పెళ్లి చేసుకునేందుకు నేను సిద్ధమే.. విష్ణుప్రియాతో మ్యారేజ్‌పై జే డీ చక్రవర్తి బోల్డ్ స్టేట్‌మెంట్‌

విలక్షణ నటుడు జే డీ చక్రవర్తి, యాంకర్‌ విష్ణు ప్రియా పెళ్లి వార్తలు గత కొన్ని రోజులుగా నెట్టింట చక్కర్లు కొడుతున్నాయి. విష్ణు ప్రియా జేడీపై తన క్రష్‌ని వెల్లడించడంతో ఈ వార్తలు ఊపందుకున్నాయి.   

జేడీ చక్రవర్తి చాలా కాలం తర్వాత తెలుగులో ప్రాజెక్ట్ చేశారు. `దయా` వెబ్‌ సిరీస్‌లో నటించారు. శుక్రవారం నుంచి హాట్‌ స్టార్‌ లో ఇది స్ట్రీమింగ్‌ అవుతుంది. దీనికి అదిరిపోయే రెస్పాన్స్ వస్తోంది. ఇందులో విష్ణు ప్రియా, ఈషా రెబ్బా ప్రధాన పాత్రల్లో నటించారు. ఓ రకంగా జేడీ చక్రవర్తికిది తెలుగులో కమ్‌ బ్యాక్‌ లాంటిదని చెప్పొచ్చు. అదే సమయంలో ఇంతకు ముందు సినిమాలు ఓ ఎత్తైతే, `దయా` మరో ఎత్తు అని తెలిపారు జేడీ. 

అయితే `దయా` వెబ్‌ సిరీస్‌ కంటే ఆయనకు పెళ్లికి సంబంధించిన వార్త నెట్టింట వైరల్ అవుతుంది. యాంకర్‌ విష్ణుప్రియా, జేడీ చక్రవర్తి పెళ్లి చేసుకోబోతున్నారనే పుకార్లు ఊపందుకున్నాయి. ఆ మధ్య ఓ ఇంటర్యూలో విష్ణు ప్రియా.. జేడీ చక్రవర్తిపై తనక్రష్‌ని, ఇష్టాన్ని వెల్లడించింది. ఆయన్ని పెళ్లి చేసుకోవాలని ఉందని చెప్పింది. కాస్త డోస్‌ పెంచి మాట్లాడింది. ఈ వ్యాఖ్యల నేపథ్యంలో ఈ ఇద్దరు పెళ్లి చేసుకోబోతున్నారనే వార్తలు మరింత ఊపందుకున్నాయి. 

తాజాగా దీనిపై జేడీ చక్రవర్తి స్పందించారు. `రియల్‌ టాక్‌ విత్‌ అంజి` తో జరిగిన యూట్యూబ్‌ ఇంటర్వ్యూలో జేడీ పెళ్లిపై రియాక్ట్ అయ్యారు. తాను పెళ్లి చేసుకునేందుకు సిద్ధమే అంటూ బోల్డ్ గా వెల్లడించారు. తన పెళ్లి చేయాలని యాంకర్‌ అంజికి సవాల్‌ విసిరారు. ఎక్కడ దొరక్కపోతే తన స్టూడియోలో పెళ్లి చేయండి అని చెప్పారు. అయితే అక్కడే ట్విస్ట్ పెట్టాడు. అమ్మాయి ఎవరనేది మీ ఇష్టమని, తాను మ్యారేజ్‌ చేసుకునేందుకు రెడీగా ఉన్నట్టు చెప్పారు. యాంకర్‌ని కాసేపు ఆడుకున్నారు. అంజిఈ రూమర్స్ పై బ్యాక్‌ కావడంతో నా వల్ల ఒక మంచి విషయం తెలుసుకున్నారని తెలిపారు జేడీ చక్రవర్తి. 

అంతేకాదు విష్ణుప్రియా గురించి బాగా చెప్పాడు. ఆమెపై ప్రశంసలు కురిపించారు. తన చాలా మంచి అమ్మాయి అని, బాగా నటిస్తుందని తెలిపారు. అయితే తన సినిమాలు చూసి ఆ ఎగ్జైట్‌మెంట్‌లో తను పెళ్లి గురించి అలా మాట్లాడి ఉంటుంది తప్ప మరేమీ లేదన్నారు. తనని ఆమె ఓ గురువుగా భావిస్తుందని, తమ మధ్య అలాంటి అనుబంధం ఉందని క్లారిటీ ఇచ్చే ప్రయత్నం చేశాడు జేడీ చక్రవర్తి. 

జేడీ చక్రవర్తి చిత్ర పరిశ్రమలో తనకంటూ ఓ ప్రత్యేకమైన స్థానాన్ని, ఇమేజ్‌ని ఏర్పర్చుకున్నారు. `శివ`, `గులాబీ`, `మనీ మనీ`, `బొంబాయి ప్రియుడు`, `ఎగిరే పావురం` వంటి చిత్రాల్లో నటించి మెప్పించారు. హిందీలోనూ  `సత్య`, `ఆగ్‌` వంటి సినిమాలు చేశారు. కానీ ఇటీవల కాలంలో ఆయన తెలుగులో సినిమాలు చేయలేదు. చాలా గ్యాప్‌ వచ్చింది. బాలీవుడ్‌కి వెళ్లడం వల్ల ఇక్కడ గ్యాప్‌ వచ్చిందన్నారు. ఇకపై ఇక్కడ నటించేందుకు సిద్ధంగా ఉన్నట్టు తెలిపారు.

మరోవైపు యాంకర్‌గా గుర్తింపు తెచ్చుకుంది విష్ణుప్రియా. ఆమె యూట్యూబ్‌లో డాన్సు వీడియోలతో అలరిస్తుంది. మానస్‌తో కలిసి ప్రైవేట్ సాంగ్స్ చేస్తుంది. దీంతోపాటు వెండితెరపై తన అదృష్టాన్ని పరీక్షించుకుంటుంది. అడపాదడపా మెరుస్తుంది. `దయా`లోనూ ఆమె కీలకపాత్ర పోషించింది. నటనతో మెప్పించింది. ఇంకోవైపు హాట్‌ హాట్ అందాలను ఆరబోస్తూ కెమెరాలకు పోజులిస్తుంది. వాటిని సోషల్‌ మీడియాలో అభిమానులతో పంచుకుంటూ దుమారం రేపుతుందీ సెక్సీ బ్యూటీ. దీంతో నెట్టింట మంచి ఫాలోయింగ్‌ని ఏర్పర్చుకుంది.