Rana Daggubati: నన్ను కొట్టే విలన్ లేడు.. 'హిరణ్య కశ్యప'ని మించిన సినిమా రాబోదు, రానా షాకింగ్ కామెంట్స్

దగ్గుబాటి ఫ్యామిలీ నుంచి వచ్చిన రానా తొలి చిత్రం నుంచే వైవిధ్యం ఉన్న కథలపై ఆసక్తి చూపిస్తున్నాడు. నటుడిగా కొత్త ప్రయోగాలు చేస్తున్నాడు.

Rana Daggubati

దగ్గుబాటి ఫ్యామిలీ నుంచి వచ్చిన రానా తొలి చిత్రం నుంచే వైవిధ్యం ఉన్న కథలపై ఆసక్తి చూపిస్తున్నాడు. నటుడిగా కొత్త ప్రయోగాలు చేస్తున్నాడు. అందులో భాగంగానే బాహుబలి చిత్రంలో విలన్ గా నటించి జాతీయ స్థాయి మెప్పు పొందాడు. భళ్లాలదేవుడిగా రానా పవర్ ఫుల్ నటన ఎప్పటికీ గుర్తుంటుంది. ప్రస్తుతం రానా చేస్తున్న మరో ప్రయోగం 'విరాట పర్వం' చిత్రం. 

వేణు ఊడుగుల దర్శకత్వంలో తెరకెక్కిన ఈ చిత్రం జూన్ 17న గ్రాండ్ రిలీజ్ కి రెడీ అవుతోంది. ఈ చిత్రంలో రానా సరసన క్రేజీ హీరోయిన్ సాయి పల్లవి నటిస్తోంది. ఈ చిత్రంలో రానా నక్సలైట్ పాత్రలో నటిస్తున్నాడు. తాజాగా ఇంటర్వ్యూలో రానా ఆసక్తికర విషయాలు వెల్లడించాడు. ఈ చిత్రంలో ప్రతి ఒక్కరిది బలమైన రోల్ అని తెలిపాడు. 

ఇక తాను సోలో హీరోగా ఆశించినంత సక్సెస్ కాకపోవడంపై రానా స్పందించాడు. నన్ను కొట్టే విలన్ కనిపించడం లేదు. నేను హీరో అవ్వకపోవడానికి అదే పెద్ద సమస్యగా మారింది అంటూ రానా సరదాగా తెలిపాడు. నా నెక్స్ట్ మూవీ గుణశేఖర్ దర్శకత్వంలో ఉండబోతోంది. అది పౌరాణిక చిత్రం 'హిరణ్య కశ్యప'. ప్రస్తుతం ప్రీ ప్రొడక్షన్ కార్యక్రమాలు జరుగుతున్నాయి. వచ్చే ఏడాది మార్చిలో సెట్స్ పైకివెళ్లనుంది. దానిని మించే కమర్షియల్ సినిమా లేదు అంటూ రానా ఇంటరెస్టింగ్ కామెంట్స్ చేశారు. 

హిరణ్య కశ్యపపై రానా ఇచ్చిన ఈ అప్డేట్ అంచనాలు పెంచే విధంగా ఉంది.  బలమైన కథ పాత్రలతో సినిమా చేయాలనేదే తన కోరిక అని రానా తెలిపాడు. ప్రత్యేకంగా ఒక జోనర్ లోనే సినిమా చేయాలనే భావన నాకు లేదు. 

సినిమాలో పాట వస్తే బయటకి వెళ్ళిపోతా. అలాంటి సినిమాలు అంతగా నచ్చవు. సినిమాలు ఎప్పటికీ గుర్తుంచుకునే విధంగా ఉండాలని కోరుకుంటా. గుణశేఖర్ చాలా రోజుల నుంచి హిరణ్య కశ్యపపై వర్క్ చేస్తున్నారు. 

ఈ చిత్రం ఉంటుందా ఉండదా అనే అనుమానులు నెలకొన్న తరుణంలో హిరణ్య కశ్యప గురించి రానా బిగ్ అప్డేట్ ఇచ్చాడనే చెప్పాలి. ఇక విరాట పర్వం చిత్రంలో సాయి పల్లవి చేసిన వెన్నెల పాత్ర మరో స్థాయిలో ఉంటుందని రానా అన్నారు.