రమ్యకృష్ణ కెరీర్‌ ప్రారంభంలో దారుణంగా సాగిందట. ఆమెని దురదృష్టవంతురాలు అని పిలిచేవారట. నిర్మాతలో సినిమాల్లోకి తీసుకుని తొలగించారని చెప్పి షాకిచ్చింది రమ్యకృష్ణ.
ఒకప్పుటి స్టార్‌ హీరోయిన్ రమ్యకృష్ణన్‌.. ఇప్పుడు విలక్షణ పాత్రలతో మెప్పిస్తుంది. `నరసింహా`(తమిళం)లో నీలాంబరి పాత్ర ఆమె కెరీర్‌ని ఓ మలుపు తిప్పితే, ఆ తర్వాత `బాహుబలి` రమ్యకృష్ణ కెరీర్‌ని మరో టర్న్ తిప్పింది. హీరోయిన్‌గా ఎన్ని సూపర్ హిట్లు వచ్చినా, ఈ సినిమాల్లో రమ్యకృష్ణ నటన నెక్ట్స్ లెవల్‌ అని చెప్పొచ్చు. ఇప్పుడు విభిన్నమైన షేడ్స్ ఉన్న పాత్రల్లో నటిస్తూ మెప్పిస్తుంది రమ్యకృష్ణ.
ప్రస్తుతం ఆమె చాలా సెలక్టీవ్‌గా వెళ్తుంది. బలమైన పాత్రలు మాత్రమే చేస్తుంది. పెద్ద సినిమాలకు మాత్రమే ప్రయారిటీ ఇస్తుంది. వెయిట్‌ ఉన్న పాత్రలకే గ్రీన్‌ సిగ్నల్‌ ఇస్తూ మెప్పిస్తుంది. ఈ క్రమంలో రమ్యకృష్ణ చెప్పిన కొన్ని విషయాలు, ఆమె కెరీర్‌ పరంగా బయటకు వచ్చిన విషయాలు షాకిస్తున్నాయి.
రమ్యకృష్ణ కెరీర్‌ 1983లో తమిళ చిత్రం ద్వారా ప్రారంభమైంది. 84లో `కాంచు కాగడ` చిత్రంతో తెలుగులోకి అడుగుపెట్టింది. కొన్నాళ్లపాటు సినిమాల్లో క్యారెక్టర్‌గానే చేసింది. జస్ట్ ఓ రోల్‌ నుంచి సెకండ్‌ హీరోయిన్, ఆ తర్వాత హీరోయిన్‌గా టర్న్ తీసుకుంది. తమిళంలో, తెలుగులో పారలల్‌గా సినిమాలు చేస్తూ వచ్చింది. కానీ సరైన హిట్లు లేవు, బ్రేక్‌ లేదు. అక్కినేని హీరోలతోనూ చేసింది. కానీ పెద్ద సినిమాలు పడలేదు. ఫెయిల్యూర్సే ఎక్కువగా దర్శనమిచ్చాయి.
ఆ సమయంలో చాలా మంది నిర్మాతలు తనని హీరోయిన్‌గా బుక్‌ చేసుకుని రిజెక్ట్ చేసేవాళ్లట. మరో హీరోయిన్‌ని తీసుకునేవాళ్లట. సినిమా అంటే సక్సెస్‌. సక్సెస్‌ వెంట పరుగెడుతుంది. సక్సెస్‌ ఉన్న హీరోయిన్లనే తీసుకునేవాళ్లట. అలా చాలా సినిమాలు కోల్పోయిందట. వరుసగా చాలా మంది మేకర్స్ ఓకే చేశాక వద్దనే వారట. ఈ క్రమంలో తెలుగులో ఆఫర్లు తగ్గిపోతున్న సమయంలో కె రాఘవేంద్రరావు ఆమెకి లైఫ్‌ ఇచ్చాడు.
ఓ సందర్భంలో రమ్యకృష్ణ తన ఆయన ముందు వ్యక్తం చేసిందట. దీంతో ఆమె సినిమాలు చూసినప్పుడు ప్రారంభంలో చేసిన ఓ మూవీలో రమ్యకృష్ణ నటన, ఎక్స్ ప్రెషన్స్ పట్టుకున్నాడట. ఆమెని ఎలా చూపిస్తే బాగుంటుందో దానిపై ఫోకస్‌ పెట్టాడట. అలా 1990లో `అల్లుడుగారు` సినిమాకి ఎంపిక చేశారు రాఘవేంద్రరావు. అందులో రెండో హీరోయిన్‌గానే. అయినా అదిరిపోయే పాత్ర పడింది. మోహన్‌బాబుకి జోడీగా చేసి మెప్పించింది. రమ్యకృష్ణ అందరి చూపుని ఆకర్షించింది. పేరొచ్చింది.
