Bomma Blockbuster Review : రష్మీ గౌతమ్ ‘బొమ్మ బ్లాక్ బాస్టర్’ రివ్యూ!

బుల్లితెర అందాల యాంకర్ రష్మీ గౌతమ్ , టాలెంటెడ్ హీరో నందు జంటగా నటించిన చిత్రం ‘బొమ్మ బ్లాక్ బాస్టర్’. ఇప్పటికే థియేటర్ లోకి రావాల్సిన  ఈ సినిమా ఈరోజు గ్రాండ్ గా రిలీజ్ అయ్యింది.  సినిమా ఎలా ఉందనేది రివ్యూలో చూద్దాం...  

పదిహేను ఏండ్లుగా ఇండస్ట్రీలోనే ఉంటూ.. బ్యాక్ టు బ్యాక్ చిత్రాలతో  అలిరిస్తూనే ఉన్నాడు యంగ్ హీరో నందు (Nandu). క్యారెక్టర్ ఆర్టిస్టుగా ఆయా పాత్రలను పోషిస్తూనే.. ఇటు హీరోగా సినిమాలు చేస్తున్నారు. మరోవైపు స్టార్ యాంకర్ రష్మీ గౌతమ్ (Rashmi Gautam) కూడా వెండితెరపై హీరోయిన్ గా అలరిస్తూనే ఉంది. కానీ వీరిద్దిరికి ఇప్పటి వరకు సాలిడ్ హిట్ పడలేదనే చెప్పాలి. తాజాగా రష్మీ, నందు కలిసి నటించిన చిత్రం ‘బొమ్మ బ్లాక్ బాస్టర్’. ఈ రోజు (నవంబర్ 4)న థియేటర్లలో రిలీజ్ అయ్యింది. సినిమా కథ, నటీనటుల పెర్ఫామెన్స్, హిట్టా? ఫట్టా? అనే విషయాలను రివ్యూలో తెలుసుకుందాం.

కథ : పోతురాజు (నందు) ఒక మత్య్సకారుడు. అతనికి సినిమాలు అంటే చాలా ఇష్టం. ఆ పిచ్చితోనే స్టార్ డైరెక్టర్ పూరీ జగన్నాథ్ కు డై హార్డ్ ఫ్యాన్ గా మారిపోతాడు. దీంతో తను రాసుకున్న ఓ కథను ఎలాగైనా పూరీ జగ్నాథ్ కు వినిపించి, ఆ తర్వాత సినిమా తీయాలని నిర్ణయించుకుంటాడు. అందుకోసం ప్రయత్నాలు మొదలెడుతాడు. ఈ క్రమంలోనే సరదాగా లైఫ్ ను లీడ్ చేస్తూ వాణి(రష్మీ గౌతమ్)తో ప్రేమలో పడుతాడు. ఆమె తనకే సొంతం అని భావించి.. ఆమె గురించి ఎవరెమన్నా గొడవపడుతుంటాడు. ఈ క్రమంలో తన  తండ్రి మరణిస్తాడు. దీంతో ఒక్కసారిగా లైఫ్ మారిపోతుంది. అప్పటి నుంచి పోతురాజు తన లైఫ్ ను ఎలా లీడ్ చేశాడు? పూరీ జగన్నాథ్ ను కలిశాడా? తన కల నెరవేరిందా?  తన లవర్ వాణితో హ్యాపీ లైఫ్ ను చూశాడా? ఇంతకీ పోతురాజు తండ్రి ఎలా చనిపోయాడనేది మిగితా కథ..

విశ్లేషణ : కథ బాగుంటే ఎలాంటి సినిమానైనా.. ఎలాంటి స్టార్ క్యాస్ట్ ఉన్నా ప్రేక్షకులు ఆదరిస్తున్నారనేది ఇటీవల కాలంలో రుజువైంది. ఈ వరుసలో రీసెంట్ గా ‘సీతారామం’,‘కాంతారా’ లాంటి చిత్రాలు ఉన్న విషయం తెలిసిందే. మరోవైపు కొత్త దర్శకులు కూడా ఎలాంటి బజ్ లేకుండా రిలీజ్ తర్వాత ప్రేక్షకులతో సీటీలు కొట్టిస్తున్నారు. ఈ కోవలోకే ‘బొమ్మ బ్లాక్ బాస్టర్’ చిత్ర దర్శకుడు రాజ్ విరాట్  ఉన్నారు. షార్ట్ ఫిల్మ్స్ తో తన టాలెంట్ ను ఫ్రూవ్ చేసుకొని దర్శకుడిగా పరిచయం అయ్యాడు. తొలిసారిగా మెగా మైక్ పట్టుకున్నప్పటికీ బాగానే హ్యాండిల్ చేశారని చెప్పాలి. 

