RRR First Review: ఎన్టీఆర్‌ సినిమాకి ప్రాణం.. ఫైవ్‌ స్టార్‌ రేటింగ్‌.. చరిత్రలో నిలిచిపోయే క్లాసిక్‌..

ఇండియన్‌ ప్రస్టీజియస్‌ మూవీ `ఆర్‌ఆర్‌ఆర్‌` ఫస్ట్ రివ్యూ వచ్చేసింది. ఈ చిత్రానికి ఫైవ్‌ స్టార్‌ రేటింగ్‌ వేయగా, ఇండియన్‌ సినిమాలోనే ఇదొక క్లాసిక్‌గా నిలిచిపోతుందని చెప్పడం ఇప్పుడు సంచలనంగా మారింది.

rrr movie first review

ప్రస్తుతం ఇండియాలోని సినీ ప్రియులంతా ఆసక్తిగా, ఈగర్‌గా వెయిట్‌ చేస్తున్న సినిమా `ఆర్‌ఆర్‌ఆర్‌`(RR Movie). టాలీవుడ్‌లో స్టార్లుగా రాణిస్తున్న ఎన్టీఆర్‌(NTR), రామ్‌చరణ్‌(Ram Charan) కలిసి నటించడం, దర్శకధీరుడు రాజమౌళి రూపొందించిన సినిమా కావడంతో దీనిపై భారీ అంచనాలున్నాయి. పైగా కొమురం భీమ్‌, అల్లూరి సీతారామరాజు వంటి ఫ్రీడం ఫైటర్స్ పాత్రలతో వస్తున్న సినిమా కావడంతో ఆ అంచనాలు ఆకాశానికి అంటాయి. మరి సినిమా ఎలా ఉండబోతుందో అనే ఆసక్తి అందరినిలోనూ నెలకొంది. 

rrr movie first review,

ఈ నేపథ్యంలో ఓవర్సీస్‌లో సెన్సార్‌ బోర్డ్ మెంబర్‌గా గా చెప్పుకునే ఉమైర్‌ సందు తాజాగా `ఆర్‌ఆర్‌ఆర్‌` సినిమాపై ఫస్ట్ రివ్యూ (RRR Movie First Review) ఇచ్చేశాడు. జనరల్‌గా ఓవర్సీస్‌లో విడుదలయ్యే తెలుగు సినిమాలపై ఆయన ముందే తన రివ్యూని చెబుతుంటారు. అయితే అందులో చాలా వరకు ఆయన బాగా ఉన్నాయని చెప్పిన సినిమాలు పరాజయం చెందగా, కొన్ని నిజంగానే సక్సెస్‌ అయ్యాయి. అయితే ఇప్పుడు `ఆర్‌ఆర్‌ఆర్‌`పై ఆయన ఇచ్చిన రివ్యూ సంచలనంగా మారింది. ఏకంగా ఫైవ్‌ స్టార్‌ రేటింగ్‌ ఇవ్వడం మరింత ఆసక్తిని రేకెత్తిస్తుంది. 

rrr movie first review,

ఓవర్సీస్‌లో ఇప్పుడే సెన్సార్‌ పూర్తయ్యిందని సినిమా గురించి ట్విట్ల రూపంలో వెల్లడించారు ఉమైర్‌ సంధు(Umain Sandhu). భారతీయ సినిమా పెద్ద కలలను కనడమే కాదు, వాటిని నిజం చేసుకోవచ్చని నిరూపించిన చిత్రం `ఆర్‌ఆర్‌ఆర్‌` అని వెల్లడించారు. ఈ సినిమాని మిస్‌ కాకుండా కచ్చితంగా చూసి తీరాల్సిందే అని స్పష్టం చేశారు. ఇది ఇప్పుడు బిగ్గెస్ట్ బాక్సాఫీసు బ్లాక్‌బస్టర్‌ అని, రేపటి రోజు ఓ క్లాసిక్‌ చిత్రంగా నిలిచిపోతుందన్నారు. 

rrr movie first review,

ఇంకా ఉమైర్‌ సంధు `ఆర్‌ఆర్‌ఆర్‌` సినిమా గురించి చెబుతూ, `ఎన్టీఆర్‌, రామ్‌చరణ్‌లు అదరగొట్టారని తెలిపారు. అంతేకాదు ఈ చిత్రానికి ఫైవ్‌ స్టార్‌ రేటింగ్‌ ఇచ్చారు. ఎన్టీఆర్‌ సినిమాకి ప్రాణమని తేల్చి చెప్పాడు. ఆయన అందరి హృదయాలను గెలుచుకుంటారని, రామ్‌చరణ్‌ అద్భుతంగా చేశాడని, ఆయన తన నటనతో ఫిదా చేస్తాడని, వీరిద్దరిది.. రాజమౌళి రూపొందించిన `ఆర్‌ఆర్‌ఆర్‌`లో డెడ్లీ కాంబినేషన్‌ని అని తెలిపారు. 

rrr movie first review,

అంతటితో ఆగలేదు. `ఆర్‌ఆర్‌ఆర్‌` సినిమా పవర్‌ ప్యాక్డ్ స్టోరీ అని, బ్యాక్‌గ్రౌండ్‌ స్కోర్‌ థ్రిల్‌ చేస్తుందన్నారు. ప్రొడక్షన్‌ డిజైనింగ్‌ అద్భుతంగా ఉంటుందన్నారు. సినిమా ప్రారంభం నుంచి క్లైమాక్స్ వరకు ఎంగేజ్‌ చేస్తుందని, ప్రతి ఒక్క నటుడు తన అత్యుత్తమ నటనని ప్రదర్శించారని, ఈ సినిమాతో రాజమౌళి దేశంలోనే నెంబర్‌ వన్‌ డైరెక్టర్‌ అయిపోతారని, `ఆర్‌ఆర్‌ఆర్‌` ఒక సినిమాటిక్‌ సాగా` అంటూ `ఆర్‌ఆర్‌ఆర్‌`ని ఆకాశానికి ఎత్తేశాడు. అజయ్‌ దేవగన్ సర్‌ప్రైజ్‌ చేస్తాడని, అలియా మెరుపులు హైలైట్‌గా నిలుస్తాయని, ఆమె చాలా అందంగా ఉందని వెల్లడించారు. సినిమాకి ఫైవ్‌ స్టార్‌ రేటింగ్‌ ఇవ్వడం సంచలనంగా మారింది.

rrr movie first review,

మరి ఉమైర్‌ సంధు చెప్పిన ప్రకారం చాలా సినిమాలు ఫెయిల్‌ అయ్యాయి, కొన్ని మాత్రమే సక్సెస్‌ అయ్యాయి. ఈ సినిమా ఏ జాబితాలో ఉంటుందో చూడాలి. కానీ సినిమా అద్భుతంగా ఉండబోతుందని అంతా నమ్ముతున్నారు. రాజమౌళి ఎప్పుడూ డిజప్పాయింట్‌ చేయరనేది అందరిలోనూ ఉన్న నమ్మకం. ఉమైర్‌ సంధు చెప్పినా, చెప్పకపోయినా సినిమా హిట్టే అని అంటున్నారు ఇద్దరు హీరోల అభిమానులు. రిజల్ట్ ఏంటనేది తెలియాలంటే మరో ఒక్క రోజు ఆగాల్సిందే.