చక్రవర్తిగా, సీఎంగా, ఇండియన్ నేవీ అధికారిగా నటించిన విలక్షణ నటుడు.. కెరీర్ లో 15 ఏళ్ళు పూర్తి

రానా దగ్గుబాటి సినీ కెరీర్ వైవిధ్యంగా కొనసాగుతోంది. అందరు హీరోల తరహాలో రానా కమర్షియల్ ఇమేజ్ కోసం పాకులాడలేదు. పాత్ర నచ్చితే విలన్ రోల్ కి కూడా ఒకే చెబుతున్నాడు. 

Rana Daggubati

రానా దగ్గుబాటి సినీ కెరీర్ వైవిధ్యంగా కొనసాగుతోంది. అందరు హీరోల తరహాలో రానా కమర్షియల్ ఇమేజ్ కోసం పాకులాడలేదు. పాత్ర నచ్చితే విలన్ రోల్ కి కూడా ఒకే చెబుతున్నాడు. సినీ బ్యాగ్రౌండ్ ఉన్న ఫ్యామిలీ నుంచి వచ్చిన రానా నటనలో తనకి తిరుగులేదని నిరూపించుకున్నాడు. 

తన తాత రామానాయుడు ఇండియాలోనే గొప్ప నిర్మాతలలో ఒకరు. తండ్రి సురేష్ బాబు కూడా నిర్మాత. బాబాయ్ విక్టరీ వెంకటేష్ టాలీవుడ్ లో క్రేజీ స్టార్ హీరో. ఇంత బ్యాగ్రౌండ్ ఉన్నప్పటికీ రానా స్టార్ డమ్ కావాలని ఎప్పుడూ ఆరాటపడలేదు. నటనకు ప్రాధాన్యత ఉన్న కథలనే ఎంచుకుంటున్నాడు. తన తొలి చిత్రంలోనే ముఖ్యమంత్రి పాత్రలో సీరియస్ రోల్ ప్లే చేశాడు. శేఖర్ కమ్ముల దర్శకత్వంలో తెరకెక్కిన ఈ చిత్రంలో లీడర్ చిత్రంలో రానా ముఖ్యమంత్రి పాత్రలో నటించిన సంగతి తెలిసిందే. 

లీడర్ చిత్రం విడుదలై సరిగ్గా 15 ఏళ్ళు పూర్తవుతోంది. లీడర్ తర్వాత రానా అనేక చిత్రాల్లో నటించారు. కానీ అవి వర్కౌట్ కాలేదు. ఇక రూటు మార్చి విలన్ అవతారం ఎత్తిన రానా బాహుబలి చిత్రంతో ఇండియా మొత్తం తన సత్తా తెలియజేశాడు. బాహుబలిలో రానా భల్లాల దేవ చక్రవర్తిగా విశ్వరూపం ప్రదర్శించిన సంగతి తెలిసిందే. నెగిటివ్ రోల్ లో చెలరేగిపోయాడు. బాహుబలి రెండు భాగాలు రానాకి పాన్ ఇండియా గుర్తింపు తీసుకువచ్చాయి. 

రానా ఇండియన్ నేవీ సైనికుడిగా నటించిన ఘాజి చిత్రం కూడా పాన్ ఇండియా బ్లాక్ బస్టర్ గా నిలిచింది.  ఆ తర్వాత కరప్ట్ పొలిటీషియన్ గా నటించిన నేనే రాజు నేనే మంత్రి చిత్రం కూడా సూపర్ హిట్ అయింది. అదే విధంగా బాలకృష్ణ నటించిన ఎన్టీఆర్ బయోపిక్ చిత్రంలో రానా చంద్రబాబు పాత్రలో నటించి మెప్పించారు. అయితే ఎన్టీఆర్ బయోపిక్ బాక్సాఫీస్ వద్ద దారుణంగా నిరాశపరిచింది. 

పవన్ కళ్యాణ్ భీమ్లా నాయక్ చిత్రంలో స్టైలిష్ విలన్ గా నటించి మరోసారి రానా మెప్పించాడు. ఈ మూవీలో రానా పెర్ఫార్మెన్స్ కొత్తగా పవర్ ఫుల్ గా ఉంటుంది. చివరగా రజనీకాంత్ వేట్టయాన్ చిత్రంలో కూడా రానా విలన్ గా నటించారు. రానా కెరీర్ లో 15 ఏళ్ళు పూర్తి చేసుకున్న సందర్భంగా విక్టరీ వెంకటేష్ శుభాకాంక్షలు తెలుపుతూ పోస్ట్ చేశారు.