విభిన్న కథతో ‘బ్లాక్ బాస్టర్’ను ప్రేక్షకుల ముందుకు తీసుకొచ్చిన రాజ్ విరాట్ అందుకు సంబంధించిన కొన్ని అంశాలను చక్కగా వివరించారు. ముఖ్యంగా మత్య్సకారుడు పోతురాజు క్యారెక్టర్ ను పరిచయం చేయడం, ఫ్యామిలీ గురించి కొత్తగా వివరించడం, లీడ్ రోల్ లక్ష్యాన్ని చెప్పడం లాంటి అంశాలను సరళంగా సూటిగా ఆసక్తికరంగా చెప్పారు. పోతురాజ్ జీవితంలోకి వాణి ఎంటర్ అయ్యాకా లవ్ ట్రాక్ ను చాలా నార్మల్ గా చూపించారు. స్టోరీ లైన్ పై ఎక్కువ ఫోకస్ పెట్టారు. ఏదేమైనా పోతురాజ్ గోల్, అతని వ్యక్తిత్వం, సరదా లైఫ్ ను, వాణితో లవ్ ట్రాక్,  తన తండ్రి మరణం వరకు ఫస్టాప్ లో చక్కగా చూపించారు. ఇంటర్వెల్ లో ఇచ్చిన ట్విస్ట్ బాగుందని చెప్పొచ్చు. ఇక ద్వితీయార్థంలో తండ్రి మరణం, తన కుటుంబం గురించి తెలుసుకున్న కొన్ని విషయాలకు పోతురాజు వేసే ప్రతి అడుగుకు కథ ఊపందుకుంటుంది. ట్విస్టులు, టర్నింగ్ పాయింట్స్ తో ఆకట్టుకునే ప్రయత్నం చేశారు. క్లైమాక్స్ లో హీరోలోని మాస్ యాంగిల్ తో పాటు ఎమోషనల్ సైడ్ నూ చూపించాడు. తన లక్ష్యాన్ని ఎలా గెలిచాడనేది ఆసక్తికరంగా ఉంటుంది.

పస్ల్ / మైనస్ లు : చిత్రంలో హీరోహీరోయిన్లుగా నందు, రష్మీ గౌతమ్ నటించడం సినిమాకు ప్లస్ అయ్యింది. వీరి నటన గత చిత్రాలకంటే కాస్తా మెరుగ్గా ఉందనే భావన కలిగింది. అందుకు తగ్గట్టుగానే స్టోరీ లైన్ కూడా ఉండటంతో సినిమా కథపై ఆసక్తిని పెంచుతుంటుంది. మరోవైపు మ్యూజిక్ కూడా సందర్భానుసారంగా సాగింది. ట్రెండీ ట్యూన్స్ ఆకట్టుకున్నాయి. చిత్రంలోని ట్విస్టులు, ఆసక్తికరమైన సన్నివేశాలు సినిమాకు మరింత ప్లస్ అయ్యాయి. అయితే అక్కడక్కడా సినిమా కథనంలో పట్టు సడిలినట్టు అనిపించింది. కొన్ని సీన్లను వివరించిన తీరుకాస్తా పేలవంగా ఉంటుంది. మరోవైపు సినిమాలో సీరియస్ నెస్ కూడా తప్పటినట్టు అనిపిస్తుంది. టెక్నీకల్ టీం పర్లేదనిపించింది. మొత్తంగా సినిమా మాత్రం ‘బొమ్మ బ్లాక్ బాస్టర్’ అని చెప్పలేం కానీ.. ఫ్యామిలీతో కలిసి ఒకసారి చూడదగిన సినిమానే. నిర్మాణ విలువలు బాగున్నాయి. ఉన్నంతలో రిచ్ గా తీశారు. 

హీరోహీరోయిన్ గా నందు, రష్మీక గౌతమ్ నటించారు. రాజ్ విరాట్  దర్శకత్వం వహించారు. ఈ చిత్రంతోనే  రాజ్ డెబ్యూ డైరెక్టర్ గా ఇండస్ట్రీలో అడుగుపపెట్టారు. కిరీటీ, దామరాజు, రఘు కుంచె కీలక పాత్రల్లో నటించారు. నిర్మాతలు ప్రవీణ్ పగడాల, బోసుబాయి నిడుమోలు, ఆనంద్ రెడ్డి మద్ది, మనోహార్ రెడ్డి ఈడ ఈ చిత్రాన్ని నిర్మించారు. ప్రశాంత్ ఆర్ విహారి నిర్మించారు. 

 రేటింగ్: 2.75