉన్నట్లు అనుమానాలు వినిపిస్తున్నాయి. నిజాలు నిగ్గు తేలేవరకు షూటింగ్ ని వాయిదా వేశారట. దీనితో సమంత రక్త్ భ్రమండ్ ఆర్థిక ఇబ్బందుల్లో చిక్కుకున్నట్లు అయింది. బడ్జెట్ వృధా కావడానికి దర్శకుడు రహి అనిల్ కూడా ఒక కారణం అని చెబుతున్నారు. అతడు ఎప్పటికప్పుడు కథలో మార్పులు చేయడం వల్ల కూడా బడ్జెట్ అయిపోయినట్లు తెలుస్తోంది. 

samantha divorce

ఫ్యామిలీ మాన్ లాంటి భారీ వెబ్ సిరీస్ లని తెరకెక్కించిన రాజ్ అండ్ డీకే పర్యవేక్షణలో ఇలా జరగడం అంటే షాకింగ్ అనే చెప్పొచ్చు. ఈ వెబ్ సిరీస్ లో సమంతతో పాటు ఆదిత్య రాయ్ కపూర్ కూడా ప్రధాన పాత్రలో నటిస్తున్నారు.