'దెయ్యం' గా దగ్గుపాటి రానా, సూపర్​ నేచురల్ థ్రిల్లర్

ఆయన పాత్ర డార్క్ షేడ్స్ తో, స్టైలిష్ గా చాలా డిగ్నిఫైడ్ గా ఉండబోతోందని అంటున్నారు.   

Rana Daggupathi

బాహుబలి చిత్రం తర్వాత సరైన హిట్ పడని రానా అవసరమైతే ఖాళీగా అయినా ఉంటున్నారు కానీ సరైన స్క్రిప్టు లేకపోతే సినిమా చేయటం లేదు.  2022 లో పవన్ కళ్యాణ్ తో చేసిన 'భీమ్లా నాయక్' తరువాత వచ్చిన 'విరాట పర్వం' విడుదలైన తరువాత, రానా తెలుగు సినిమా చెయ్యలేదు.

Rana Dagubbati

సుమారు రెండు సంవత్సరాలకి పైగా అయింది, రానా తెలుగు సినిమా ఓకే చేసి. అయితే ఇప్పుడు రానా దగ్గుబాటి ఓ తెలుగు సినిమా కమిటైనట్లు తెలుస్తోంది. అది సూపర్ నాచురల్ థ్రిల్లర్ సినిమా అని తెలుస్తోంది. ఆ సినిమాలో రానా దెయ్యంగా కనిపించబోతున్నట్లు వినికిడి. అది ఓ ఎక్సపర్మెంట్ ఫిల్మ్ అని తెలుస్తోంది. 

ప్రస్తుతం రానా ఓ  తమిళ సినిమా చేస్తున్నారు. రజినీకాంత్ హీరోగా నటిస్తున్న 'వెట్టియాన్' లో రానా విలన్ గా నటిస్తున్నాడు. దీనికి 'జై భీం' ఫేమ్ టిజె జ్ఞానవేల్ దర్శకుడు.  ఈ సినిమాలో రానా టెక్నాలిజీ తో ఆడుకునే విలన్ గా కనపడబోతున్నారు. అతను ల్యాప్ టాప్ లలో బగ్స్ పెట్టి ఆడుకుంటాడని అంటున్నారు. ఓ కార్పోరేట్ ఆఫీస్, అందుకు తగ్గ లుక్స్ తో రానా కనిపించబోతున్నారట. ఆయన పాత్ర డార్క్ షేడ్స్ తో, స్టైలిష్ గా చాలా డిగ్నిఫైడ్ గా ఉండబోతోందని అంటున్నారు. 

ఇక తను చేసిన వెబ్ సీరిస్  రానా నాయుడులో డార్క్ రోల్ కనిపించిన రానా చాలా మంచి పేరు తెచ్చుకున్నారు. ఆ సీరిస్ కు ఓ రేంజిలో రెస్పాన్స్ వచ్చింది. దాంతో  'రానా నాయుడు' వెబ్ సిరీస్ రెండో సీజన్ చిత్రీకరణ జరుగుతోంది. ఇందులో తన చిన్నాన్న వెంకటేష్ తో నటిస్తున్న సంగతి తెలిసిందే. మొదటి సీజన్ అద్భుతమైన విజయం సాధించటం కలిసి వచ్చిన విషయం. అమెరికన్ టీవీ సిరీస్ 'రే డోనోవన్'కు ఇది తెలుగు రీమేక్.

ఇక ఇప్పుడు ఓకే చేసిన ప్రాజెక్టు  విషయానికి వస్తే అది ఓ సూపర్​ నేచురల్ థ్రిల్లర్ కథతో తీయబోయే  సినిమా లేదా సీరిస్  అని తెలుస్తోంది. తనతో బాహుబలి వంటి సూపర్ హిట్ తీసిన నిర్మాతలు ఈ సినిమా నిర్మాతలు. ఆర్కా మీడియా వర్క్ తో రానాకు మంచి అనుబంధం ఉంది.

ఈ క్రమంలో వాళ్లు ఓకే చేసిన ఈ ప్రాజెక్టులో చేయబోతున్నారు. ఈ థ్రిల్లర్ లో రానా ..దెయ్యం (ghost) గా కనిపించబోతున్నారట. అయితే ఈ సీరిస్ లేదా సినిమా కు దర్శకుడు ఎవరనేది తెలియాల్సి ఉంది.  'నేత్రికన్' మిలింద్ ఫేమ్ మిలింద్ రావు దర్శకుడు అంటున్నారు. ఈ ఏడాది చివర్లో   షూటింగ్ మొదలయ్యే అవకాశాలు కనిపిస్తున్నాయి. ఇదో ఛాలెంజింగ్ రోల్ అని తెలుస్తోంది.  

ఇవి కాకుండా రానా దగ్గుబాటి అమెజాన్ ప్రైమ్ వీడియో కోసం ఒక షో చేస్తున్నట్టుగా తెలిసింది. ఈ షో కి 'ది రానా కనెక్షన్' అని పిలుస్తున్నారు. ఇందులో రానా దగ్గుబాటి దక్షిణాదికి చెందిన అగ్ర నటులను ఒక దగ్గరకి చేర్చి వారితో సంభాషించనున్నట్టుగా తెలుస్తోంది.

అయితే ఇంతకు ముందు నటులతో చాలా షో లు వచ్చినా, రానా ఇది తన మార్కు వుండేటట్టుగా ఒక అద్భుతమైన కాన్సెప్ట్ తో వెళుతున్నట్టుగా తెలిసింది. ఈ షో కోసమని రామానాయుడు స్టూడియో లో ఒక సెట్ కూడా తయారవుతోంది అని వినికిడి. అలాగే కొన్ని తెలుగు సినిమాలు కూడా ఈ సంవత్సరం ప్రకటించే అవకాశం ఉందని తెలుస్తోంది.