Ramya Krishnan: లవ్‌ లో ఫెయిల్యూర్‌ అయిన వాళ్ల కోసం పార్టనర్‌ని సెట్‌ చేస్తున్న రమ్యకృష్ణ.. క్రేజీ షో

Ramya Krishnan: 'బాహుబలి'లో రాజమాత శివగామిగా దేశవ్యాప్తంగా గుర్తింపు తెచ్చుకున్న నటి రమ్యకృష్ణ, ఇప్పుడు 'సెకండ్ లవ్' అనే కొత్త తమిళ డేటింగ్ రియాలిటీ షోతో హోస్ట్‌గా వస్తున్నారు. ఈ షో జియో హాట్‌స్టార్‌లో ప్రసారం కానుంది. 

రాజమాతే కాదు.. లవ్‌గురు కూడా!

'బాహుబలి'లో రాజమాత శివగామిగా పాన్-ఇండియా స్థాయిలో ఫేమస్ అయిన సీనియర్ నటి రమ్యకృష్ణ, ఇప్పుడు రియాలిటీ షో ప్రపంచంలోకి గ్రాండ్‌గా ఎంట్రీ ఇస్తున్నారు. 'జియో హాట్‌స్టార్' ఓటీటీలో ప్రసారం కానున్న ఓ కొత్తరకం రొమాంటిక్ డేటింగ్ షోకు ఆమె హోస్ట్‌గా వ్యవహరించబోతున్నారు.

'సెకండ్ లవ్'.. వెరైటీ కాన్సెప్ట్

ఈ రియాలిటీ షోకు 'సెకండ్ లవ్' అని పేరు పెట్టారు. ప్రేమలో బ్రేకప్ అయిన 30 ఏళ్లలోపు 12 మంది సింగిల్స్‌ను (అబ్బాయిలు, అమ్మాయిలు) ఒక లగ్జరీ విల్లాలోకి పంపిస్తారు. అక్కడ వాళ్లు తమ రెండో ప్రేమను వెతుక్కోవడానికి ఈ షో అవకాశం కల్పిస్తుంది. లవ్‌ లో బ్రేకప్‌ అయిన వాళ్లకి కొత్తగా రమ్యకృష్ణ పార్టనర్‌ ని సెట్‌ చేయబోతుందని చెప్పొచ్చు.  ఈ వెరైటీ కాన్సెప్ట్ ఇప్పటి జెన్-జీ (Gen-Z) యూత్‌ను ఎంతవరకు ఆకట్టుకుంటుందో చూడాలి.

యంగ్ హీరోయిన్లకు పోటీ ఇచ్చే లుక్

ఈ షోకు సంబంధించి ఇటీవల రిలీజ్ చేసిన పోస్టర్ సోషల్ మీడియాలో తెగ వైరల్ అవుతోంది. ఈ పోస్టర్‌లో రమ్యకృష్ణ పగిలిన గుండె సింబల్‌ను అతికిస్తున్నట్లు పోజు ఇచ్చారు. ఆమెను చూస్తుంటే 90ల నాటి నటిలా కాకుండా, ఇప్పటి యంగ్ హీరోయిన్లకు పోటీ ఇచ్చేంత గ్లామరస్‌గా, యంగ్‌గా ఉన్నారంటూ అభిమానులు కామెంట్‌ చేస్తున్నారు.

తెలుగులోనూ వస్తుందా?

ప్రస్తుతానికి ఈ షో నిర్వాహకులు కేవలం 'తమిళ జియో హాట్‌స్టార్' ఇన్‌స్టాగ్రామ్ హ్యాండిల్‌లో మాత్రమే అధికారిక ప్రకటన చేశారు. ఇదే షోను రమ్యకృష్ణ హోస్ట్‌గా తెలుగులోనూ స్ట్రీమింగ్ చేస్తారా లేదా అనేది తెలియాలంటే మరికొన్ని రోజులు ఆగాల్సిందే.

రియాలిటీ షోల బాటలో సీనియర్ స్టార్లు

రమ్యకృష్ణ సమకాలీకులైన కింగ్ నాగార్జున, జగపతి బాబు, బాలకృష్ణ వంటి స్టార్ హీరోలు ఇప్పటికే టీవీ, ఓటీటీ రియాలిటీ షోలను సక్సెస్‌ఫుల్‌గా హోస్ట్ చేస్తున్నారు. ఇటీవల 'మ్యాడ్ ఫర్ ఈచ్ అదర్', వంటల షోల ద్వారా లయ, రాధ, ముచ్చర్ల అరుణ వంటి పాతతరం హీరోయిన్లు కూడా తెలుగు ప్రేక్షకుల ముందుకు వచ్చారు. ఇప్పుడు రమ్యకృష్ణ కూడా ఇదే దారిలో కొత్త ఇన్నింగ్స్ మొదలుపెట్టారు.

సౌత్ ఇండియాకు కొత్త ప్రయోగం

ఇది డేటింగ్ ఆధారిత రియాలిటీ షో కాబట్టి, ప్రశంసలతో పాటు విమర్శలు కూడా వచ్చే అవకాశం ఉంది. ఇలాంటి డేటింగ్ షోలు సౌత్ ఇండియా మార్కెట్‌కు చాలా కొత్త. కానీ నార్త్ ఇండియాలో 'ఎంటీవీ స్ప్లిట్స్‌విల్లా' పేరుతో ఇలాంటి షోలు ఎన్నో సీజన్లుగా సక్సెస్‌ఫుల్‌గా నడుస్తున్నాయి. మరి రమ్యకృష్ణ 'సెకండ్ లవ్' షో ఆమె సెకండ్ ఇన్నింగ్స్‌లో ఎంతవరకు వర్కవుట్ అవుతుందో చూడాలి.