ఆ తర్వాత బ్యాక్‌ టూ బ్యాక్‌ రమ్యకృష్ణతో సినిమాలు చేశారు రాఘవేంద్రరావు. ఆ వెంటనే `అల్లరి మొగుడు` చేశాడు. అది పెద్ద హిట్‌. రమ్యకృష్ణకి తెలుగులో పెద్ద బ్రేక్‌. సినిమా వంద రోజులు ఆడింది. ఆ సందర్భంగా 100రోజుల వేడుక నిర్వహించారు. ఇందులో రమ్యకృష్ణ మాట్లాడుతూ ఎమోషనల్‌ అయ్యింది. ఈ సక్సెస్‌కి కారణం కె రాఘవేంద్రరావు అని తెలిపింది. తనని చాలా మంది దురదృష్టవంతురాలు అనేవారు.
అంతేకాదు కొందరు నిర్మాతలు సినిమాల్లో ఓకే చేసి, తర్వాత తొలగించారని, చాలా సార్లు జరిగిందని, ఆ సమయంలో రాఘవేంద్రరావు తనని నమ్మి ఈ అవకాశం ఇచ్చిన ఇంతటి విజయాన్ని అందించారని రమ్యకృష్ణ రాఘవేంద్రరావు, హీరో మోహన్‌బాబు, నిర్మాతకు థ్యాంక్స్ చెప్పింది. ఈ క్రమంలో ఆమె భావోద్వేగాన్ని ఆపుకోలేక మాట్లాడే క్రమంలోనే స్టేజ్‌పైనే కన్నీళ్లు పెట్టుకుంది. స్పీచ్‌ ఇవ్వలేని పరిస్థితి ఆమె వెనుతిరిగింది.
ఆ సమయంలో చాలా సేపు రమ్యకృష్ణ భావోద్వేగాన్ని కంట్రోల్‌ చేసుకోలేకపోయిందని రాఘవేంద్రరావు తెలిపారు. ఇదంతా రాఘవేంద్రరావు సినీ ప్రస్థానాన్ని తెలియజేసేలా సాగే `సౌందర్యలహరి` షోలో రమ్యకృష్ణ, రాఘవేంద్రరావు వెల్లడించారు. ఇవాళ్ల తనని కాదనుకున్నవాళ్లు, తొలగించినవాళ్లు మళ్లీ నువ్వే కావాలి అని అనేలా చేస్తాను అని ఆ సమయంలోనే రమ్యకృష్ణకి చెప్పాడట.
`అల్లుడుగారు`లో ప్రత్యేకంగా శ్రద్దపెట్టి ఆమె పాత్రని డిజైన్‌ చేసినట్టు చెప్పారు రాఘవేంద్రరావు. అది చేసి చూపించారు. రమ్యకృష్ణ ఆ తర్వాత స్టార్‌ హీరోయిన్‌గా ఎదిగారు. నెంబర్‌ వన్‌ హీరోయిన్ అయ్యారు. ఇప్పుడు సీనియర్‌ నటిగానూ క్యారెక్టర్‌ ఆర్టిస్ట్ గానూ అదే స్థాయిలో ఉన్నారు.
ఇక రాఘవేంద్రరావు లేకపోతే తాను సిస్టర్, మదర్‌ పాత్రలు చేస్తూ ఉండిపోయేదాన్ని అని, లేదంటే ఇండస్ట్రీ నుంచి వెళ్లిపోయి పెళ్లి చేసుకుని ఏదో పని చేసుకునేదాన్ని అని వెల్లడించింది రమ్యకృష్ణ. తనకు గుర్తింపు, ఇమేజ్‌, సక్సెస్‌ వచ్చిందంటే అది రాఘవేంద్రరావు వల్లే అని, దానికి సంబంధించిన క్రెడిట్‌ ఆయనకే దక్కుతుందని వెల్లడించింది రమ్యకృష్ణ.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి