బాలీవుడ్‌ యంగ్ హీరో సుశాంత్ సింగ్ రాజ్పుత్ మరణం నుంచి సినీ పరిశ్రమ ఇంకా కోలుకోలేకపోతోంది. అయితే సుశాంత్ మృతితో హిందీ సినీ పరిశ్రమలోని చీకటి కోణాలు కూడా తెర మీదకు వస్తున్నాయి. ముఖ్యంగా నెపోటిజం, మోనోపలి కారణంగా ఇండస్ట్రీలో ఇలాంటి పరిస్థితులు ఎదురవుతున్నాయన్న ఆరోపణలు వినిపిస్తున్నాయి.
undefined
సల్మాన్ ఖాన్, కరణ్ జోహార్, ఎక్తా కపూర్‌ లాంటి వారు స్టార్ వారసులను ప్రొత్సహిస్తూ కొత్త టాలెంట్‌లను తొక్కేస్తున్నారని ఆరోపిస్తున్నారు. ఇప్పటికే ఈ విషయంపై భారీ చర్చ జరుగుతోంది. కంగనా రనౌత్‌, అభినవ్‌ సిన్హా, కేఆర్కే లాంటి వారు ఈ విషయంలో బహిరంగ విమర్శలు కూడా చేస్తున్నారు.
undefined
సుశాంత్ మరణాన్ని ఇన్వెస్టిగేట్‌ చేస్తున్న పోలీస్‌ అధికారులు కూడా నెపోటిజం లాంటి అంశాలను పరిగణలోకి తీసుకొని పలు నిర్మాణ సంస్థలను విచారిస్తున్నారు. అయితే ఈ నేపథ్యంలో సల్మాన్ ఖాన్ చేసిన ఓ ట్వీట్ ఆసక్తికరంగా మారింది. సల్మాన్ ఖాన్ మీద తీవ్ర స్థాయిలో విమర్శలు వినిపిస్తున్న నేపథ్యంలో కండల వీరుడు ఆసక్తికరంగా స్పందించాడు.
undefined
`నా అభిమానులందరికీ ఓ విన్నపం. సుశాంత్ అభిమానులకు అండగా నిలవండి. వారు చేస్తున్న విమర్శలు, పట్టించుకోకండి ఆ మాటల వెనుక ఉన్న బాధను అర్ధం చేసుకోండి. సుశాంత్ కుటుంబానికి, అభిమానులకు తోడుగా ఉండండి. ప్రేమించే వ్యక్తిని కోల్పోవటం ఎంతో బాధాకరం` అంటూ ట్వీట్ చేశాడు సల్మాన్.
undefined
సుశాంత్ మరణం తరువాత ప్రధానంగా సల్మాన్ మీదే విమర్శలు వినిపించాయి. స్టార్ వారసులను ప్రమోట్‌ చేసేందుకు సల్మాన్ ఎంతో మంది యంగ్ టాలెంటెడ్ ఆర్టిస్ట్‌లను తొక్కేశాడని ప్రచారం జరిగింది. అయితే సల్మాన్ మాత్రం ఈ విమర్శలపై హుందాగా స్పందించటంపై అభిమానులు హర్షం వ్యక్తం చేస్తున్నారు. మరి సల్మాన్ కామెంట్‌తో అయినా విమర్శలకు బ్రేక్‌ పడుతుందేమో చూడాలి.
undefined