తెలుగులో సినిమాలు చేయడంపై ఆయన మాట్లాడుతూ, తాను ఎప్పుడూ సిద్ధమే అన్నారు. చిరంజీవితో `గాడ్ ఫాదర్`లో క్యామియో రోల్ చేసిన నేపథ్యంలో మళ్లీ చిరంజీవి సార్, వెంకటేష్ సార్, రామ్ చరణ్, తారక్, కళ్యాణ్ ఇలా ఎవరు అడిగినా వాళ్ల సినిమాల్లో నటించేందుకు రెడీగానే ఉన్నట్టు తెలిపారు సల్మాన్ ఖాన్. ఈ సందర్భంగా మరో ఆసక్తికరం విషయాన్ని పంచుకున్నారు.
తెలుగులో మీ ఫేవరేట్ హీరో ఎవరు అని అడగ్గా, తానే ఫేవరేట్ హీరోగా ఎదగాలని కోరుకుంటున్నట్టు తెలిపారు. ప్రస్తుతం ఆయన వంశీపైడిపల్లితో ఓ సినిమా చేస్తున్నారు. దీనికి గురించి చెబుతూ, మూవీ బాగా వస్తుందని వంశీ, ఫెంటాస్టిక్ పర్సన్ అని, అద్భుతంగా సినిమా చేస్తున్నాడని, తను మంచి హ్యూమన్ బీయింగ్ అని చెప్పారు. సినిమా గురించి తాను తర్వాత మాట్లాడుతానని వెల్లడించారు.
ట్రోల్స్ పై స్పందిస్తూ, సెటైర్లు పేల్చారు. ఈ మూవీ క్యాప్షన్ గురించి చెబుతూ, గొడవలు ఉండొద్దని, గొడవల ఇంట్లో ఉంటాయి, ఫ్యామిలీలో ఉంటాయి, అలాంటి గొడవలు లేకుండా మనశ్శాంతిగా, ప్రశాంతంగా ఉండాలనే ఉద్దేశ్యంతో ఈ క్యాప్షన్ పెట్టినట్టు చెప్పారు. సినిమా అందరికి నచ్చుతుందని తెలిపారు సల్మాన్.